MARK 13:9 - KARANU KABI SAMTAM

⁹ “Gonyii rangtiisii sakai wolo; dapochiinii ahnyiinii gonyiigo jumsii samtak-ki pangkhii tangle; sateichii Jehudimei mah ndwibamni hang kito gonyiigo dat tangle, sateichii gonyii- nii gu jangpii sakchyii pyiimatu tang karam jangpii sazyii apum katiimei ninado sagongmei doito sat tangle.

MARK 13:9 Referans Kwoze

JONNII KARYII KABI RASAM JUKAMATI 16:2

Ahnyiinii Jehudimei mah ndwini teito gonyiigo paktoi tangle, sateichii gonyiigo kagimei kata hangninanii tiikalei aipii mpounii Saraago nga ngalei lesii maning tang karam tinglang tei gong leitakle.

MARK 13:5

Teito Jisunii ahnyii dakii tamtu takle, “Mei kaniido gonyiigo chyii- tatma lak tang karam jangpii sakai wolo.

MATIMANGOU KAPYII 2:13

Nangnii lungkalei bam tei Inii tile, teikito seitanmah sagongbam leile, Sei- tannii lungkalei bamni teito, malum kabui gumah sakchyii, Antipasgo kagi tinglang kikak katangdo, gonyiinii gu zeigo kamalum tei toi aimakle sateichii gonyiinii gudato kasangle.

MATIMANGOU KAPYII 2:10

Gonyiinii doutang karam kamage kalak gotei hingsulo. Julo, gonyiigo jai jutang karam jangpii seitannii gonyii kangkagonii kabang kikii toikai tangle, sateichii gonyiinii leimik kearii kamage kalak tei doutangle. Gonyiinii katai katang tei malum kabuimei tiilo, sateichii Inii gonyii dakii karingmah phyiihung tei pyiitangle.

MATIMANGOU KAPYII 1:9

Gonyii sanapii ninado Jisutai kaswimei hangninii tiisii gonyiigo kaswisii kamage kalak, ninado sagong sating sazyii ninado lung leh kati mah njai dou njoisii kalei Jon Inii Saraamah samtam ninado Jisunii kamati kamangou tei saa ka-mpat jangpii Patmos-sii kalat dwipii maguisii kalei sazyii kiteikii n-gu kai aitakle.

2 THESOLONIKAMEI 1:5

Saraamah samtak tei kasangle katu tei ai hang ainii matile, katunii, gonyiinii Saraamah sating sazyii ki lung kabui tiitang karam jangpiile, teijangpii gonyiinii kamage kalaktei pung leile.

PILIPIMEI 1:29

Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.

TIILAMLWI KAPYIIMEI THA JUKAMATI 21:11

Mpounii nyiida gongsii, Pol mah haikak teipii mpoupi mpoubah hangtei peinei aisii tamle, “Aitiisii rangii kamateinii tamle, ‘ai haikak apumpii aigo ai takumpii Jehudi- meinii Jerosalem kito peinei tangle, ninado ahnyiinii mpougo lui kakimei bah kikii pyiitoi aitangle.’ ”

TIILAMLWI KAPYIIMEI THA JUKAMATI 9:16

Kadapokii mpounii guzei jangpii kadaziika kamage kalak leh tangle katu tei Inii mpou dakii matipyii tangle.”

TIILAMLWI KAPYIIMEI THA JUKAMATI 7:54

Sateichii ahnyiinii samhang ai shii wosek-kii ahnyii lungtei rakarhiipii tokryiisanii, mpou phyii- ryiikii ahnyiinii aghii kaget tutakle.

JONNII KARYII KABI RASAM JUKAMATI 15:20

Kikaleimei teinii ahmah apumpii sung kisii dibwi maklesii Inii gonyii dakii tam katu samtei maning gonglo, ahnyiinii n-gu tiikamage leponii; gonyii godo tiikamage tangle, ahnyiinii gusam swileponii, gonyii samdo switangle.

LUKNII KARYII KABI RASAM JUKAMATI 9:5

Sateichii mei kata hang- ninanii gonyiigo lukei suleponii namdi kiteito gonyiinii tat kapat kak ahnyii phyiiryiikii sakchyii tiima- ngou tang karam jangpii gonyii pi kito buinei tei piitamtoi ailo.”

MARK 6:11

Sateichii bam kata hangninii kito gonyiigo lukaipyii sudinchiinii mak-kii shiipyii sudin- chiinii gonyiinii bam teiki teito tat kapat tinglang kak, ahnyiigo sakchyii tiikabui jangpii gonyii pi ki buinei tei padumtoi ailo.”

MARK 1:44

Sateichii Jisunii mpou dakii tamle, “Julo, nang meida kado ai rasam ai tam sulo, nlenii tat tulo, Atingpiida maasii mpougo mangoulo, nangnii gora tei bitakle katu tei meidakii mati tang karam jangpii Mosesnii kakhat kabam Saraago pyiitang karam tei karatlo.”

METIU 5:22

Nlenii Inii gonyii dakii tamleile, mei kata kangkanii mpou sanapiigo rarhii leponii, samtak tiitangle, sateichii kata kangkanii sanapiigo kalet kalou katiisam tam leponii, samtak katiibamki pangkhii tangle, sateichii kata kangkanii ‘ka- pang kamangpii nang sii’ tamleponii, sadoi kashyii mibamki liit tangle.

MARK 13:8

Kadapokii Lui hangninanii lui hangninii phyii- ryiikii, sagong sazyii hangninanii sagong sazyii hangninii phyiiryiikii saryii tiitu tangle, bam katham katham kito malyii chyiitu tangle, aihang ai kamage kalak pat tutang karam abang teile.

2 JON 1:8

Nyiinii tiikabam hangtei gonyiinii maga supii gonyii- mah lhang katokryii tei doukabui tiisii, gonyii roinapii gonyii sakai wolo.