LUKNII KARYII KABI RASAM JUKAMATI 9:16 - KARANU KABI SAMTAM

¹⁶ Teito mpounii tiirok pang mangii sateichii kaa pakna tei poisii, sating gamkii rajang matu hakalang tamsanii tiirak takle, sateichii mpou boumei dakii pyiitakle meihang dakii jailosii.

LUKNII KARYII KABI RASAM JUKAMATI 9:16 Referans Kwoze

METIU 14:19

Sateichii mpounii meihang gotei hiinhii phyiiryii bamlosii mwija pyiisanii, tiirok pang mangii sateichii kaa pakna tei poisii sating gam rajang matusii satoi pyiitakle. Sateichii tiirak wosii tiirok hangtei boumei dakii pyiisanii boumei teinii meihang dakii pyii takle.

LUKNII KARYII KABI RASAM JUKAMATI 24:30

Sateichii mpounii ahnyiigo kaswisii chiitang karam jangpii bam leibangpii, mpounii tiirok tei poiwosii satoi pyiitakle, sateikii tiirok tei tiirak wosii ahnyiigo pyiitakle.

METIU 15:36

tiirok pang sana ninado kaa chengniikii tei poisii Saraago hakalang pyii aitaklepokii, tiirak wosii boumei dateikii pyiitakle sateichii boumei teinii meihang dakii pyiitakle.

ROMMEI 14:6

Leimikgo ryii kaleimei teinii Bangpii jangpii tiiziile, kadaponii mpounii Saraago hakalang pyii kalei taiswisii sateichii chiikasupii teinii Bangpii jangpii chiisupii Saraago hakalang pyiile.

TIILAMLWI KAPYIIMEI THA JUKAMATI 27:35

Sateichii mpounii ai ai tamsii, tiirok tei poisii meihang doito Saraago hakalang tei tamsii, teitei tiirak wosii chiitu takle.

JONNII KARYII KABI RASAM JUKAMATI 6:23

Teitii kado Abangpiinii hakalang pyii kaleitai ahnyiinii tiirok kachii bam kutei Tiberiya kito malyii chengniikii gong takle.

JONNII KARYII KABI RASAM JUKAMATI 6:11

Teito Jisunii tiirok tei poisii, hakalang tamsii ntombam kaleimei hang dateikii jai takle, teitakumpii mpounii kaa teido ahnyiinii kama- reita tei jaipyii takle.

LUKNII KARYII KABI RASAM JUKAMATI 22:19

Sateichii mpounii tiirok tei poisii hakalang pyiisii, tiirak takle sateichii ahnyii dakii pyii siinii tamle, “Ai ai gonyii jangpii pyii kabam gu-tchiile, gonyiinii n-gu maningsii leitang karam jangpii ai ai tiilo.”

1 KORENMEI 11:24

tiirok phangkii poisii Saraago hakalang tam kaleitai, mpounii tiirok tei tiiraksii tamle, “Ai ai gonyii jangpii pyiikalei gupumle, n-gu maningsii lei tang karam jangpii ai ai chiilo.”

1 KORENMEI 10:30

Inii hakalang katam njasii njai poi njoi leponii, Inii hakalang katam tei kaang jangpiinii dajangpii n-gu tam mashyii leipo?

MARK 7:34

ninado sating gamki rajang matu, chyiidi ngaisii, mpouda tamle, “Ephphatha katunii laat pyiilo.”

LUKNII KARYII KABI RASAM JUKAMATI 9:15

Sateichii ahnyiinii aitiisii ahnyiihang go mbam takle.

LUKNII KARYII KABI RASAM JUKAMATI 9:17

Sateichii ahnyii hangteinii chii wosii moi maghii takle; sateikii ahnyii- nii chii kamasak tei mpou boumeinii razyii keariisiinakhii poi nduiwo takle.