LUKNII KARYII KABI RASAM JUKAMATI 6:30 - KARANU KABI SAMTAM

³⁰ Godato mah kata kakhangmei hang gotei pyiilo. Sateichii godato poi kalu mah tei nangnii khang kalei sulo.

LUKNII KARYII KABI RASAM JUKAMATI 6:30 Referans Kwoze

2 KORENMEI 8:9

Kadapokii nyii Bangpii Jisu Kristamah jumage kapyii tei gonyiinii tile, katunii mpounii mah nisii leikado mpoumah mah kaga teipii gonyiinii mahni kabui tiisii, gonyii jangpii mpounii mah kagamei tiipyii takle.

TIILAMLWI KAPYIIMEI THA JUKAMATI 20:35

Mahlyii hang kito Inii gonyiigo tiimangou pyiitakle, katunii, tha teisii katii aipiinii nyiinii kasuimeigo tiiha tang karamle, Bangpii Jisunii tam kabam mpoumah samtam hang gotei maningsii, ‘Kadou sung kapyii teinii kisii sadoi bile.’ ”

METIU 6:12

sateichii nyiiniido nyiidakii kama katiimeigo kaleikapyii takumpii, nyiinii tiikama hangtei kaleipyiilo.

LUKNII KARYII KABI RASAM JUKAMATI 18:22

Sateichii Jisunii teitei shii wosii, Jisunii mpou dakii tamle, “Nangnii kaangkii tiitang makle rei. Gomah kalei hangtei joitoilo sateichii mah kagameigo pyii ailo, teito nangnii sating gamto mah kani kahii tei bam tangle; sateichii patlo, gutai swilo.”

LUKNII KARYII KABI RASAM JUKAMATI 12:33

Gonyii mah kalei hangtei joitoisii sana tei kagameigo pyiitoi ailo, ham kalak sana takou tei gonyii jangpii tiiwolo; katunii kara- gameinii gongpeiwo kalak, karak niido tiimaga peiwo kalak, Sating gamkii gonyii mah kani kahii tei poi ndwi wolo.

LUKNII KARYII KABI RASAM JUKAMATI 11:41

Nlenii gonyii peek kok lungto kalei mah tei kagameigo pyii ailo, sateichii julo, mahlyiihang tei gonyii jangpii mateile.

LUKNII KARYII KABI RASAM JUKAMATI 6:38

Pyiilo sateichii gonyiigo pyiitangle, katokryii, kamadhii katha katumsii, ka-nlem teipii golakang gamkii kaipyii tangle; dapochiinii nangnii mei jangpii madhii kapyii bah teipiinii n-godo Saraanii madhii- pyii loikai tangle.”

METIU 18:35

“Gonyiinii gonyii sanapiigo gonyii lung kito kaleipyii suleponii, sating gamto kalei gu pfiiniido gonyii dakii tei tiitangle.”

IPISAMEI 4:28

Ragasii kalei ahteinii ragaloi matu sulo, nlenii tei tungpii ah mah bahpiinii tha kabi tei tiisii, mah kagameigo sei kabui tiisii mpoumah mah bam tang karam jangpii tha tiimatulo.

METIU 5:39

Nlenii Inii gonyii dakii tamleile, gonyiigo tiikama meigo kum-fii sulo, mei kata hangninanii gonyiigo beeng ajiilam kaphyii leponii, beeng abilam pang teido ahgo kaphyii matulo.

LUKNII KARYII KABI RASAM JUKAMATI 6:29

N-go mei kata hangninanii beeng lamkii kaphyii leponii, beeng lamkii teido ahgo leh pyiilo. Sateichii mei kata hangninanii gopeiba sao lepochiinii, go peijou katang piiniido ahgo poi malulo.

LUKNII KARYII KABI RASAM JUKAMATI 6:31

Sateichii mei kakimeinii gonyii dakii tiisei matu kanyii takumpii gonyiiniido ahnyii dakii teitakumpii tiipyiilo.