LUKNII KARYII KABI RASAM JUKAMATI 2:49 - KARANU KABI SAMTAM

⁴⁹ Teito mpounii ahnyii dakii tamle, “Dajangpii gonyiinii n-gu fii leipo? Inii Gu Pfii kito bam tang karam sekle katu tei gonyiinii timakde?”

LUKNII KARYII KABI RASAM JUKAMATI 2:49 Referans Kwoze

JONNII KARYII KABI RASAM JUKAMATI 6:38

Kada- pokii gumaning gu marai roinii tiitang karam jangpii sating gamto Inii hum makle, nlenii n-gu lang ka m-mang ah mah kamaning kamazhii tei tiitang karam jangpii humle;

JONNII KARYII KABI RASAM JUKAMATI 8:29

N-gu lang kamagong ahteinii n-gu kaswipyiisii leile, mpounii n-gu toipyii makle. Kadapokii mpounii kamarei kasat tha tei Inii taksupii tiile.”

JONNII KARYII KABI RASAM JUKAMATI 4:34

Jisunii ahnyii dakii tamle, “N-gu lang kamagong mpoumah kamaning kamazhii katii ninado mpoumah tha tiikamashang ai gumah chiitakle.

LUKNII KARYII KABI RASAM JUKAMATI 2:48

Sateichii ahnyiinii mpougo ngou- wo sek-kii, sung gasanii pwinii mpou dakii tamle, “Gunah nangnii nyii dakii aitii kalei ai dajangpiipo! julo, Go Pfii neinii swi kamagesii n-gu fii leile.”

JONNII KARYII KABI RASAM JUKAMATI 5:17

Nlenii Jisunii ahnyii dakii khekalatle, “Gu pfiinii aitoi katangdo tha tiileile, Iniido tiileile.”

METIU 21:12

Sateichii Jisunii Saraa kamaning ki lungtei liitsii Saraa kamaning kilung teito joisii kalei ninado lyiisii kalei ahnyii hang gotei baatoi aitakle, sateichii sanahswi heksii kalei mei mah dung kabam abam hangteido, mahou joisii kalei mei mah bam teido, kok kadat toi aitakle.

JONNII KARYII KABI RASAM JUKAMATI 9:4

N-gu lang kamagong ahmah tha tei leimik kalei kak nyiinii tiitang karamle; mei kaniido tha tiikalak tinghum tinglang tei gonglei takle.

JONNII KARYII KABI RASAM JUKAMATI 5:36

Nlenii Jon mah sung kisii kadi sakchyii tei gumah leile; kadapokii tiimashang matutang karam jangpii gudakii pfiinii pyiikabam tha, Inii tiikalei tha teipiinii, Pfiinii n-gu lang magongle katu gumah kaang kito sakchyii pyiile.