LUKNII KARYII KABI RASAM JUKAMATI 24:27 - KARANU KABI SAMTAM

²⁷ Sateikii Moses dato sateichii Lungkakalingmei hang dato haosii mpou kaang kito kabi rasam hang kito kalei tei mpounii ahnyii dakii laat mpatpyii takle.

LUKNII KARYII KABI RASAM JUKAMATI 24:27 Referans Kwoze

LUKNII KARYII KABI RASAM JUKAMATI 24:44

Sateichii mpounii ahnyii dakii tamle, “Inii gonyiigo kaswisii lung kalei kak, Inii gonyiigo kaswisii karashii kalu samkang hangtei aile, katunii, gu kaang kito Moses mah ajaitingshang kito, Lungkakalingmei sateichii tam kamatoi lhiibung kikii ryii kabam matum madum hangtei madou gong matu tangle.”

TIILAMLWI KAPYIIMEI THA JUKAMATI 10:43

Lungkakalingmei hangnii mpou kaang kito sakchyii tiile, katunii mpougo kamalum meihangnii mpou zei kito kem maga kapyii tei doutangle.

JONNII KARYII KABI RASAM JUKAMATI 5:39

Gonyiinii kabi rasam hangtei fiile, dapochiinii teihang lung kiteito gonyiinii kalui kaga karing doulesii maningle sateichii gumah kaang kito sakchyii pyiikalei tei teihang teile.

JONNII KARYII KABI RASAM JUKAMATI 1:45

Filipnii Nathanel go ngou wosii mpou dakii tamle, “Mosesnii ajaitingshang kikii ryii kabam Mpou gotei nyiinii dou wotakle teinii Joseph nah sapfii mpou Nazaret ki Jisu teile.”

LUKNII KARYII KABI RASAM JUKAMATI 24:25

Teito mpounii mpoupiina dakii tamle, “Oh kapangmei, ninado lungkakalingmeinii katam sam gotei malum kalang kasumei!

TIILAMLWI KAPYIIMEI THA JUKAMATI 7:37

Saraanii gonyii kangsanamei hang kak kito gonyii jangpii go kakum Lungkakalingmei hangninii mpat- pyii tanglesii Isrelmeinah dakii tam kabam Moses tei aile.

TIILAMLWI KAPYIIMEI THA JUKAMATI 3:24

Sateichii Samuel sekto sateichii mpou taito kagong Lungkakalingmei hangniido nei- shang tinglang aihang mah kaang kito tam mpatpyii takle.

TIILAMLWI KAPYIIMEI THA JUKAMATI 3:22

Kadapokii Mosesnii tamle, Mpounii n-gu lang kamagong takum- pii, Saraa Bangpiinii gonyii kangsa- namei kak kito Lungkaklingmei hangninii gonyii dakii lang ma- gongpyii tangle, Ahnii gonyii dakii tamtang karam sam hangtei shiilo.

MATIMANGOU KAPYII 19:10

Teito Ahgo mata tang karam jangpii Inii ahmah pibang tei kou- mangle, nlenii ahnii gudakii tamle, “Nangnii teitei tiilak tang karamle! Inii n-go njoi katu kikalei ninado Jisumah sakchyii pungsii kalei go kangsanapiile. Saraago matalo.” Ka- dapokii Jisumah sakchyii teinii Saraa sam tam ka-mpatmah rangii teile.

MARK 4:34

Nlenii mpounii tam ndasupii ahnyiigo sam tam leimakle, sateichii ahnyii roinapii kalei tinglang kak mpounii mpou-boumei dakii kalai kaga tam ralipyiile.

JONNII KARYII KABI RASAM JUKAMATI 5:37

N-gu lang kama- gong Pfiinii gumah kaang kito sakchyii pyiitakle, gonyiinii mahdou kado mpou roktei shiimakle, mpoumah jaitaluido ngoumakle,

JONNII KARYII KABI RASAM JUKAMATI 12:41

Isaiyanii Jisu mah pumtei kava tei ngou kalu jangpii mpounii mpoumah kaang kito tamle.

TIILAMLWI KAPYIIMEI THA JUKAMATI 3:18

Nlenii Saraanii mpoumah Kristanii kamage kalak leh tang karam jangpiinii Lungka- kalingmei hang mah mwi kito doirei- sii mati kapyii tei aitiisii mpounii madou gong pyii takle.

TIILAMLWI KAPYIIMEI THA JUKAMATI 8:35

Teito Filipnii mwi kokga patsii, kabi rasam aikito haosii Jisu mah kabi rasam tei mpou dakii tam ralipyiitu takle.