LUKNII KARYII KABI RASAM JUKAMATI 21:17 - KARANU KABI SAMTAM

¹⁷ Sateichii meihangnii gonyiigo gu zei jangpii ngou routangle;

LUKNII KARYII KABI RASAM JUKAMATI 21:17 Referans Kwoze

JONNII KARYII KABI RASAM JUKAMATI 15:19

Gonyii ai sazyii pouryii mah leponii; sazyii pouryiinii mpou mah sek takumpiinii gonyiigo lungsyii tangle. Nlenii gonyii gonii sazyii pouryii aito Inii kalai wotakle, sateichii gonyiinii teimah makle; teijangpii sazyii pouryiinii gonyiigo ngourou leile.

LUKNII KARYII KABI RASAM JUKAMATI 6:22

“Meinah sapfii mpou jangpii gonyiigo ngou karou, pak katoi, chyii ka n-gi sateichii gonyii jai shyiilesii pak ka-mpat tinglang kak, gonyii doibile!

2 KORENMEI 12:10

Krista jangpii Inii kasui hang kito, kalet kalou katii kito, kahung kanang kito, kaset kalak kapyii kito, sateichii kamage kalak kiteito Inii lung samoule, kadapokii Inii suisii kalei tinglang kak Inii teimaham tei leile.

JONNII KARYII KABI RASAM JUKAMATI 15:21

Nlenii gu zei jangpii ahnyiinii aihang ai gonyii dakii tiitangle; kadapokii n-gu lang kamagong ah gotei ahnyiinii timakle.

MATIMANGOU KAPYII 2:3

Nangnii lung lehsii bamle, sateichii guzei jangpiinii lehsii bamle sateichii nangnii matoupyii aimakle katu Inii tile.

PILIPIMEI 1:29

Kadapokii gonyii- nii Krista zei kito kamalum teiroi supiinii, mpou jangpii kamage kalak kapung teipiiniido Krista nga kanga tinglang kabi tei gonyii dakii pyiibam takle.

2 KORENMEI 4:11

Mpoumah karing tei taiga tang karam nyii pum ki aito ngou matu tang karam jangpii, nyii tiilung mata tei Jisu jangpii katai mah sadoi kashyii kito nyiinii leihumle.

JONNII KARYII KABI RASAM JUKAMATI 17:14

Inii gosam tei ahnyii dakii pyiitakle sateichii sazyii pouryiinii ahnyiigo ngourou takle. Kadapokii Inii sazyii pouryii mah kasu takumpii, ahnyiido sazyii pou- ryii mah makle.

MARK 13:13

Meihangnii gonyiigo gu jangpii ngourou tangle, nlenii kalui katang leh kalumei teinii keikapyii tei doutangle.

METIU 24:9

“Teito ahnyiinii gonyiigo tiika- mage tang karam jangpii pyiitangle sateichii gonyiigo gitangle ninado Lui hangnii gu zei jangpii gonyiigo ngourou tangle.

METIU 10:22

Sateichii gu zei jangpii gonyiigo meihangnii ngourou tangle, nlenii kalui katang tei leh kalumeigo keipyii tangle.

1 PITAR 4:14

Gonyiinii Krista tai kaswi jangpii, gonyiigo kalet kalou tiileponii, gonyii sadoi bile, kadapokii pumtei kavamah sateichii Saraamah rangiinii gonyii phyiiryiito leile.

TIILAMLWI KAPYIIMEI THA JUKAMATI 9:16

Kadapokii mpounii guzei jangpii kadaziika kamage kalak leh tangle katu tei Inii mpou dakii matipyii tangle.”

JONNII KARYII KABI RASAM JUKAMATI 7:7

Sazyii pou- ryiinii gonyiigo ngouroupei wolakle, nlenii sazyii pouryiimei mah tha ai shyiile honglesii Inii sazyii pouryii mah kaang kito sakchyii kapyii jang- piinii n-gunii ngouroule.

METIU 5:11

“Gonyiinii gutai kaswimei katii jangpii kalet kalou katii, sateichii kaset kalak pyiisii kalei sateichii gonyii phyiiryiikii kashyii kashyiipii tamkai kapyii tinglang kak gonyii sadoi bile.

2 KORENMEI 4:5

Kadapokii nyiinii tam rali kalei ainii nyii roinapii nyiigo makle, nlenii Jisu Krista ai Bangpiile katupii, sateichii Jisu jangpii nyii ai gonyii nga kangameile katupii tam ralipyii leile.

LUKNII KARYII KABI RASAM JUKAMATI 21:16

Sa- teichii gonyii pwi gonyii pfiimeinii, gosanameinii, goki kalungmeinii, kanghe niido gonyiigo pyiitoi tangle; sateichii gonyii mei kangkii gonii ahnyiinii gitoi tangle;

LUKNII KARYII KABI RASAM JUKAMATI 21:18

Nlenii go phyii- taam pakkado maga lakle.