LUKNII KARYII KABI RASAM JUKAMATI 23:34 - KARANU KABI SAMTAM

³⁴ Teito Jisunii tamle, “He pfii-o! ahnyiigo maga pyiilo; kadapochiinii ahnyiinii kadapei tiiziipo katu tei ahnyiinii timakle.” Sateichii ahnyii kak kito doi kabi tei kajusii, ahnyii kakto mpou mah peimani tei njaitu takle.

LUKNII KARYII KABI RASAM JUKAMATI 23:34 Referans Kwoze

METIU 5:44

Nlenii Inii gonyii dakii tamleile, gonyiinii sating gamto kalei gonyii Pfiimah nahmei tei tiitang karam jangpii ngoukaroumeigo lung- syiilo, sateichii gonyiigo tiimaset tiimalaksii kaleimei jangpiinii riita pyiilo,

TIILAMLWI KAPYIIMEI THA JUKAMATI 7:60

Sateichii mpounii kok kumsii lat sagoisii riitale, “Bangpii, ahnyii phyiiryiikii kem ai kaipyii seisulo.” Teito sam ai tamsii mpounii majutu takle.

1 PITAR 3:9

Kashyii jangpii kashyii teipii kaleipyii sulo, mak-kii tam kamashyii jangpii nlai- loisii tam mashyii sulo, nlenii tei tungpii satoi pyiilo; kadapokii gonyiinii satoi doumatu tang karam jangpii, aijangpii gonyiigo latto takle.

ROMMEI 12:14

Gonyiigo kaset kalak kapyii meigo satoi pyiilo. Ahnyiigo satoi pyiilo sateichii sheeng sulo.

1 KORENMEI 2:8

Swirek kabi ai sazyii pouryiimei mah apum katiimei hangninii kaniido timakle; kadapokii ahnyiinii teitei tileponii ahnyiinii pumtei kavamah Bangpiigo krosh gamkii gilakle.

1 TIMOTHI 1:13

Ndou kareiki Inii mpougo tam kamashyii, tiikamage katu sateichii kalet kalou tiisii leikado, Saraamah lungsyii kati tei Inii doutakle, kadapokii kamalum tei Inii doumakle. Teijangpii Inii dapei tiileipo katu tei Inii timakle.

TIILAMLWI KAPYIIMEI THA JUKAMATI 3:17

“Sateichii aitoinii, he kang- sanamei; gonyii phyiiryiito apum tiisii kalei meinii tiikalei takumpii, gonyiiniido teitei tisupiinii tii aitakle katu Inii tile.

1 KORENMEI 4:12

sateichii nyiinii nyii bahpiinii nlaisii tha teisii tiisii bamle. Nyiigo kasheeng kak, nyiinii satoi pyiile; nyiigo kalak kathei kak, nyiinii lehle;

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

JONNII KARYII KABI RASAM JUKAMATI 19:11

Jisunii mpougo khekalatle, “Sagoi gamto godakii pyii suleponii, gu phyiiryiikii gomah teimaham samah kado gatangle. Teijangpii godakii n-gu kapyii ahmah kem tei kisii dile.”

MARK 15:24

Satei- chii ahnyiinii mpougo krosh gamkii gi aitakle ninado ahnyii kakto doi kabi tei jusii, mpou peimani tei ahnyii kakto njai takle.

METIU 11:26

Nle, gu Pfii, Kadapochiinii aipiinii go mikjot kito kasaat teile.

LUKNII KARYII KABI RASAM JUKAMATI 22:42

“He Pfii-o, Nangnii mazhii lepo- chiinii, kamage kalak mah Peek ai gudato poitoi seilo. Nlenii katalyii tiikido Inii kamaning kamarei tei tiimatu supiinii nangnii kamaning kamarei tei tiimatulo.”

JONNII KARYII KABI RASAM JUKAMATI 17:9

“Inii ahnyii jangpii riitasii bamle, Inii sazyii pouryii jangpii riita makle, nlenii nangnii gudakii pyii kabam ahnyii jangpiiniile, kadapokii ahnyiinii gomahle.

TIILAMLWI KAPYIIMEI THA JUKAMATI 16:28

Nlenii Polnii lat sagoisii saale, “Goroinapii n-go tiimaga tang karam tiisang tiisulo, kadaponii nyiihang aikito bamle.”