LUKNII KARYII KABI RASAM JUKAMATI 4:20 - KARANU KABI SAMTAM

²⁰ Sateichii mpounii Tiighii bung tei kajyiisii anga kangamei dakii pyii aisii bamwo takle; sateichii meihang mah Mik hoi tei hangninii tiisii mpougo jule.

LUKNII KARYII KABI RASAM JUKAMATI 4:20 Referans Kwoze

LUKNII KARYII KABI RASAM JUKAMATI 4:17

sateichii Lung- kakalingpii Isaiya mah Larekbung tei mpougo pyiitakle, teito mpounii Larek tei laatle, sateichii ryiikabam sam ai doutakle.

JONNII KARYII KABI RASAM JUKAMATI 8:2

Tingchoi nukii mpounii nlailoisii Saraa kamaning kilungtei gongtakle, ninado meihangnii mpou bamni tei gongtakle, teito mpounii ntombamsii ahnyiigo tam ralipyiitu takle.

LUKNII KARYII KABI RASAM JUKAMATI 19:48

Nlenii ahnyiinii tiitang karam pwidi hang- ninii kado gatakle, kadapochiinii mei hang teinii mpougo lung liitsii shiile.

LUKNII KARYII KABI RASAM JUKAMATI 5:3

Teito Jisunii malyii hang- ninii lungtei tatliit takle, teiteinii, Simon mah malyii teile, sateichii dwijai ku kathang kiteito chingniikii hoipat losii mpougo tamle, teito Jisunii malyii lung tatliit bamsii meimoi gotei tam ralipyiile.

METIU 26:55

Teitinglang ki Jisunii meimoi dakii tamle, “Karagamei hangninii go jumtang karam takumpiinii saryiikhang ninado tingrang hangtei kaswisii n-gu jumtang karam jangpii gonyiinii tatpat leitakpo? Sating kata Inii Saraa kamaning kilungto ralipyiisii bamlei kido gonyiinii n-gu jum makle.

TIILAMLWI KAPYIIMEI THA JUKAMATI 16:13

Sateichii bam ntak piinei leimik nyiinii kongkarang Takam ki teito tatpat tosii karyii kuto riita tang karam jangpii bamlei tanglesii maningsii teiki tei maa takle. Sateichii nyiinii bamsanii gong ndwi kalei sapwimei hang dakii tam ralipyiitu takle.

TIILAMLWI KAPYIIMEI THA JUKAMATI 3:12

Pitarnii meimoi gotei ngou wosek-kii, mpounii ahnyii dakii tamle, “Isrelmeinah, gonyiinii aigo kadajangpii madat leipo? Sateichii kadajangpii gonyiinii nyiigo mik karangsii juleipo? Nyiimah tei- mahampii mak-kii Saraago tiigatpii kamalum kito nyiinii mei aipougo tii mbipyii taklesii gonyiinii maning leipo?

METIU 27:60

mpounii kuitu kadi kikii biit tosii tiikabam mpoumah roubam kasatai kikii teitei kai aitakle, sateichii teimah roubam mah takam kiteikii kuitu kadi hangninii kok kaisii tat tutakle.

LUKNII KARYII KABI RASAM JUKAMATI 4:21

Teito mpounii ahnyii dakii tamtu takle, “Tingnei gonyiinii shii kalu kito kabi rasam ai madougong takle.”