LUKNII KARYII KABI RASAM JUKAMATI 23:5 - KARANU KABI SAMTAM

⁵ Nlenii ahnyiinii kisii sangtingsii tamle, “Mpounii Judiya sazyii hang kikii, Galili kito aiki bam katangpii, meigo n-gi nrung tiikaile.”

LUKNII KARYII KABI RASAM JUKAMATI 23:5 Referans Kwoze

JONNII KARYII KABI RASAM JUKAMATI 2:11

Mpoumah tiikamangou siitihang mah karei reisang ai, Galili kito kalei Kena kito Jisunii tiimangou takle, teito mpoumah pumtei kava tei mati mangoutakle, ninado mpoumah bou- meinii mpougo malum wotakle.

JONNII KARYII KABI RASAM JUKAMATI 1:43

Adoi piinei leimik tei Jisunii Galili ki gongtangle katupii sat totakle, sateichii mpounii Filip go dou wosii, Jisunii mpou dakii tamle, “Gutai swi wolo.”

MARK 1:14

Jon dwi mpum kapyiipiigo kabang kikii kai kaleitai, Jisunii Galiliki liitsii Saraa mah sating sazyii mah kabi rasam tei tam ralipyiile.

METIU 4:23

Sateichii mpounii ahnyii mah ndwibam hang kito ralipyiisii, sateichii sating gam sazyii mah kabi rasam tam ralipyiisii sateichii ahnyii meihang kak kito arahang ninado katchiihang tei tii mbi pyiisii Galili sazyii hangki tatgong takle.

TIILAMLWI KAPYIIMEI THA JUKAMATI 23:10

Sateichii n-gi tei teisii kajyiipat tusek-kii, ahnyiinii Polgo datchet chet tudo malahlesii apum katii kadipii teinii hingsanii saryiimeinii hum mpougo ahnyiikak kito atei tiisii souwosii, sakui kikii pang kai ailosii kakhatpyii takle.

TIILAMLWI KAPYIIMEI THA JUKAMATI 10:37

Jon-nii dwi ka- mpum mah kabi rasam tam ralipyii kaleitai Galili kito housii Judiya sazyii hang kito pat kalei rasamtei gonyiinii tikasupii makle,

TIILAMLWI KAPYIIMEI THA JUKAMATI 7:57

Nlenii ahnyiinii rok sagoisii saasanii ahnyii koitei kabanei wosii lungswi hangninii tiisii mpou gam kachotkhii takle.

TIILAMLWI KAPYIIMEI THA JUKAMATI 7:54

Sateichii ahnyiinii samhang ai shii wosek-kii ahnyii lungtei rakarhiipii tokryiisanii, mpou phyii- ryiikii ahnyiinii aghii kaget tutakle.

TIILAMLWI KAPYIIMEI THA JUKAMATI 5:33

Ahnyiinii ai ai shii wosek-kii, ahnyii lungtei deng takle ninado ahnyiigo ginyii takle.

JONNII KARYII KABI RASAM JUKAMATI 19:15

Ahnyiinii rok sagoisii saale, “Mpougo gi ailo, mpougo gi ailo, mpougo krosh gamkii gi ailo!” “Gonyii mah sagong go Inii krosh gamkii gitangpo?” Kanat kajum tingdimei hangteinii tamle, “Kaisar supii nyiimah sagong kaki gale.”

JONNII KARYII KABI RASAM JUKAMATI 7:52

Ahnyiinii mpougo khekalatle, “Nangdo Galili kitode? Kabi rasam tei fiilo, sateichii Galili kito Lungkakalingmei mei kado patsang pat makle katu nangnii titangle.”

JONNII KARYII KABI RASAM JUKAMATI 7:41

Kaki mei hangteinii “Mpou ai Kristale!” sii tamle. Nlenii kakimei kangkanii tamle, “Krista teinii Galili kito gong tangpo?

LUKNII KARYII KABI RASAM JUKAMATI 23:23

Nlenii ahnyiinii rok sagoisii saa katu tei nkhii supii Jisugo Krosh gamkii gi ailosii saa sii tamle, sateikii ahnyii mah saa kalei teipiinii ngamwo takle.

LUKNII KARYII KABI RASAM JUKAMATI 11:53

Mpounii teikito tat tusek-kii, ka- bijai katiimei ninado Ajaitingshang kati ojamei teinii mpougo hangkapii tam mashyiisanii sam hangkii kachyii nhiile,

METIU 27:24

Teipiinii Pailatnii mahkado kabi dousutakle, nlenii meimoi teinii khoi nrung moi kapat tei ngou wosek- kii, mpounii dwi poisii meihang doi- teito bah baitek aisii tamle, “Kasang kamajyii mei aipou zai mah kaang kito gumah kama gale, gonyiinii gonyii roinapii rashii matou wolo!”

METIU 2:1

Herot Sagong mah tinglang kak Judiya kito kalei Bethlehem kito Jisugo lung kaleitai,

METIU 11:1

Sateichii Jisunii mpou boumei keariisiinakhii dateikii ralisang sek-kii, ahnyii mah namdi hang kiteito ralipyii ninado tam ralipyii tang karam jangpii Mpounii teibam kiteito tatpat takle.

LUKNII KARYII KABI RASAM JUKAMATI 23:6

Nlenii Pailatnii teitei shiiwo sek-kii, “Aipou ai Galili kito kalung meide,” sii mpounii n-nhiile.