LUKNII KARYII KABI RASAM JUKAMATI 9:41 - KARANU KABI SAMTAM

⁴¹ Teito Jisunii khekalatle, “Oh kamalum kaga ninado karampoumei ha, Inii gonyiigo kada takii kaswisii bamsii gonyiigo tiiha tangpo? Gonah sapfii mpou gotei aiki pang gonglo.”

LUKNII KARYII KABI RASAM JUKAMATI 9:41 Referans Kwoze

JONNII KARYII KABI RASAM JUKAMATI 20:27

Teito mpounii Thomas dakii tamle, “Gobah jungna tei aikikii kailo, sateichii gubah hangna ai julo ninado gobah hampatsii gumah kalaat kikii kailo, go mah malum kasu tei tou ailo ninado malum wolo.”

JONNII KARYII KABI RASAM JUKAMATI 14:9

Jisunii khekalatle, “Tinglang aitiiziika kathang ai Inii gonyiigo kaswisii bam takle, teitii kido nang n-gu timakpo, Filip? N-gu ngou kalumei hangteinii Pfiigo ngoutakle, teitii leponii, nang dajangpii ‘Pfii gotei nyii dakii mangoulo,’ sii tam leipo?

MARK 9:19

Teito Jisunii ahnyii dakii khekalatle, “Oh, kamalum kagamei ha, Inii gonyiigo kadatakii kaswisii bam tangpo? Inii gonyiigo kaswisii kadatakii pungha tangpo? Mpougo guda pang patlo.”

METIU 17:17

Jisunii khekalatle, “Oh kama- lum kaga ninado karampou mei-ha, Inii kadatakii gonyiigo kaswisii bam tangpo? Inii gonyiigo kadatakii leh njoi tangpo? Mpougo aiki guda pang gonglo.”

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

HEBRUMEI 4:11

Ahnyiinii katam swikasu jangpii tiidou kasu takumpii nyii kak kito mei kado tiidou kasu tei tiikasu tiisii nyiinii ngam kabuita teimah ka-ntak kitei liit kalu tiide.

HEBRUMEI 4:2

Kadapokii ahnyii dakii tam rali kapyii takumpii nyii dakiido kabi rasam tei tam ralipyii takle; nlenii shii kalu samtei ahnyii jangpii mah kado kabi gale, daponii katam kaswimei teinii kamalum tei njasii teigo tei lukai makle.

HEBRUMEI 3:19

Teipiinii malum kasu jangpii ahnyiinii ntakbam kitei liitpei wolak kiile katu nyiinii ngoule.

ROMMEI 2:4

Makkii Saraa mah ajai kabipii n-go lung kali matu tang karam kikii chyiitat pyiile katu tei tisupiinii mpou mah lung kasyiimah koikati, sateichii leh kati hang gotei nangnii maning mala leipo?

TIILAMLWI KAPYIIMEI THA JUKAMATI 13:18

sateichii tingkum rekdai katang tei mpounii sazyii kamarong kiteito ahnyiigo koipyii jupyiile.

TIILAMLWI KAPYIIMEI THA JUKAMATI 2:40

Sateichii kaki kaki sam hang- kapiiniido mpounii sakchyii pyiile, nyiigo katwido katwikai pyiisanii tamle, “Kashyii lung kapung aiha ki aito mpou mpou roinapiinii keiwolo.”

LUKNII KARYII KABI RASAM JUKAMATI 8:25

Sateichii mpounii mpou boumei dakii tamle, “Gonyii mah kamalum tei kadaki leipo?” Nlenii ahnyii tei khiikapat ninado kahingpii, hangninanii hangninii dakii tamle, “Tingkai ninado tingrot go katangpii mwija pyii sek-kii, swikalei mpou ai tapo?”

METIU 16:4

Kashyii kahong ninado meinou meinahgo kashyii katiimei ha ainii tiika- mangou siiti hangninii fiile, nlenii Jonah mah tiikamangou siiti teisupii tiikamangou siiti hangninii kado pyiilakle.” Teipiinii mpounii ahnyiigo toi aisii tat tutakle.

METIU 12:39

Nlenii mpounii ahnyiigo kekha- latle, “Kashyii kahong ninado meinou meinah go kashyii katiimei ha ainii tiikamangou siiti go fiile, nlenii Lungkakalingpii Jonah mah tiika- mangou siiti teisupiinii tiikamangou siiti tei pyiilakle.

METIU 3:7

Nlenii Farasismei ninado Sadhu- mei hangteinii dwi mpum tang karam jangpii gong kalei tei ngou wosii mpounii ahnyii dakii tamle, “He sanhii taa-nahmei, gongtang karam rakarhii kiteito nlek wolosii gonyii dakii tanii ralipyiipo?

MARK 10:49

Teito Jisunii sat takle ninado tamle, “Mpougo latlo,” teito ahnyiinii mik kachetpii gotei lat takle, ahnyiinii tamle, “Rangalo, tusat tolo, mpounii n-go lat leile.”

MARK 10:14

Nlenii Jisunii teitei ngou wosii, mpounii rarhiisii mpouboumei dakii tamle, “Ahnyiigo nam sulo; nahmei kachengmei gotei guda liit matulo, dapochiinii Saraa mah sating sazyii teinii ai kakummei lhangle.

METIU 23:36

Inii gonyii dakii kasangpii tam leile, Ai hang ai ha aiha phyiiryii gong tangle.

METIU 12:45

Teitinglangki ahnii maasii mpou sung kisii kashyii rangii kaki sana pang gong sanii liit tosii teikito bam takle; sateichii mei teipou tei nukareiki sung shyiibui takle. Kashyii kahong aiha datodo teigo njoisii pat tangle.”

METIU 11:28

“Kamagemei ninado pot ka- maswi pungsii kalei mei hang guda gonglo, Inii gonyiigo ka-ntak pyiitangle.

LUKNII KARYII KABI RASAM JUKAMATI 9:40

Sateichii Inii go boumeigo sara kashyii tei baatoi seilosii khangle, nlenii ahnyiinii baatoi peiwo lak kiile.”

LUKNII KARYII KABI RASAM JUKAMATI 9:42

Sateichii nah napou teinii tatpi leibangpii, sara kashyii teinii mpougo sazyiikii poi kousii tii kamage pyiitakle. Jisunii sara kashyii gotei kakhatsii namtakle, sateichii nah napou gotei tii mbipyii takle, sateikii mpou pwinei mpou pfii dakii nah sapfii mpou gotei pyiiloi takle.