LUKNII KARYII KABI RASAM JUKAMATI 18:14 - KARANU KABI SAMTAM

¹⁴ Jisunii tamle, Inii gonyii dakii tam leile, mpounii ki gong katu kak Saraa doito kasang kamajyii katii teinii aha-kahapii tei supiinii kabijai katiipii teimakle. Kadapochiinii mei kata hangninanii mpou roinapii mpougo poi kasagoi meihang gotei tiisanapyii tangle. Sateichii mei kata hangninanii mpou roinapiinii mpougo poi sana lepo- chiinii, poi sagoi pyii tangle.”

LUKNII KARYII KABI RASAM JUKAMATI 18:14 Referans Kwoze

LUKNII KARYII KABI RASAM JUKAMATI 14:11

Kadapo- chiinii mpou roinapiinii mpougo poi sagoisii kalei mei gotei tiisana pyii tangle, sateichii mpou roinapiinii mpougo tiisana sii kaleimei gotei tiimadi pyii tangle.”

LUKNII KARYII KABI RASAM JUKAMATI 16:15

Nlenii Jisunii ahnyii dakii tamle, “Gonyiinii sazyii pouryiimei mik doito kasamsang meilesii tiimangou leile, nlenii Saraananii gonyii lungtei tile; kadapokii sazyii pouryiimei doito poi kasagoi tei Saraa mik doito ngou kasaba teile.

JEMS 4:10

Gonyii roinapii gonyii Bangpii doito sanasii lung manoilo, teito mpounii gonyiigo poisagoi pyii tangle.

METIU 23:12

Sateichii mpouroinapii mpougo tiimadi kalei mei gotei tiisanapyii tangle, sateichii mpouroinapii mpougo tiisana kalei meigotei tiimadi pyii tangle.

JEMS 4:6

Nlenii Saraanii jumage kapyii tei kisii pyiile; teijangpii kabi rasam kito tamle, “Detkadi meigo Saraanii mazhii makle, nlenii lung kamanoi meigo jumage kapyii tei pyiile.”

LUKNII KARYII KABI RASAM JUKAMATI 1:52

Mpounii katei kakhangmeigo sagong bam ki teito tiisanapyii takle, Sateichii kasanamei hang go poi sagoipyii takle;

METIU 5:3

“Rangii kasuimei sadoi bile, kadapokii sating gam sazyii tei ahnyii mahle!

GALATIMEI 2:16

teitii kido, meinah aigo ajaitingshang mah tha hang ryiikalu jangpiinii tiimajyii pyii makle, nlenii Jisu Kristago kamalum paikito tiimajyii pyiile katu tei tisii, nyiigo ajaitingshang mah tha hangtei ryiikalu jangpii supiinii, Kristago kamalum jangpii, tiimajyiipyii matu- tang karam jangpii nyii sek piiniido Krista Jisugo malum wotakle; dapokii ajaitingshang mah tha hang ryiikalu jangpii meigo kado tiimajyii kapyii gale.

ROMMEI 4:5

Sateichii atha tiikasupii nlenii Saraago tikasu meigo tiimajyii kapyii mpougo kamalumpii mah kamalum teinii kasang kamajyiilesii lukai pyiitakle.

ROMMEI 3:20

Kadaponii ajatingshang mah atha teipiinii mpou mikjot kito meigo kado tiima- jyiipyii lakle, kadaponii ajaiting- shang paito kem katu tei tigongle.

LUKNII KARYII KABI RASAM JUKAMATI 10:29

Nlenii mpounii mpou roinapii kasang katiijai tei tiinyii siinii Jisudakii tamle, “Bitakle, goki tiina- napamei tei tapo?”

ROMMEI 8:33

Saraanii kalai kalumei pyiiryiikii tanii sam tam mashyii tangpo? Tiimajyii kapyii tei Saraale.

ROMMEI 5:1

Teijangpii kamalum teipiinii nyiigo tiimajyii kapyiitai swisii, nyiinii nyii Bangpii Jisu Krista paikito kamajung tei Saraa dato doutakle.