LUKNII KARYII KABI RASAM JUKAMATI 20:23 - KARANU KABI SAMTAM

²³ Nlenii ahnyii mah lungswi tei ngou wosii, ahnyii dakii tamle,

LUKNII KARYII KABI RASAM JUKAMATI 20:23 Referans Kwoze

1 KORENMEI 3:19

Kadapokii sazyii aimah swirek kabi teinii Saraa doito kamangle. Kadapokii aitiisii ryii- bamle: “Kasakai meigo ahnyii mah kasakai kito Saraanii maaile.”

HEBRUMEI 4:13

Sateichii tii mpat kabam mah pot hangniniido mpou doito kakabei gale, nlenii mpou mikjot kito mahlyii hang gomnei supii laatlasii leile, sateichii nyiinii mpou dakii tam mpat tangle.

1 KORENMEI 10:9

Sateichii mei kangkanii Bangpiigo jai kaju jangpii ahnyiigo sanhiinii tiimaga kalei takumpii, nyiinii Bangpiigo ajai jusude;

LUKNII KARYII KABI RASAM JUKAMATI 20:20

Sateichii ahnyiinii shoisii mpoumah samtam kito jum wosii, teimaham jum kaleimei hang satei- chii Governor dakii mpougo pyiitoi ai tang karam jangpii, kasang jai katii meijai tingshang kajumeigo langkai takle.

LUKNII KARYII KABI RASAM JUKAMATI 6:8

Sateichii mpounii ahnyii mah lungswi tei tiwosii, bah hangninii tai kaleipii gotei tamle, “Gungkhii sat tolo, sateichii aiki sumto satlo,” teito mpounii gungtu satto takle.

LUKNII KARYII KABI RASAM JUKAMATI 5:22

Sateichii Jisunii ahnyii lungto maning kalei tei tiwosii ahnyii dakii tamle, “Gonyiinii gonyii lung kito dajangpii teitiisii maning leipo?

METIU 22:18

Nlenii Jisunii ahnyii mah lungchoi kashyii tei tiwosii tamle, “Kabijai katiimei, gonyiinii n-gu ka- dajangpii ajai juleipo?

METIU 16:1

Sateichii Farasismei ninado Sadhumeinii gongsii mpougo jai jutang karam jangpii sating gamto tiikamangou siiti hangninii ahnyii dakii mangou matu tang karam jangpii mpou dato ahnyiinii khangle.

LUKNII KARYII KABI RASAM JUKAMATI 20:22

Nyiinii Kaisor go aha-kapyii ai ajai manii ajaimakpo?”

LUKNII KARYII KABI RASAM JUKAMATI 20:24

“N-gu sanahgyii hangninii mangoulo, tamah param ninado zei tei leipo?” ahnyiinii tamle, “Kaisor mah.”

TIILAMLWI KAPYIIMEI THA JUKAMATI 13:10

“Nang sara kashyii mah nah sapfii mpou! Nangnii kabi hang gotei ngouroule. Nang kashyii chem katham kathampii tokryiile sateichii nangnii Bangpii mah kasang ka- majyii pwidi hang gotei tii-nkhuisii kalei tei ntak lakpo?

IPISAMEI 4:14

Teitii leponii nyiinii meinahnii poi ka-mpat chem katham kathampii meigo kama kikii tiikai tang karam jangpii ralikapyii dwi n-nok kapat sateichii tingkainii lulam lulamkii gwipungsii katat nahmei takumloi lakle.