MARK 1:35 - KARANU KABI SAMTAM

³⁵ Supounei tingchoi nukii valiit kasunii, Jisunii tusii teiki teito tatpat takle, ninado kamakum bam hangniniiki maasii teito riitale,

MARK 1:35 Referans Kwoze

LUKNII KARYII KABI RASAM JUKAMATI 6:12

Teitinglangki Jisunii riita tang karam jangpii zang hangniniiki tatpi takle, sateichii mpounii tinghum matang Saraa go riitale.

IPISAMEI 6:18

Sateichii nlai katang tei lung leh kati teipii machyiigatsii, kama- teimei hang jangpii riita hasii, riita kakhang ninado meijangpii riita kaha hang teipii, tinglang kaleita rangii haisii riitalo.

LUKNII KARYII KABI RASAM JUKAMATI 5:16

Nlenii mpounii mpou roipii kamakum bam kitei tat nleksii riitale.

HEBRUMEI 5:7

Mpounii sazyii pouryiimei tiisii lung kalei kak, katai kito mpougo keipyii wokabui kangam ah dakii hungsii kahat ninado mikdwi kapat tei njasii kariita ninado kakhang tei Jisunii pyiile, sateichii Saraago hingsii kamaning jangpii, mpougo shiipyiile,

JONNII KARYII KABI RASAM JUKAMATI 6:15

Mpougo sagong tiimatu tang karam jangpii, ahnyiinii gongsii pumtei tiisii jumle ziitakle katu Jisunii tiwosii, mpouroinapii mpounii zang gam tat tutakle.

METIU 14:23

Sateichii mpounii meimoi gotei langtoi kaleitai, riita tang karam jangpii mpou roinapii zang hangninii gam tatpi takle, sateichii tingkhiilam gong sek-kii mpouroinii teibam kito leitakle;

PILIPIMEI 2:5

Krista Jisu dato kalei lungswi tei gonyii datodo leimatulo.

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

METIU 14:13

Jisunii ai shii wosek-kii teibam kiteito malyii hangninii tong wosii kamakum bam hangniniiki sisii mpouroinapii tat tutakle; nlenii mei- moinii teitei shii wosek-kii ahnyiinii namdi namdi kito pipii mpoutai swi-wotakle.

MARK 1:36

sateichii Simon ninado mpou-tai swikalei meinii tatpatsii mpougo fiitu takle.