LUKNII KARYII KABI RASAM JUKAMATI 6:49 - KARANU KABI SAMTAM

⁴⁹ Nlenii mei kata hangninanii gu samtei shii wosii teigotei majai kasumei teinii bang- maa tiisupii rangrhii phyiiryiikii ki tiimatu kabam mei hangninii takumle. Kadaponii karyii dwi kadi teinii ki gotei rot sek-kii binasek-kii koutakle; sateichii ki tei mah kakou tei kadaziikapii tiimashyii takle.”

LUKNII KARYII KABI RASAM JUKAMATI 6:49 Referans Kwoze

METIU 23:3

tei- jangpii ahnyiinii kata kara katam hangtei gonyiinii tiilo ninado ryiilo, nlenii ahnyii mah tha taiswisii tiisulo, kadapokii ahnyiinii tamle, sateichii tiimakle.

1 JON 2:19

Ahnyiinii nyii dato tatpat takle, nlenii ahnyiinii nyiimah makle, dapokii ahnyii ai nyiimah leponii, ahnyiinii nyiigo kaswisii lungjousii leitangle, nlenii ahnyii hang ai nyiimah makle katu mangou tang karam jangpii tatpat takle.

JONNII KARYII KABI RASAM JUKAMATI 15:2

Gudato kalei ti mati kasu kha hang gotei mpounii tat toileile, sateichii ti kamati kha hang gotei kisii ti mati matutang karam jangpii mpounii tiimateile.

LUKNII KARYII KABI RASAM JUKAMATI 12:47

“Sateichii mpou pumpiimah kamaning kamarei tei tiwosanii, da tiida kasu sateichii mpou mah apum- piinii kamaning kamarei taiswisii tiikasu ki kaleipii gotei dat m-moi tangle.

LUKNII KARYII KABI RASAM JUKAMATI 6:46

“Inii gonyiigo katam tei tiisupiinii kadajangpii gonyiinii n-gu Bangpii, Bangpii sii lat leipo?

MARK 4:17

sateichii ahnyii tei amaa gale, teipiinii sat mathang makle, kabi rasam jangpii ajai kaju mak-kii, tiikamage katu tinglang tei gong sek-kii ahnyiinii kousekle.

2 PITAR 2:20

Kadapokii ahnyiinii nyii Bangpii ninado nyiigo keikapyiipii Jisu Kristago tikalu kito sazyii pouryiimah kashyii kahong tha hang kito nlek kalu taito, ahnyiigo kashyii kahong tha kiteikii nlailoisii jum wosii apum tii woleponii, ahnyii jangpiinii nukarei kimah sung kana kitei kisii shyiibui takle.

1 THESOLONIKAMEI 3:5

Aijangpii Iniido nlailoisii lehpei kalak tinglang kito, gonyiigo kahem teinii hemwo tang karam sateichii nyiimah teisii tha katii tei kadak aitang karam gotei hingsii, Inii gonyiimah kamalum tei titang karam jangpii mpougo lang magong leile.

TIILAMLWI KAPYIIMEI THA JUKAMATI 26:11

Sateichii Jehudimei ndwihang kito ahnyiigo tiikamagesii kanat kanhii go tam kamashyii tei Inii tiimatule; sateichii ahnyii phyii- ryiikii kisii tiirakarhiimei takum- piinii meiki sazyii kito katangpii ahnyiigo baasii tiikamage pyiile.

TIILAMLWI KAPYIIMEI THA JUKAMATI 20:29

Inii tattu kaleitai jaokoigo masaklak tang karam, ngoukahing sangyiinii gonyii kak ki liit tangle katu tei Inii tile.

LUKNII KARYII KABI RASAM JUKAMATI 19:27

Nlenii ahnyii phyiiryiito Inii sagong kapung go marai kasu n-gu ngou karoumei hang gotei, aiki pang gongsii gudoito gi ailo.’ ”

LUKNII KARYII KABI RASAM JUKAMATI 19:14

Nlenii mpou sazyii kito kaleimei teinii mpougo ngou karou jangpii, sampao kapungmei hangniniigo mpou taikii langkai pyiisanii, sapfii mpou aipou ainii, ‘nyii phyiiryiito sagong kapung ai nyiinii marai makle’ sii tam takle.

METIU 24:10

Tei tinglangki mei hangkanii ahnyii mah kamalum tei toi aitangle, sateichii hangninanii hangniniigo schoi choikai tangle sateichii hangninanii hangniniigo kangourou tangle.

LUKNII KARYII KABI RASAM JUKAMATI 6:48

Mpou teinii sazyii rai mathoksii kuitu kadi hangninii phyiiryiikii bangmaa sumsii ki tii kalumei hangninii takumle. Sateichii dwidi gongle, sateichii ki gotei dwi kadi teinii rot takle. Nlenii ki tei nlaipei lakle, dapochiinii ki tei tiigatpii tiibamle.

LUKNII KARYII KABI RASAM JUKAMATI 7:1

Jisunii sam ai meidakii tamsang sek-kii, mpounii Kaiparnam ki liitle.