MARK 10:14 - KARANU KABI SAMTAM

¹⁴ Nlenii Jisunii teitei ngou wosii, mpounii rarhiisii mpouboumei dakii tamle, “Ahnyiigo nam sulo; nahmei kachengmei gotei guda liit matulo, dapochiinii Saraa mah sating sazyii teinii ai kakummei lhangle.

MARK 10:14 Referans Kwoze

METIU 19:14

Nlenii Jisunii tamle, “Nahmei gotei guda gong matulo, ahnyiigo nam sulo, kadapokii sating gam sazyii tei aikakum mei mahle.”

METIU 18:10

“Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

METIU 18:4

Nahmei kacheng aitakum- piinii mpouroinapii mpougo poi sagoi supii poisanasii kalei mei teinii sating gam sazyii kito kadi disang- piile.

1 PITAR 2:2

nahmei karanumei takumpii, tinglang kaleita kamatei rangiimah nadwi gotei mangwilo; dapokii tei sak kalu teipii gonyiinii dikakhii thang kakhii ninado keikapyii karing doukido malahle.

2 TIMOTHI 3:15

Sateichii Krista Jisugo kamalum kito keikapyii karing kiteikii pang kagong n-go swirek kabi pyii kabui kamatei kabi rasam hangtei tiina kaleidouto nangnii titakle katu nangnii maning ziile.

MATIMANGOU KAPYII 14:5

Sateichii ahnyii mwi kito kachui tei doumakle, ahnyiinii sajek gale.

2 TIMOTHI 1:5

Godato kalei kasang kamalum tei Inii maning gongle, kamalum jaitiikasu ai kareiki gopei Luis ninado gopwi Unish dateito leile, sateichii aitoinii teitei godado leitakle katu Inii malumle.

IPISAMEI 4:26

Rarhiilo, nlenii kem tei tiisulo, gomah rakarhii tei leimik liit kasunakii ga ailo.

1 KORENMEI 14:20

Kangsanamei, swi kamaning kito nahmei takum supii, kashyii kito nahmei takumpii leilo. Nlenii swi kamaning kito katingmei takumlo.

1 KORENMEI 7:14

Kadapokii malum kasu naatei mpou nougo kapang kalu teipii Saraa doito lukai majyii takle, sateichii malum kasu noutei kama- lum naaki gong kalu teipii Saraa doito lukai majyii takle, aitiisii tiisu leponii, gonyii nahmei tei meidamei takum tangle, nlenii aitii katu taiswisii gonyii nahmei tei Saraa doito lukaimajyii takle.

ROMMEI 11:28

Kabi rasam mah kaang kito ahnyiinii gonyii mah kaang jangpii Saraago ngou karoumeile. Nlenii kalai kalu mah kaang kito ahnyii peipaomei mah kaang jangpii ahnyii ai lungkasyii meile.

ROMMEI 11:16

Sateichii ryiikabam thoknui kang kito pyiitoi kalei njai karei tei matei leponii thoknui kang hangtei mateile; sateichii tingmaa teinii matei leponii tingkaa hang teido mateile.

TIILAMLWI KAPYIIMEI THA JUKAMATI 3:25

Gonyiinii Lungkakalingmei mah ninado Sa- raanii gonyii-pei paomei dakii riishii tiikabam nah sapfiimei hangle; riishii tiikabam kiteito Saraanii Abraham dakii tamle, sateichii gotat goreng kito sazyii pouryii kalung mpung hangnii satoi tei doutangle.

TIILAMLWI KAPYIIMEI THA JUKAMATI 2:39

Kadapochiinii gonyii dakii, gonyii nahmei dakii, sateichii kadhii kito kaleimei hang dakii, nyii Saraa Bangpiinii latpyii tang karam meihang dakii riishii tiikabam tei bamle.”

MARK 8:33

Nlenii Jisunii nryiigong mpou-boumeigo jule sateichii Pitar go n-gile, “Gutailam tat tulo, Seitan! Kadapokii nangnii kamaning tei Saraa dato gongmakle, nlenii meinah dato gongle.”

MARK 3:5

Sateichii mpounii ahnyiigo ra-karhii tei njasii ju magui sanii, ahnyii lung katei jangpii swi kamagesii mpou dakii tamle, “Gobah ntaapatlo,” teito mpounii bah ntaa pat takle, ninado mpou-bah tei bitakle, tchii kasulam takum takle.

METIU 5:3

“Rangii kasuimei sadoi bile, kadapokii sating gam sazyii tei ahnyii mahle!

METIU 5:10

“Kasang kamajyii jangpii kaset kalak dousii kaleimei tei sadoi bile, kadapokii sating gam sazyii tei ahnyii mahle!

JONNII KARYII KABI RASAM JUKAMATI 3:3

Jisunii mpougo Khekalatle, “Inii n-go kasangpii tam leile, mei kata hangninanii manaaloi suleponii, mpounii Saraa mah sating sazyii tei ngoupei wolakle.”

JONNII KARYII KABI RASAM JUKAMATI 3:5

Jisunii khekalatle, “Inii godakii kasangpii tam leile, mei kata hang- ninanii dwi ninado rangii kito manaa kasutanii ahnii Saraa mah sating sazyii kitei liitpei wolakle.