LUKNII KARYII KABI RASAM JUKAMATI 9:20 - KARANU KABI SAMTAM

²⁰ Sateichii mpounii ahnyii dakii tamle, “Nlenii gonyiinii n-gu tale- ziipo?” Pitarnii khekalatle, “Nang Saraanah Krista teile.”

LUKNII KARYII KABI RASAM JUKAMATI 9:20 Referans Kwoze

JONNII KARYII KABI RASAM JUKAMATI 7:41

Kaki mei hangteinii “Mpou ai Kristale!” sii tamle. Nlenii kakimei kangkanii tamle, “Krista teinii Galili kito gong tangpo?

JONNII KARYII KABI RASAM JUKAMATI 4:29

“Inii tiikabam hangtei gudakii tam kapyii sapfii mpou gotei gongsii julo, Mpou ai Krista tei lakpo?”

TIILAMLWI KAPYIIMEI THA JUKAMATI 17:3

Teitei tam mpatpyii sii Kristanii kamage kalak lehsii kataimei kak kito ringkhii tang karamle sateichii “Inii gonyii dakii tam ralipyiisii kalei Jisu ai Kristale” sii tiigatpii tam ralipyiile.

TIILAMLWI KAPYIIMEI THA JUKAMATI 9:22

Nlenii Solnii tam rali kapyii tei kisii kisii teisii, Jisu ai Kristale katu maning kariirhii tei gasii tam rali kapyii kito, Damaskas kito kalei Jehudimei hang go sung tiimaga aitakle.

JONNII KARYII KABI RASAM JUKAMATI 20:31

nlenii Jisu ai Saraa nah sapfii mpou Kristale katu tei gonyiinii malum matutang karam jangpii sateichii malum wosii gonyiinii mpou zei kito karing tei doumatutang karam jangpii aihang ai ryiikai bamle.

JONNII KARYII KABI RASAM JUKAMATI 11:27

Mpoupeinii mpou dakii tamle, “Nle malumle Bangpii, Nangnii Saraa nah sapfii mpou Krista, sazyii pouryii gongtang karampii teile katu Inii malumle.”

JONNII KARYII KABI RASAM JUKAMATI 4:42

teito ahnyiinii sapwi mpei dateikii tam takle, “Nangnii katam jangpii nyiinii aitoi malum makle, nlenii nyii sekpiinii mpougo shiitakle sateichii mpou ai kasangpiinii sazyii pouryii mah Keikapyiipiile katu nyiinii tile.”

JONNII KARYII KABI RASAM JUKAMATI 1:49

Nathanelnii mpougo khekalatle, “Rabbi,” (katunii Madhiikapyiipii) “Nangnii Saraa nah sapfii mpou teile, Nang Isrelmeinah mah Sagongle.”

JONNII KARYII KABI RASAM JUKAMATI 1:41

Mpounii karei kito mpou sung katingpii Saimon go douwosii mpou dakii tamle, “Nyiinii Messaiya (katunii Krista) go doutakle.”

MARK 8:29

Sateichii mpounii ahnyii dato n-nhiile, “Nlenii gonyiinii n-gu ai taleziipo?” Teito Pitar nii mpougo khekalatle, “Nang Krista teile.”

1 JON 5:1

Jisugo Kristale katupii kamalum meihangnii Saraa nahmeile sateichii Pfiigo lungkasyiimei hang- teinii mpougodo lungsyiile.

TIILAMLWI KAPYIIMEI THA JUKAMATI 8:36

Sateichii ahnyiinii aitiisii pwidi lamto tatleibangpii dwi kalei nitei gong wotakle; teito Ithopiyamei mi katupii teinii tamle, “Julo, aiki dwi lei takle, n-gu dwi mpumpyii tang karam kito kadapei kadang leipo?”

LUKNII KARYII KABI RASAM JUKAMATI 22:67

“Nang Krista tei lepochiinii, nyii dakii tamlo.” Nlenii mpounii ahnyii dakii tamle, “Inii gonyii dakii tam kido gonyiinii malumsang malum lakle;

MARK 14:61

Nlenii Jisunii malhiisupii bamsii mah kado khepyii sutakle. Nlailoisii Tingditupii teinii mpougo kachyiinhiile, “Tam makang tang karam nah sapfii mpou Krista tei nangpo?”

METIU 22:42

“Krista mah kaang kito gonyiinii kadalesii maningpo? Mpou ai ta-nah Sapfii mpoupo?” Ahnyiinii mpoudakii tamle, “Mpou ai Devit nah Sapfii mpoule.”

METIU 5:47

Sateichii gonyiinii gonyii kangsanameigo roinii karou kariit leponii, kakimei doito gonyiinii kadapei kisii tiipo? Jehudimei kasu lui kakimeiniido teitei tiilei makpo?

METIU 26:63

Nlenii Jisunii malhii sutakle sateichii Tingditupii teinii mpou dakii tamle, “Saraa nah sapfii mpou Krista tei nangle katu, nang makle katu nyii dakii tam matutang karam jangpii karing Saraa zei kito Inii n-go riishii n-nhii leile.”

LUKNII KARYII KABI RASAM JUKAMATI 9:19

Teito kangkanii tamle, “Nang Jon dwi mpum kapyiipii tei lesii ah- nyiinii khekalatle, kangkanii tamle, nang Ilaijah teile; Kangkanii tamle, nang ndou karei lungkakalingmei hang kak kito hangninii ringkhii kalu teile” sii.