LUKNII KARYII KABI RASAM JUKAMATI 8:28 - KARANU KABI SAMTAM

²⁸ Mpounii Jisugo ngou sek-kii, saasanii mpou doi koumang lat sagoisii tamle, “He kasagoi goisang Saraa nah sapfii Mpou Jisu! Nangnii n-gu dapei tiimatu nyiipo? Inii n-go khang leile, n-gu tii kamage seisulo.”

LUKNII KARYII KABI RASAM JUKAMATI 8:28 Referans Kwoze

METIU 8:29

Sateichii julo, ahnyiinii saa mpatle, “He Saraa nah Sapfii mpou, nangnii nyiigo kaswisii kadapei tiitang karam leipo? Tinglang tei gong kasunakii nangnii nyiigo tiimagapyii lesii aiki gonglei takpo?”

2 PITAR 2:4

Kadapokii sating gamlui hangnii kem tiikalei tinglang kak Saraanii ahnyiigo khepyii suleponii, nlenii samtak tiitang karam jangpii kaika- bam ai mei aigo mibam kikii toikaisii kamyiimah ahom kikii pyiitoi aile- ponii,

MATIMANGOU KAPYII 20:10

Sateichii ahnyiigo kasang kasu teipii chuisii hem kalu seitan gotei, saramkownah teiniido kasang kasu lungkakalingmei teiniido kalei, mi ninado sulphurmah mi jailungkii toikai aitakle, sateichii ahnyiigo kalui gasii tinghum tingna tiikamage tangle.

1 JON 3:8

Kem katii ahteinii seitan datole, dapokii seitannii saroisekto kem tiile. Seitanmah tha tei tiimaga tang karam jangpii, Saraanah sapfii mpou gotei magongle.

JEMS 2:19

Saraa hangniniile katupii nangnii malumle, nangnii kamalum tei kabile, sara kashyii hang katang piiniido malumle ninado hingsii nchyiile.

LUKNII KARYII KABI RASAM JUKAMATI 8:27

Jisunii Sazyii katangki pat sek-kii, sara kashyii kaswi kaleimei hangninanii namdi kiteito tatpatsii mpougo kadou takle. Mpounii tinglang ka- thangkii peimanido kaisu takle, sateichii kitodo bamsu takle; Nlenii roubam hang kiteito bam leile.

LUKNII KARYII KABI RASAM JUKAMATI 8:29

Mpounii ai-ai tamle, dapokii Jisunii kashyii rangii gotei mpou dato pat tolosii mwija pyiile. Dapochiinii tinglang kaleita kashyii rangii teinii mpougo jumle, mpougo pi bah sagyiirengpii peisii bah sagyii rangkatpii kaisii meigo koibam matule. Nlenii mpounii sagyii reng ninado sagyii rangkat hang teido tiitak wole, sateichii kashyii rangii teinii mpougo sazyii kamarong kikii baa baatoile.