LUKNII KARYII KABI RASAM JUKAMATI 9:26 - KARANU KABI SAMTAM

²⁶ Kadapochii gujangpii sateichii gusamtam hang jangpii mei kata kangkanii nrou leponii, meinah sapfii mpou teinii mpou doito nrou- tangle–mpoumah pumtei kava kito sateichii sating gamlui mah pumtei kava kito mpounii kagong kak.

LUKNII KARYII KABI RASAM JUKAMATI 9:26 Referans Kwoze

2 TIMOTHI 2:12

Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

ROMMEI 1:16

Kadaponii Inii kabi rasam jangpii ka-nrou gale; kadapochiinii teitei kamalum mei hangnii keikapyii karing doutang karam Saraa mah teimahamle; karei kito Jehudimei go sateichii Grikmei godole.

MARK 8:38

Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.

MATIMANGOU KAPYII 21:8

Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”

METIU 16:27

Kadapokii meinah sapfii mpou teinii mpou pfii mah pumtei kava kito mpoumah sating gamlui hang go kaswisii gong tangle, sateichii tei tinglangki meihang dakii mpou mpoumah tha taiswisii alangh pyii tangle.

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

JONNII KARYII KABI RASAM JUKAMATI 12:43

Kadapokii Saraanii tam kamatoi sung meinii tam kamatoi tei ahnyiinii kisii marai takle.

MATIMANGOU KAPYII 20:11

Sateichii sagongbam kadi kaha hangninii sateichii teiphyiiryiito bam kalei ah gotei Inii ngou takle, Ah doi teito sating ninado sazyii teinii pakga takle, sateichii ahnyii jangpii bamtei dousutakle.

JUD DATO KAGONG CHITI JUKAMATI 1:14

Sateichii aimei hang dakiido Adam sekto ha sana kashang Inoknii doireisii Saraa sam saa mpatsii tamle, “Julo, Bangpiinii mpoumah kamatei sating gamlui tang tang go kaswisii gong tangle.

2 TIMOTHI 1:12

Sateichii kaang aihang jangpii kamage kalak hang ai Inii dousii leile, nlenii Inii aitoido maning kamalum teipii tokryiile, daponii Inii malum kalei mpougo Inii tile, sateichii mpounii gudakii pyiikabam tinglang leimik katang tei mpounii n-gu koipyii jupyii wobuile katu tei Inii malumle.

MATIMANGOU KAPYII 3:5

Ngam kalu ah gotei aitiisii peimani kaha kaipyii tangle; sateichii Inii ahmah zei tei karingmah larekbung kiteito poisang poitoipyii lakle, sateichii Inii ahmah zeitei gu pfii doito sateichii mpoumah sating gamluihang doito mazhiipyii tangle.

MATIMANGOU KAPYII 1:7

Julo, Mpounii kamong gotei ka- swisii gong leile; sateichii meihangnii, sateichii mpougo nghiipii kahuimei tei haisii mpougo ngoutangle; sateichii sazyii pouryii luihangnii mpou kaang kito kamadak tangle, nle, teitii tangle, Amen.

GALATIMEI 6:14

Sazyii pouryiinii gudakii sateichii Inii sazyii pouryii dakii krosh kito taikapyii, nyii Bangpii Jisu Kris- tamah kaang kito supiinii detkadi tei gudato dhii matulo.

METIU 26:64

Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

HEBRUMEI 13:13

Teijangpii nyiiniido mpoumah ka-nrou njai tei dou njoitang karam jangpii namki saba mpou datei tat tude.

HEBRUMEI 11:26

Izip mah kani kahiigo sungnii Krista mah ngou kasaba teinii kisii mai teeng kile sii mpounii poi wotakle. Kadapokii tinglang kanaki doutang karam alangh tei mpounii jubamle.

2 KORENMEI 12:10

Krista jangpii Inii kasui hang kito, kalet kalou katii kito, kahung kanang kito, kaset kalak kapyii kito, sateichii kamage kalak kiteito Inii lung samoule, kadapokii Inii suisii kalei tinglang kak Inii teimaham tei leile.

JONNII KARYII KABI RASAM JUKAMATI 5:44

Saraa dato kagong tam kamatoi gotei gonyiinii fiisupii hangninanii hangninii dato tam kamatoi tei poisii, gonyiinii kada takumpii n-gu malum wotangpo?

TIILAMLWI KAPYIIMEI THA JUKAMATI 10:22

Sateichii ahnyiinii tamle, “Saryiimei mei hai phyiiryiito apum tiikaleipii Kornilius, kasang ninado Saraago kahing sateichii Jehudimei lui hangnii tam ka-mbipii dakii, mpou kikii n-go pang gong matutang karam jangpii ninado godato sampao tei shii tang karam jangpii kamatei sating gamluinii tampyii ralipyii takle.”

1 TIMOTHI 5:21

Meiju jusii kagu kaphang mah kado tiisupii, reipii samtak katii tei haisupii nangnii sam hang ai ryiikabui tiisii, Saraa doito, Krista Jisu doito, sateichii kalai kalumei hang doito Inii godakii pyii leile.