LUKNII KARYII KABI RASAM JUKAMATI 9:48 - KARANU KABI SAMTAM

⁴⁸ Sateichii ahnyii dakii tamle, “Mei kata kangkanii gu zei kito nah kacheng aigo lukai lepochiinii, n-gu lukaiziile; sateichii mei kata kang- kanii n-gu lukai leponii, n-gu lang m-mang kapyiipii godo lukaiziile; kadapochiinii gonyii hang kak kito kacheng cheng sangpii teinii kadi disang piile.”

LUKNII KARYII KABI RASAM JUKAMATI 9:48 Referans Kwoze

LUKNII KARYII KABI RASAM JUKAMATI 14:11

Kadapo- chiinii mpou roinapiinii mpougo poi sagoisii kalei mei gotei tiisana pyii tangle, sateichii mpou roinapiinii mpougo tiisana sii kaleimei gotei tiimadi pyii tangle.”

1 PITAR 5:6

Teijangpii mpounii kalai kalu tinglang kak ki gonyiigo poisagoi pyii matutang karam jangpii, Saraamah teimaham kadi bah kang teito gonyii lung manoilo;

LUKNII KARYII KABI RASAM JUKAMATI 22:26

Nlenii gonyiinii tei takum makle; nlenii gonyii kak kito kadi disangpii teinii kasana nasangpii takumpii, sateichii kadi disangpii teinii anga kangamei takum matulo.

JONNII KARYII KABI RASAM JUKAMATI 13:20

Kasang kasangpii Inii gonyii dakii tam leile, Inii lang kamagongmei kata hangniniigo lukakaimei hangteinii n-gu lukaile sateichii n-gu lukakaimei hangteinii n-gu lang kamagong ahgo lukaile.”

LUKNII KARYII KABI RASAM JUKAMATI 10:16

“Gonyii sam shiisii kalei mei teinii n-gu mazhii makle, sateichii n-gu mazhii kasumei teinii, n-gu lang m-mang kapyiipiigo mazhii makle.”

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

1 THESOLONIKAMEI 4:8

Tei- jangpii aigo mazhii kasumei teinii meigo mazhii kasu tei makle, nlenii gonyii dakii mpoumah rangii kamatei pyiisii kalei Saraago mazhii makle.

JONNII KARYII KABI RASAM JUKAMATI 14:21

“Gumah kakhatsam hang gotei lukai wosanii tei hang gotei swikalu mei hang teinii n-gu lungkasyii meile. N-gu lungkasyiimei hang go gu Pfiinii lungsyii tangle, Iniido ahgo lungsyii tangle sateichii ah dakii n-gu mangoupyii tangle.”

LUKNII KARYII KABI RASAM JUKAMATI 22:30

gonyiinii gumah Sating Sazyii kito gumah tak kachii bam gamto kaswisii chii sak kabui jangpii, Inii gonyii dakii Sagong Sazyii julosii pyii leile.

LUKNII KARYII KABI RASAM JUKAMATI 7:28

Inii gonyii dakii tam leile, sapwimeinii lung kalu hang kak kito Jon sung dikakimei kado gale; nlenii Saraa mah sating sazyii kito kacheng chengsangpii teinii mpou sung dibuile.”

MARK 9:37

“Mei kata kangkanii ai kakum nahmei kacheng kak kito hangniniigo gu zei kito lukaipyii leponii, n-gu lukai leile, sateichii mei kata kangkanii n-gu lukai leponii, n-gu lukai makle, nlenii n-gu lang kamagong mpou gole.”

METIU 25:45

Tei tinglang kak mpounii ahnyii dakii khekalat tangle, ‘Inii gonyii dakii kasangpii tam leile, ai kacheng chengsang hangninii dakii gonyiinii tiiha kasutatei gonyiinii gudakii tiiha sutakle.’

METIU 25:40

Sateichii Sagong teinii ahnyiigo khekalat tangle, ‘Inii gonyii dakii kasangpii tam leile, gukang sanamei kacheng chengsang hangninii dakii gonyiinii tiikapyii tatei gonyiinii gudakii tiipyii bamle.’

METIU 19:28

Jisunii ahnyii dakii tamle, “Inii gonyii dakii kasangpii tam leile, Kasatai sazyii pouryii kiteito meinah sapfii mpou teinii mpoumah pumtei kava sagong bamki kabam tinglang kitei gutai swikalu gonyiido sagong- bam keariisiinakhii gamtei bamsii Isrelmei mah Lui keariisiinakhiigo samtak tiitangle.

METIU 18:14

Teijangpii ai kacheng hang kak kito hangninii kagodo maga matutang karam ai sating gamto kalei gu pfiinii kamaning kamarei teimakle.

METIU 18:10

“Gonyiinii ai kacheng hang kak kito hangninii godo maning kamala tiikasu tiisii tiigat tolo; kadapokii Inii gonyii dakii tam leile, Sating gamto ahnyii mah sating gamlui hangnii sating gamto kalei gu pfii jutei taksupii ngou leile.

MATIMANGOU KAPYII 21:14

Sateichii namdi teimah mbaang tei bangmaa kearii- siinakhii, sateichii teimah aphyiiryii teikii Jaonah mah tiilamlwi kapyii- mei keariisiinakhiimah zei tei leile.