LUKNII KARYII KABI RASAM JUKAMATI 4:35 - KARANU KABI SAMTAM

³⁵ Jisunii matei kasu Rangii gotei mwija pyiisii tamle, “Malhii sulo, sateichii mei dato tatpat tolo,” teito sara kashyii teinii mpougo meimoi doikii toi m-mangpyii takle, sateichii mpou dato tatpat totakle mahkado tiimashyii supii.

LUKNII KARYII KABI RASAM JUKAMATI 4:35 Referans Kwoze

LUKNII KARYII KABI RASAM JUKAMATI 4:41

Sara kashyii hangtei niido, “Nang Saraa nah sapfii mpou teilesii saasii meihangkii dato tatpat totakle.” Sateichii Jisunii ahnyiigo mwija pyiisii malhii matu sutakle, dapochiinii mpou ai Kristale katu tei ahnyiinii tile.

LUKNII KARYII KABI RASAM JUKAMATI 4:39

teito Mpounii mpoupei kutei satto takle, sateichii mpounii kariirhii gotei kakhatsii namtakle; teito mpoupeinii kariirhii tei bitakle, sateichii mpoupeinii gungtusii ahnyiigo anga ngatu takle.

METIU 8:26

Teito mpounii ahnyii dakii tamle, “He kamalum kagamei, gonyii dajangpii hing leipo?” Teito Mpounii gungtu tingkai ninado dwijai gotei ntak tulo sii kakhat takle; teito manoi majung takle.

MATIMANGOU KAPYII 12:12

Teijangpii nta tulo, Oh sating ninado teilungto kalei gonyiihang! Nlenii kamagele gonyii jangpii, Oh sazyii pouryii ninado dwijai, kada- pokii sara kashyii teinii hangkapii rarhiisii gonyiida tat hum takle, dapochiinii ahmah tinglang ai dwitakle katu ahnii tile.”

LUKNII KARYII KABI RASAM JUKAMATI 11:22

Nlenii mpou sung kisii katei kakhangmei hangninii gong siinii mpougo ngamwo sek-kii mpounii maning makangsii kalei saryii kokryii tei mpou dato sao poitule; sateichii mpou mah sao kalutei njaile.

LUKNII KARYII KABI RASAM JUKAMATI 9:42

Sateichii nah napou teinii tatpi leibangpii, sara kashyii teinii mpougo sazyiikii poi kousii tii kamage pyiitakle. Jisunii sara kashyii gotei kakhatsii namtakle, sateichii nah napou gotei tii mbipyii takle, sateikii mpou pwinei mpou pfii dakii nah sapfii mpou gotei pyiiloi takle.

LUKNII KARYII KABI RASAM JUKAMATI 9:39

Sateichii julo, kashyii rangii teinii mpougo jum sek-kii, mpounii saa saa tule. Kashyii rangii teinii mpougo tiimaset tiimalak sii mwi kito poktai mahum pat matule. Sateichii mpougo ahnyiinii mpatpyii rousii mpatpyiile.

LUKNII KARYII KABI RASAM JUKAMATI 8:24

Teito ahnyiinii mpouda gong mpougo makengsii tamle, “Pumpii, Pumpii, nyiinii tailezii takle!” Teito mpounii gungtusii tingkai ninado tingrot gotei mwija pyiisii nam sek- kii, tingkai ninado tingrot hangtei matou takle sateichii manoisii majung takle.

MARK 9:26

Teito rangii teinii saasii nah napou gotei tiimachii tiimanhii pyiisii pat-to takle. Nah napou tei kataimei takum takle, sateichii meimoinii tamle, “Mpounii taitakle.”

MARK 1:26

Kashyii rangii teinii mei gotei kalungtu takle, ninado mpou dato tat pat-to takle.

METIU 17:18

Sateichii Jisunii sara kashyii gotei n-gisii kakhatle, teito sara kashyii teinii nah sapfii mpou dateito tat pat-to takle sateichii nah sapfii mpou tei teisek-kii biwo takle.

MARK 4:39

Teito mpounii gungtu satsii tingkai ninado dwijaigo tamle, “Majung tulo, nkam tulo!” Sateichii tingkai katei tei tou aisii majung makung takle.

LUKNII KARYII KABI RASAM JUKAMATI 4:23

Mpounii ahnyii dakii tamle, “Madousupii gonyiinii samtam ai gudakii tam tangle, ‘Peimhiipii, goroipii tii mbiwolo, Kaiparnam kito tiikaluhang nyiinii shii kalu tei, go nam aikitodo tiilo.’”