LUKNII KARYII KABI RASAM JUKAMATI 2:37 - KARANU KABI SAMTAM

³⁷ sateichii tingkum reksiisatsii madai nkhii katang ai kamipwimei hangninii tiisii mpoupeinii Saraa kamaning kitei toimakle, tinghum tingna malo- tryiisii riitasii bam leile.

LUKNII KARYII KABI RASAM JUKAMATI 2:37 Referans Kwoze

1 TIMOTHI 5:5

Mei kado jukasei kaga, mpoupei roinapii kalei kamipwimei teinii mpoupeimah maning kamalum tei Saraa dakii satsii ninado taksupii riitasii mpoumah tiikaha tei tinghum tingna khangsii leile.

TIILAMLWI KAPYIIMEI THA JUKAMATI 14:23

Sateichii ahnyiinii malot karyii ninado kariita njasii Charsh hang kito ahnyii jangpii katingmei hang kalai mpatpyii kaleitai, ahnyiinii kamalum Bangpii dakii ahnyiinii ahnyiigo pyii aitakle.

TIILAMLWI KAPYIIMEI THA JUKAMATI 13:3

Teitinglang ki ahnyiinii malot- ryiisii riitasii mpoupiina phyiiryiikii bah poikai pyiisii mpoupiinago lang mpat aitakle.

TIILAMLWI KAPYIIMEI THA JUKAMATI 26:7

Teitei doutang karam jangpii nyii lui keariisiina- khiinii tinghum tingna Saraago lungswi haisii malumsii riitale; riita kalei ai kaang jangpiinii he sagong, gu phyiiryiikii Jehudimeinii tam mashyii leile.

MATIMANGOU KAPYII 7:15

Teijangpii ahnyiinii Saraamah sagongbam doiteito leile, ninado ahnyiinii tinghum tingna mpoumah kamatei kiteito mpougo nga ngasii bamle. Sateichii sagongbam gamto bam kalei ahteinii mpoumah taksupii haikalei teipiinii ahnyiigo dangpyii tangle.

MATIMANGOU KAPYII 3:12

Ngam kalu ah gotei Inii gumah Saraamah kamateiki mah ki acheng hangninii tiimatu tangle sateichii ahnii bam teiki teito tatsang tat tulakle, sateichii gumah Saraamah zei, gumah Saraamah namdimah zei gumah Saraa dato, Sating gamto kahum kasatai Jerosalem sateichii gumah kasatai zeitei Inii ah phyiiryiikii ryiikai pyii tangle.

LUKNII KARYII KABI RASAM JUKAMATI 5:33

Mei kangkanii Jisu dakii tamle, “Jon boumeinii malotryii jatjatsii riitale, sateichii Kabijai katii boumei teinado teitiile, nlenii go boumei teinii chiisii saksii bamle.”