LUKNII KARYII KABI RASAM JUKAMATI 22:29 - KARANU KABI SAMTAM

²⁹ Sateichii gu pfiinii Gudakii Sagong Sazyii hangninii julosii pyii kabam takumpiinii,

LUKNII KARYII KABI RASAM JUKAMATI 22:29 Referans Kwoze

2 TIMOTHI 2:12

Nyiinii kamage kalak hangtei pungwo leponii, nyiiniido mpougo kaswisii sagong tiisii magongsii lung tangle; nyiinii mpougo mazhiisu leponii, mpouniido nyiigo mazhiipyii lakle.

METIU 25:34

Teitinglangki sagong teinii mpou- bah ajiilam pang kabam meihang dakii tam tangle, ‘Patlo, Gu pfii mah satoi doukalumei, sazyii pouryii tii ka-mpat saroi sekto gonyii jangpiinii tiida kabam sagong sazyii tei douwolo.

JEMS 2:5

Gulungkasyii kangsanamei, shiilo, kamalum kito mah nimatu tang karam jangpii, sateichii Saraago lungkasyiimei hang dakii pyii- tanglesii riishii tiikabam sating gam sazyiimah matou katoumei tiimatu tang karam jangpii, sazyii pouryiito mah kagameigo mpounii kalaipyii makpo?

METIU 28:18

Jisunii ahnyiida manang gongsii tamle, “Sating ninado sazyii pouryii lungto kalei teimaham hangtei gudakii pyiibam takle.

METIU 24:47

Inii gonyii dakii kasangpii tam leile, mpounii mpoumah kabam mahlyiihang pyiiryiito mpougo kaju kashang kaipyii tangle.

LUKNII KARYII KABI RASAM JUKAMATI 12:32

“Hing sulo, Jaonah kachengmei! Kadapochiinii gonyii dakii sating sazyii pyii katu tei gonyii Pfiinii kamarei teile.

LUKNII KARYII KABI RASAM JUKAMATI 19:17

Teito mpounii ah dakii tamle, ‘hangkapii bitakle, kikalei kabipii, nangnii mah kacheng go kamalum jangpiinii, Inii n-go namdi keariigo kaju mah teimaham tei kaipyii tangle.’

1 PITAR 5:4

Sateichii aphyii kasat Jaokakoipiigo mati kamangou kak, myiisang myiikalak vakabi phyiihung tei gonyiinii doutangle.

1 KORENMEI 9:25

Nhok kamaga katuki hai kaleimei hang- teinii mahlyii hang kito mpou pumgo pungmatui pung majyiisii bamle. Ahnyiinanii gatu kabui kangam phyiihung tei doutang karam jangpii teitei tiileile, nlenii nyiinanii gatu kalak kangam mah phyiihung tei doutang karam jangpiinii tiileile.

2 KORENMEI 1:7

Gonyii jangpii nyiinii maning kamalum tei nlaisang nlai makle; kadapokii nyiimah kamage kalak hangtei go- nyiinii njai poihai katu takumpiinii, nyiimah kazangjyii kitodo gonyiinii njai tei poihai tangle.

MATIMANGOU KAPYII 21:14

Sateichii namdi teimah mbaang tei bangmaa kearii- siinakhii, sateichii teimah aphyiiryii teikii Jaonah mah tiilamlwi kapyii- mei keariisiinakhiimah zei tei leile.

METIU 5:3

“Rangii kasuimei sadoi bile, kadapokii sating gam sazyii tei ahnyii mahle!

METIU 5:10

“Kasang kamajyii jangpii kaset kalak dousii kaleimei tei sadoi bile, kadapokii sating gam sazyii tei ahnyii mahle!

METIU 25:21

Mpou pumpii teinii tamle, ‘hangkapii bitakle, kabi ninado malum kabui kikaleipii, nangnii mah kacheng phyiiryiito malum kabui tha tiika- bam taiswisii, Inii n-go mah hangka phyiiryiito tung tiisii kaju kashang bam tei kaipyii tangle, go pumpii mah ka-nta kitei liit tolo.’