MARK 10:52 - KARANU KABI SAMTAM

⁵² Jisunii mpou dakii tamle, “Tat tulo, gomah kamalum teipiinii n-go tii-mbipyii takle;” teito binasek-kii mpounii mik ngou wotakle sateichii pwidito Jisutai switu takle.

MARK 10:52 Referans Kwoze

METIU 9:22

Teito Jisunii nryiigong mpou- peigo ngou wosii tamle, “Gunah sapwi mpei nta tulo, gomah kamalum teipiinii n-go tii mbipyii takle.” Sateichii teisek-kii sapwi mpei tei biwo takle.

LUKNII KARYII KABI RASAM JUKAMATI 7:50

Nlenii Jisunii sapwi mpei dateikii tamle, “Go mah kamalum teipii n-go keipyii takle; majungsii tat tulo.”

MARK 8:25

Jisunii nlailoisii mik kachetpii mik kikii mpou bah hangna tei kaipyii takle, toinii miktei tiigatpii ngou wotakle, mpou mik-hoi tei nlai- gong takle sateichii mpounii matum madum mateisii ngou wotakle.

MARK 5:34

Teito Jisunii mpoupei dakii tamle, “Gunah sapwi mpei, gomah kamalum teipiinii n-go tii mbipyiitakle; ma- jungsii tat tulo, ninado gomah katchii tei bimatulo.”

JONNII KARYII KABI RASAM JUKAMATI 9:32

Mei kaniido mik chetsii lung ka m-mang mei hangninii mah mik kiido tii mbipyiile katu ai sazyii pouryii saroisekto shiisang shii- makle.

METIU 15:28

Teito Jisunii mpoupeigo khe- kalatle, “O kamalum kadi sapwi mpei, nangnii kakhang tei godato pat matulo,” sateichii mpoupei nah sapwi mpei tei teisek-kii tii mbipyii takle.

TIILAMLWI KAPYIIMEI THA JUKAMATI 26:18

ahnyiinii kamyii kito kava ki sateichii sara kashyii mah teimaham kito Saraa Bangpiida nlaigongsii kem kalei kapyii sateichii n-gu kamalum paikito Saraanii kalai kalumei kak kito bam doumatu tang karam jangpii, Inii n-go ahnyii mik rak matutang karam jangpii ahnyii dakii langkai leile.’

MARK 1:31

Jisunii mpoupeida patle, bahto jumsii chyiimatu masat takle, teito kariirhii tei bitakle, ninado mpou- peinii ahnyiigo nga-ngatu takle.

METIU 21:14

Sateichii mik kachet ninado pi katwimei teinii Saraa kamaning ki lung teito mpouda gongle, sateichii mpounii ahnyiigo tii mbipyii takle.

METIU 12:22

Teito sara kashyiinii kaswi kalei, mik kachet ninado lat kaga mei hangniniigo mpouda pang gong takle, Sateichii Jisunii mpougo tii mbipyii takle, lat kagapii teinii lat pat takle sateichii mik ngou wotakle.

JONNII KARYII KABI RASAM JUKAMATI 9:39

Jisunii tamle, “Mik ngou kasumei teinii ngou matutang karam jangpii, sateichii mik kangoumei teinii mik chet matutang karam jangpii, Inii samtak tiitang karam jangpii sazyii pouryii gongle.”

METIU 11:5

Mik kachet meinii ngou takle, pi katwimeinii tatlei takle, mpara tchii- sii kaleimei hangnii matei wotakle, khoi kapangmeinii shii wotakle, kataigo tiimaring wotakle, sateichii mah kagamei dakii kabi rasam ai tam ralipyii takle.

LUKNII KARYII KABI RASAM JUKAMATI 9:48

Sateichii ahnyii dakii tamle, “Mei kata kangkanii gu zei kito nah kacheng aigo lukai lepochiinii, n-gu lukaiziile; sateichii mei kata kang- kanii n-gu lukai leponii, n-gu lang m-mang kapyiipii godo lukaiziile; kadapochiinii gonyii hang kak kito kacheng cheng sangpii teinii kadi disang piile.”

METIU 8:3

Teito mpounii bah ntaapat mpougo dengsii tamle, “Inii mazhii takle, matei wolo.” Sateichii teisek-kii mpounii Mpara tiisii kalei tei matei wotakle.