LUKNII KARYII KABI RASAM JUKAMATI 9:27 - KARANU KABI SAMTAM

²⁷ Sateichii Inii gonyii dakii ka- sangpii tam leile, aikito satsii kalei- mei kangkanii Saraa mah sating sazyii ngou kasuta katai tei kadou lakle.”

LUKNII KARYII KABI RASAM JUKAMATI 9:27 Referans Kwoze

METIU 16:28

Inii gonyii dakii kasangpii tam leile, aikito sat kalei ahnyii kangkanii, meinah sapfii mpou teinii sagong tiisii kagong tei ngou kasuta tailakle.”

MARK 9:1

Sateichii mpounii ahnyii dakii tamle, “Inii gonyii dakii kasang- pii tam leile, aikito satsii kalei ahnyii mei kangkanii Saraa mah sating sazyii tei teimaham haisii kagong ngou kasuta taiga lakle.”

LUKNII KARYII KABI RASAM JUKAMATI 22:18

Kadapochiinii Inii gonyii dakii tam leile, Saraa mah Sating Sazyii gong kasuta, aitoisekpiinii Inii Darkhati bang mah riiti ai saklak takle.”

HEBRUMEI 2:9

Saraanii jumage kapyii paikito meihang jangpii mpounii taitang karam jangpii, tinglang shangniikii jangpiinii sating gamlui sung chengniikii tiisana kalei, Jisugo nyiinii ngoule. Mpounii kataimeimah mage leh kalu jangpii mpounii pumtei kava ninado sadzyii ngariit katiimah phyiihung choisii kalei tei nyiinii ngoule.

LUKNII KARYII KABI RASAM JUKAMATI 2:26

Sateichii mei teipou teinii Bangpii mah Kristago mpou mikpii ngou kasuta mpounii katai katu tei ngoulak lesii Rangii Kamateinii mati mangoupyii takle.

MARK 14:25

Inii gonyii dakii tam leile, Saraa sagong mah sazyii kito kasatai sak tang karam leimik tei gong kasuta Inii darkha riiti gamto sakloi lakle.”

JONNII KARYII KABI RASAM JUKAMATI 16:7

Nlenii Inii gonyii dakii kasangpii tam leile, Inii tat katu ai gonyii jangpii bibwile, kadapokii Inii tat tusuleponii; tiikahapii tei gonyiida gongsang gonglakle, nlenii Inii tat tuleponii, Inii ahgo gonyii dakii lang magong tangle.

JONNII KARYII KABI RASAM JUKAMATI 8:59

Teipiinii ahnyiinii mpougo rot tang karam jangpii kuitu poimakhii takle, nlenii Jisunii mpouroinapii mbeiwosii, Saraa kamaning kilung teito tatpat totakle.

JONNII KARYII KABI RASAM JUKAMATI 14:2

Gu pfiiki ki shang hangniikii leile, teisuleponii, gonyii jangpii Inii mang bam tiikada tang karam jangpii I tat tutaklesii Inii gonyiida tam tangpo?