LUKNII KARYII KABI RASAM JUKAMATI 8:35 - KARANU KABI SAMTAM

³⁵ Teito pat kalei hangtei jutang karam jangpii meimoinii tat- pat takle. Sateichii ahnyiinii Jisuda gong wosii, sara kashyii hang pat kalupii teinii peimanido kaisii swido swilingsii Jisu pibang kabam tei ngou wosii hingtakle.

LUKNII KARYII KABI RASAM JUKAMATI 8:35 Referans Kwoze

LUKNII KARYII KABI RASAM JUKAMATI 10:39

Sateichii Meri sii kalat mpoupei tai karhiipei hang- ninii bamle; mpoupeiniido Bangpii pibang kaswisii bamsii mpounii rali kapyii tei khoikingle.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

TIILAMLWI KAPYIIMEI THA JUKAMATI 22:3

“I-Silisiya kito kalei Tarsas kito lung kalu Jehudimei sapfiimei hang- niniile, nlenii namdi aikito Gamaliel kangto makot makhiile, nyiipei nyiipaomei mah ajaitingshang tei tiigatpii kajumtai swisii ralikhiile, sateichii gonyiihangnii tingnei tii- kalei takumpiinii, Iniido Saraa dakii gulung pyiitoi kalei meile.

LUKNII KARYII KABI RASAM JUKAMATI 8:27

Jisunii Sazyii katangki pat sek-kii, sara kashyii kaswi kaleimei hangninanii namdi kiteito tatpatsii mpougo kadou takle. Mpounii tinglang ka- thangkii peimanido kaisu takle, sateichii kitodo bamsu takle; Nlenii roubam hang kiteito bam leile.

LUKNII KARYII KABI RASAM JUKAMATI 15:17

Akatpii mpounii mpou swiki maning gong siinii tamle, ‘Gu pfii nii janglaisii kikaleimei kadaziikanii moi kama- ghii tiirok tei dousii ninado masaksii bamle, nlenii Inii aikito moi mazyiisii galeziitakle!

LUKNII KARYII KABI RASAM JUKAMATI 2:46

Jangtumnii tainii ahnyiinii mpougo Saraa kamaning kilungto Jehudimeiki ojamei sam koikingsii sateichii ahnyii dato sam kachyiinhiisii ahnyii sumto bam kalei tei ngoutakle.

MARK 5:15

Sateichii ahnyiinii Jisuda gong sek-kii, sara kashyii kaswi kalei sapfii mpou tei peimani kaiwosii mpou swiki gongsii Jisugo kaswisii kabam tei ngou wotakle; teito ahnyiihang tei hingtakle.

METIU 4:24

Sateichii mpoumah zei katat tei Sairiya bamlyii hangki kahitu takle; sateichii ahnyiinii mpouda rakani- mei hang, ra katham kathampii goisii ninado tchiisii kalei, sara kashyiinii jum kalu, tai taipi katu, pumpei katai meihang go pang gong takle, sateichii mpounii ahnyiigo tii mbipyii takle.

LUKNII KARYII KABI RASAM JUKAMATI 8:34

Pat kaleihang tei bak kakoimei hangteinii ngou wosii namdi kito sateichii teiki sazyii kito kaleimei hang go ahnyiinii pak mang tampyii takle.