LUKNII KARYII KABI RASAM JUKAMATI 22:69 - KARANU KABI SAMTAM

⁶⁹ Nlenii aitoi sekpiinii Meinah sapfii mpou teinii Saraa mah teimaham mah ajiilam pang teito bamtu tang takle.”

LUKNII KARYII KABI RASAM JUKAMATI 22:69 Referans Kwoze

HEBRUMEI 1:3

Mpounii Saraamah pumtei kava tei seikalatsii leile sateichii mpounii nunuto kalei Saraamah jaitalui gotei njoichak thiile; Sazyii pouryiigo mpoumah teimaham kalei samkang teipii panglungsii leile. Sazyii pouryiimei mah kem jangpiinii kaleikapyii doukalu taito, dikaki teimaham, Sating gam Saraamah bah ajiilam teito mpounii bam takle.

MARK 16:19

Aitiisii ahnyii dakii tam kalei tai Bangpii Jisugo sating gam pang makhii takle ninado mpounii Saraamah bah ajiilamto bam takle.

MARK 14:62

Jisunii tamle, “I-teile,” “Satei- chii meinah sapfii mpou teinii teimaham kaleipii ajiilamto kabam ninado sating gam kamong go kaswisii kahum gonyiinii ngou tangle!”

METIU 26:64

Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

METIU 22:44

‘Bangpiinii gu Bangpii dakii tamle: Inii n-go ngou karoumeigo gupi kangkii poikai kasuta, gu bah ajiilamto bamlo.’

MATIMANGOU KAPYII 22:1

Teito teimah namdimah pwidi kadi sum teito Saraamah ni- nado Jaonah mah sagongbam kiteito, dwi kamating kamaleek takumpiinii vakatu, karingmah dwimah karyii longkalei tei ahnii gudakii mangou takle.

MATIMANGOU KAPYII 3:21

Inii ngam wosii gu pfiimah sagongbam kiteito ahgo kaswisii bam kalei takumpiinii, ngam kalu ahgodo n-gu kaswisii sagongbam kiteito kaswisii bam matutang karam mah amajyii tei Inii pyiitangle.

1 PITAR 3:22

Mpounii sating gam khiisii Saraamah bah ajiilamto bam takle. Sating gamlui hangdo, sating gam mah teimaham kajum hangdo, sateichii pumtei kalei hangdo, mpoukang nkang matu takle.

HEBRUMEI 12:2

Sateichii nyiimah kamalum mah abang ninado tiimatui kapyiipii Jisugo jusii, nyiidoi kalei pak maga tang karam tei lung leh kati tei kaswisii pakde. Ah doito kalei ka-nta jangpii ahnii kasangbam gotei samah kado maning supii Krosh tei leh wosii, Saraamah sagongbam bah ajiilam teito bam wotakle.

HEBRUMEI 8:1

Nyiinii tam kalei sam aikito kaang hangteinii aile: sating gam pumtei kava kadi mah sagongbam mah ajiilapangto kabam,

KOLOSIMEI 3:1

Gonyiinii Kristago kaswisii ring- khii takle, Kristanii mpoumah sagongmah bam kito Saraamah bah ajiilamto bamsii kalei, sagoi gamto kalei mah pot hang gotei fiilo.

ROMMEI 8:34

Tanii tam mashyii tangpo? Taikapyii satei- chii teipyiiryiito katai kito ringkhiisii Saraamah bah ajiilamto bamsii nyiihang jangpii riita khangpyiisii kalei krista Jisu teipo?

LUKNII KARYII KABI RASAM JUKAMATI 22:68

sateichii Inii gonyiigo n-nhii kido gonyiinii khesang khelakle.