LUKNII KARYII KABI RASAM JUKAMATI 23:4 - KARANU KABI SAMTAM

⁴ Sateichii Pailatnii kanat kajum tingdimei ninado meimoi dateikii tamle, “Inii mei aipou gamto samah kado kama doumakle.”

LUKNII KARYII KABI RASAM JUKAMATI 23:4 Referans Kwoze

JONNII KARYII KABI RASAM JUKAMATI 18:38

Pailatnii mpou dakii tamle, “Kasang ai kadapeipo?” Mpounii ai tam kaleitai, mpounii Jehudimeida pat loisanii ahnyii dakii tamle, “Inii mpou dato samah kado kama doumakle.

1 PITAR 2:22

Mpounii kama tiisang tiimakle, sateichii mpou mwi kito kachuisam kapat meikado shiimakle.

1 PITAR 1:19

Gonyiigo gonyii peipaomei dato adoidoi tiisii doukalu kakadak mah tiilung kito lai mpatpyii takle katu gonyiinii tile.

LUKNII KARYII KABI RASAM JUKAMATI 23:22

Sateichii mpounii ahnyii dakii hangtum kashang tiisii tamle, “Dajangpiipo, mei aipounii kadapei kashyii tii aipo? Mpougo gitang karam kaang samah kado Inii doumakle, teijangpiinii Inii mpougo laaksii mpat ai tangle.”

MARK 15:14

Teito Pailatnii ahnyii dakii tamle, “Dajangpii, mpounii dapei kashyii tiipo?” Nlenii ahnyiinii kisii saatu takle, “Mpougo krosh gamkii gi ailo.”

1 PITAR 3:18

Kadapokii Saraa dakii pang gong pyii tang karam jangpii, kakui kama meihang jangpii kasang kamajyii katunii, Kristaniido kem jangpii binii taipyii takle hang jangpii; mpougo pumpot lamto tai malei takle, nlenii rangii lamto ringkhii matu takle;

HEBRUMEI 7:26

Kadapokii ai kakum kamatei, tam kamashyiini kaga kahongrum kasu, kem katiimei hang dato poitaam kabam sateichii sating gam sung kisii poi kasagoi, kanat kajum Tingditupii hangninii nyiinii dou- tang karam sekle.

METIU 27:19

Pailatnii samtak katiibamki bam kalei tinglang kak, mpou-nounii mpou dakii sam tam magongsii tamle, “Kasang kamajyiimei gotei nangnii mah kado tiisulo, kadapokii ndazyii tinghum manglam pangto mpou jangpii I-hangkapii kamage katu kadou takle.”

TIILAMLWI KAPYIIMEI THA JUKAMATI 3:13

Abraham, Isak ninado Jakob mah Saraa katunii, nyiipei nyiipao- mah Saraa teinii mpouki kaleipii isugo pumtei kava tei pyiitakle, nlenii gonyiinii mpougo teimaham kajum mei bah kikii pyiitoi aitakle, ninado Pailatnii mpougo mpatpyii tanglesii maning kalu katang tei gonyiinii Pailat doisek todo mpougo mazhii makle.

TIILAMLWI KAPYIIMEI THA JUKAMATI 25:25

Nlenii mpounii tai kamajyii tha samah kado tiimakle katu tei Inii doutakle sateichii mpou pum sekpiinii sagong dato samtak katii kakhang taiswisii mpougo Inii lang mpat tang taklesii sat totakle.