LUKNII KARYII KABI RASAM JUKAMATI 5:20 - KARANU KABI SAMTAM

²⁰ Teito ahnyii mah kamalum tei Jisunii ngou wosii tamle, “He sapfii mpou, gomah kem hangtei magapyii takle.”

LUKNII KARYII KABI RASAM JUKAMATI 5:20 Referans Kwoze

TIILAMLWI KAPYIIMEI THA JUKAMATI 14:9

Sapfii mpou aipou ainii Polnii tam kalei tei shiileibangpii, Polnii mpougo tiigat- pii jusii, tii-mbipyii matu tang karam jangpiinii mpoumah kalei kamalum tei ngou wosek-kii,

METIU 9:2

Sateichii julo, pumpei taisii kalei mei hangniniigo ahnyiinii zyiigamkii kai wosii mpouda poigong takle; sateichii Jisunii ahnyiimah kamalum tei ngou wosii, pumpei taisii kaleipii dateikii tamle, “Gunah Sapfii mpou nta tulo; gokem hangtei kaleipyii takle.”

LUKNII KARYII KABI RASAM JUKAMATI 7:48

Sateichii Jisunii mpoupei dakii tamle, “Go kem kama hangtei maga- pyii takle.”

KOLOSIMEI 3:13

Hangninanii hangniniigo lung leh kati tiisii, mei kata hangninanii mei kata hangninii phyiiryiikii samou kasu leileponii, hangninanii hangni- niigo magapyiilo; Abangpiinii gonyiigo magakapyii takumpii gonyiiniido magapyii tang karamle.

JONNII KARYII KABI RASAM JUKAMATI 2:25

Sateichii ahnyiimah kaang kito mei kata hangninanii mpougo tam tang karam tei mpou jangpiinii kabi tei gale, daponii ahnyii lungki kadapei leipo katu tei mpounii tile.

MARK 2:5

Ahnyii mah kamalum tei Jisunii ngou wosanii, apum pei kataipii gotei tamle, “Gunah gomah kem hangtei kaleipyii takle.”

JEMS 2:18

Nlenii mei kangkanii tam tangle, “Nangnii kamalum leile satei- chii Inii tha leile,” tha kito gomah kamalum tei taamsii gudakii mangoulo, sateichii Inii gumah tha teipiinii gumah kamalum tei godakii mangoule.

2 KORENMEI 2:10

Gonyiinii kata hangniniigo kama kaleikapyii tei, Iniido ahgo kaleipyii takle. Inii mah kata hangninii kaleipyii leponii, Inii kaleikapyii tei, Krista doito gonyii jangpii kaleipyii takle.

TIILAMLWI KAPYIIMEI THA JUKAMATI 11:23

Mpounii gongsii Saraa mah ka- lungset tei ngou wosii ntale, sateichii ahnyiihang go lung sangtingsii Bangpii dato taksupii bam matutang karam mpounii tam katwipyiile.

JONNII KARYII KABI RASAM JUKAMATI 5:14

Teitaito Jisunii mpougo Saraa kamaning kilungto dou wosii mpougo tamle, “Julo, Nang gora biwotakle! Kisii kashyii tei go phyiiryii takliit kasu tiisii kem tiiloi sulo.”

METIU 9:5

Kadapokii ‘go kem hangtei kaleipyii takle’ katunei, ‘gungtusii tat tulo,’ katu ai kadapiinii mala buipo?”