LUKNII KARYII KABI RASAM JUKAMATI 6:8 - KARANU KABI SAMTAM

⁸ Sateichii mpounii ahnyii mah lungswi tei tiwosii, bah hangninii tai kaleipii gotei tamle, “Gungkhii sat tolo, sateichii aiki sumto satlo,” teito mpounii gungtu satto takle.

LUKNII KARYII KABI RASAM JUKAMATI 6:8 Referans Kwoze

MATIMANGOU KAPYII 2:23

Sateichii Inii mpoupeimah nahmei hang gotei gitangle, sateichii lungswi ninado lung hang go fii ka-mpat ahtei Ile katu Charsh hangnii tigong tangle, sateichii gonyiimei nsang nsang dakii gonyii mah tha taiswisii doukamajyii tei Inii pyiitangle.

METIU 9:4

Sateichii Jisunii ahnyii lungtei tiwosii tamle, “Gonyiinii gonyii lung kito dajangpii kashyii lung pung leipo?

1 PITAR 4:1

Teijangpii Kristanii pumzai kito kamage kalak pung kapyii taiswisii gonyii roinapii gonyiido mpounii kamaning lungswi teigotei njoisii saryiinat takumpii kai wolo; kadapokii pumzai kito kamage kalak doukalei mei teinii kem kito mpat kapyii tei doutakle;

HEBRUMEI 4:13

Sateichii tii mpat kabam mah pot hangniniido mpou doito kakabei gale, nlenii mpou mikjot kito mahlyii hang gomnei supii laatlasii leile, sateichii nyiinii mpou dakii tam mpat tangle.

PILIPIMEI 1:28

Gonyiimah saryiimeigo hing sulo, tinglang kaleita rai kulo, sateichii aipiinii ahnyii koutang takle sateichii gonyiinii nam tang takle katu tei ahnyiigo maning riirhii katu gasii tiimangou tangle, kada- pokii ngam matu wokalu tei Saraanii gonyiigo pyiile.

TIILAMLWI KAPYIIMEI THA JUKAMATI 26:26

Kadaponii Sagongnii ai kaang hang ai tiziile sateichii Inii mpou dakii samah kado adoi kadang gasii tam leile; kadapochiinii Inii malumle katunii, aihang kito hangninii kado mpounii tikamasak gale, kadapokii tha ai mei kaga nito tiimakle.

TIILAMLWI KAPYIIMEI THA JUKAMATI 20:24

Nlenii gumah tii- kamajyii ninado Saraa mah kalung- set mah kabi rasam mah sakchyii pyiitang karam jangpii, Bangpii Jisu dato Inii doukalu atha tei Inii tiimashang tang karam jangpii, Inii gumah tiilung ai amai bamlesii, ninado gudato maiteenglesii maning makle.

JONNII KARYII KABI RASAM JUKAMATI 21:17

Jisunii mpougo hangtum kashang tiisii tamle, “Jon nah sapfii mpou Saimon, nang n-gu lungsyii makpo?” sii Jisunii mpougo hangtum kashang tiisii katam jangpiinii Pitar swi mage takle. Teito mpounii Jisu dakii tamle, “Bangpii nangnii matum madum tile, Inii n-go lungsyiile katu nangnii tile.” Jisunii mpou dakii tamle, “gumah Jaonah mei go koichyii pyiilo.

JONNII KARYII KABI RASAM JUKAMATI 9:4

N-gu lang kamagong ahmah tha tei leimik kalei kak nyiinii tiitang karamle; mei kaniido tha tiikalak tinghum tinglang tei gonglei takle.

JONNII KARYII KABI RASAM JUKAMATI 2:25

Sateichii ahnyiimah kaang kito mei kata hangninanii mpougo tam tang karam tei mpou jangpiinii kabi tei gale, daponii ahnyii lungki kadapei leipo katu tei mpounii tile.

LUKNII KARYII KABI RASAM JUKAMATI 5:22

Sateichii Jisunii ahnyii lungto maning kalei tei tiwosii ahnyii dakii tamle, “Gonyiinii gonyii lung kito dajangpii teitiisii maning leipo?

LUKNII KARYII KABI RASAM JUKAMATI 6:9

Teito Jisunii ahnyii dakii tamle, “Inii gonyiigo n-nhii leile, Bam ntak piinei leimik kabi katii mak-kii tiikamaga ai kadapii katii teinii bipo?”

MARK 3:3

Jisunii bah lamkii tai kaleipii gotei tamle, “Aiki doi patlo,”

LUKNII KARYII KABI RASAM JUKAMATI 13:12

Sateichii Jisunii mpoupeigo ngouwo sek-kii, mpoupeigo lat tosii tamle, “Sapwi mpei, gomah mage kiteito n-go mpatpyii takle.”