LUKNII KARYII KABI RASAM JUKAMATI 6:47 - KARANU KABI SAMTAM

⁴⁷ Mei kata hangninanii guda gong wosii sateichii gusamtam shii kalu sateichii teihang gotei majai kalumei ai kadago reipo katu Inii gonyiigo mangou tangle.

LUKNII KARYII KABI RASAM JUKAMATI 6:47 Referans Kwoze

LUKNII KARYII KABI RASAM JUKAMATI 11:28

Nlenii Jisunii tamle, “Nle, teitii kido Saraa mah samtam tei shii wosii swikalu mei teinii doibile!”

JONNII KARYII KABI RASAM JUKAMATI 14:15

“Gonyiinii n-gu lungsyii leponii, gonyiinii gumah kakhatsam hangtei switangle.

JEMS 4:17

Teijangpii kadapei tiichii bipo katu tisii kabi tei tiikasu ai ah jangpiinii kamale.

METIU 12:50

Kadapokiisating gamto kalei gu pfiinii kamaning kamazhii katiimei hangtei gu sanamei, gu taipwimei ninado gu pwile.”

JONNII KARYII KABI RASAM JUKAMATI 13:17

Gonyiinii ai hang ai tiwosanii, teihang tei tiiwo leponii, gonyii sadoi bile.

1 PITAR 2:4

Meinahnii mazhii supii rat toi kalei, nlenii Saraa mikjot kitonii kalai kalu, mai kateeng, ninado karing kuitu datei gonyiinii gonglo.

HEBRUMEI 5:9

sateichii mpounii sajek gasii bimatui wokalu taiswisii, mpounii katam kaswimei hang jangpii kalui kaga keikapyii karing- mah kapat bam tei mpounii tiiwo takle,

MATIMANGOU KAPYII 22:14

Ahnyiinii karingmah ruibang dateito riiti chiitang karam majyii tei doukabui tiisii sateichii namdi lung tei takam kamjao kito liit kabui tiisii ahnyiimah peijou kathang tei shyii matei kaleimei hangtei sadoibile.

LUKNII KARYII KABI RASAM JUKAMATI 14:26

“Mei kata hangninanii guda gong takpokii, ah pwi, pfii, nou, nahmei, sanamei, taipwimei sateichii nle, mpou pumgo katangdo nraang sulepochiinii, ahnii gutai kaswimei tiipeiwo lakle.

1 JON 3:7

Gunahmei, mei kaniido gonyiigo chuisii hem maluwo sulo! Kasang tiisii kaleimei tei mpounii kasang ka- majyii takumpiinii, kasang kamajyii meile.

1 JON 2:29

Mpou ai kasang kamajyii teile katu gonyiinii tileponii, kasang tiisii kaleimei hang godo mpounii manaapyii takle katu gonyiinii tile.

JONNII KARYII KABI RASAM JUKAMATI 10:27

Gumah jaohangnii gumah roktei shiile sateichii Inii ahnyiigo tile ninado ahnyiinii gutai swile.

2 PITAR 1:10

Teijangpiinii kangsanamei, go- nyiigo lat kapyii ninado kalai kapyii tei katika tang karam jangpii kisii teibuisii tha tiilo, kadapokii gonyiinii tei tiileponii, gonyiinii madou kado kousang koulakle.

JONNII KARYII KABI RASAM JUKAMATI 6:37

Gu pfiinii gudakii kapyii hangtei guda gongtangle, sateichii guda kagongmei hang gotei Inii baasang baatoi lakle.

JONNII KARYII KABI RASAM JUKAMATI 6:35

Jisunii ahnyii dakii tamle, “Karing mah tiirok tei I-le, guda kagongmei hangteinii moi mazyii- lakle, sateichii n-gu kamalum mei hangteinii saryiisang saryiiloi lakle.

JONNII KARYII KABI RASAM JUKAMATI 5:40

Teitii- kido gonyiinii karing doutang karam jangpii guda gongnyii makle.

LUKNII KARYII KABI RASAM JUKAMATI 8:13

Kuitu phyiiryii tak kaliit teinii, ahnyiinii kabi rasam tei shiitakle, sateichii ntasii lukaiwo takle. Nlenii maa kaga jangpiinii tinglang shangniikii malumkai takpokii, ajai kaju tinglang gong sek-kii, ahnyii tei koutakle.

LUKNII KARYII KABI RASAM JUKAMATI 8:8

Sateichii kangkanii sazyii kabiki takliit takle; sateichii pokpat siinii ati hai haipii matitu takle.” Mpounii ai tamsanii, mpounii saa mpatle, “Shiitang karam jangpii khoi kapungmei hangnii shii matulo.”

METIU 17:5

Mpounii tam leibangpii julo, vakabi mongjyii hangninanii ahnyiigo gomnei wotakle, sateichii julo, mongjyii kiteito rok hangninanii tamle, “Ai ai Inii lungkasyii gunah sapfii mpou teile; Inii mpougo hangkapii lung mangle, gonyii mpounii katam tei shiilo!”

JONNII KARYII KABI RASAM JUKAMATI 8:52

Jehudimeinii mpou dakii tamle, “Nang sara kashyii kaswi leile katu aitoinii nyiinii titakle! Abraham taitakle ninado lungkakalingmei hangdo taitakle, nlenii nangnii tamle, mei kata hangninanii gusam swisii leileponii ahnii katai tei ngou- sang ngoulakle.

LUKNII KARYII KABI RASAM JUKAMATI 6:48

Mpou teinii sazyii rai mathoksii kuitu kadi hangninii phyiiryiikii bangmaa sumsii ki tii kalumei hangninii takumle. Sateichii dwidi gongle, sateichii ki gotei dwi kadi teinii rot takle. Nlenii ki tei nlaipei lakle, dapochiinii ki tei tiigatpii tiibamle.