LUKNII KARYII KABI RASAM JUKAMATI 9:56 - KARANU KABI SAMTAM

⁵⁶ Sateichii Jisu ninado mpou boumei tei nam hangniniiki tat tuloi takle.

LUKNII KARYII KABI RASAM JUKAMATI 9:56 Referans Kwoze

ROMMEI 12:21

Kashyii teinii ngam malu sulo, nlenii kabi teipii kashyii gotei ngam malulo.

METIU 20:28

Teita- kumpii meinah sapfii mpou teinii nga-ngamatu tang karam jangpii gong makle, nlenii nga ngatang karam jangpii sateichii mei hang- kago kaleipyii tang karam jangpii mpou mah karing tei pyiilesii gongle.”

JONNII KARYII KABI RASAM JUKAMATI 3:17

Daponii Saraanii meinah sapfii mpou gotei Sazyii pouryiigo samtak tiimatu tang karam jangpii sazyii pouryiikii lang m-mang makle, nlenii mpou paikito sazyii pouryiigo keipyii matu tang karam jangpiiniile.

JONNII KARYII KABI RASAM JUKAMATI 10:10

Karagamei teinii raga tang karam jangpii ninado gitang karam jangpii sateichii tiimaga tang karam jangpii roinii gongle. Inii gonyiinii karing tei doumatu tang karam jangpii sateichii teitei moisii doumatu tang karam jangpii gongle.

LUKNII KARYII KABI RASAM JUKAMATI 19:10

Kadapochiinii meinah sapfii mpou teinii maga kalei gotei fiitang karam jangpii gongle.”

METIU 18:10

“Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

1 TIMOTHI 1:15

Jisu Kristanii kakui kama meigo keipyii tang karam jangpii sazyii pouryii gongpyiile katu ai malum wobuile sateichii nyiinii lukai tang karam jangpii tam kalei sam ai kasangle sateichii kem kama mei hang kak kiteito kem tiikaki tei I-le,

JONNII KARYII KABI RASAM JUKAMATI 12:47

Mei kata hangninanii gusam shii wosii teigotei swisu leponii Inii ahgo samtak tiimakle; kadapokii Inii sazyii pouryiigo samtak tiitang karam jangpii gong- makle, nlenii Inii sazyii pouryiigo keipyii tang karam jangpii gongle.

LUKNII KARYII KABI RASAM JUKAMATI 23:34

Teito Jisunii tamle, “He pfii-o! ahnyiigo maga pyiilo; kadapochiinii ahnyiinii kadapei tiiziipo katu tei ahnyiinii timakle.” Sateichii ahnyii kak kito doi kabi tei kajusii, ahnyii kakto mpou mah peimani tei njaitu takle.

LUKNII KARYII KABI RASAM JUKAMATI 22:51

Nlenii Jisunii tamle, “Aitiiloi sulo!” teito mpounii mpou khoi tei dengpyii siinii, ah gotei tii mbipyii takle.

METIU 5:39

Nlenii Inii gonyii dakii tamleile, gonyiigo tiikama meigo kum-fii sulo, mei kata hangninanii gonyiigo beeng ajiilam kaphyii leponii, beeng abilam pang teido ahgo kaphyii matulo.

LUKNII KARYII KABI RASAM JUKAMATI 9:55

Sateichii Jisunii nryii gongsii ahnyiigo n-gile.

LUKNII KARYII KABI RASAM JUKAMATI 9:57

Sateichii ahnyiinii pwidi tat leibangpii, mei hangninanii Jisu dakii tamle, “Nangnii katat bamlyii hangki Inii gotai switangle.”

METIU 18:11

Kadapokii meinah sapfii mpou teinii maga kalei gotei keipyii tang karam jangpii gongtakle.