MARK 10:38 - KARANU KABI SAMTAM

³⁸ Nlenii Jisuniiahnyii dakii tamle, “Gonyiinii kadapei khangleipo katu gonyiinii timakle, Inii kasak peek tei gonyii poisak wobuipo? Sa- teichii Inii dwi mpum kalu takumpii gonyii dwi mpum wobwipo?”

MARK 10:38 Referans Kwoze

LUKNII KARYII KABI RASAM JUKAMATI 12:50

Inii dwi mpum tang karam hangninii leile, sateichii ai-ai gong kasuta Inii kadaziikapii kamage tangpo!

JONNII KARYII KABI RASAM JUKAMATI 18:11

Teijangpii Jisunii Pitar dakii tamle, “Saryiikhang tei kanghet kikii kai ailo, gu pfiinii gudakii pyii kabam peek tei Inii saklakpo?”

JEMS 4:3

Gonyiinii khangle sateichii doumakle, kadapokii gonyiimah pum- zainii kamarei ka-ntha hang kiteikii tiimaga tang karam jangpii gonyiinii maning maasii khangle.

ROMMEI 8:26

Teitakumpii nyiimah kasuihang kito rangiinii nyiigo tiihale; kada- pokii nyiinii kada takumpii riita kajyiipo katu tei nyiinii timakle, nlenii mwipiinii tampei kalak tiisii kamagesii rangii sekpiiniido nyii jangpiinii Saraa dato riita khang- pyiisii leile.

LUKNII KARYII KABI RASAM JUKAMATI 22:42

“He Pfii-o, Nangnii mazhii lepo- chiinii, kamage kalak mah Peek ai gudato poitoi seilo. Nlenii katalyii tiikido Inii kamaning kamarei tei tiimatu supiinii nangnii kamaning kamarei tei tiimatulo.”

MARK 14:36

Sateichii mpounii tamle, “Pfii-o, gojangpiinii matum madum tiiwo kalak gale; peek ai gudato poitoi pyiilo; nlenii Inii kamaning kamarei tei sulo, nlenii nangnii kamaning kamarei teilo sii mpounii riitale.”

METIU 26:39

Sateichii mpounii adoilam pang chengniikii tatpatsii mpounii sazyii- kii mpou-ju poi masuksii riitale. “Gu Pfii, mazhii leponii peek ai gudato poitoi seilo; teitii kido gumah kamaning kamazhii tei sulo, nlenii nangnii kamaning kamazhii teilo.”

METIU 3:6

sateichii ahnyii mah kem hangtei tam mpatsii Jordan karyii kito ahnyiinii mpou dato dwi mpum wotakle.