LUKNII KARYII KABI RASAM JUKAMATI 17:24 - KARANU KABI SAMTAM

²⁴ Kadapochiinii sating kapeek sek-kii bam hangninii kito kakilam va katu takumpiinii gong tangle.

LUKNII KARYII KABI RASAM JUKAMATI 17:24 Referans Kwoze

METIU 24:27

Kadapokii leimik kapat lamto sating kapeek sek-kii leimik kaliit- lam katang vakatu takumpii meinah sapfii mpou tei gong tangle.

METIU 24:30

Teito meinah sapfii mpou mah tiikamangou siiti hangtei sating gamto pat tangle sateichii teimaham nei kadi pumtei kava tei kaswisii meinah sapfii mpou teinii sating gam mah mongjyii phyiiryiito kagong tei ahnyiinii ngoutangle;

2 PITAR 3:10

Nlenii Bangpiimah leimik teinii karagamei takumpiinii gong tangle, teipiinei leimik satingnii koi-nrung katei tei kaswisii gatu tangle, sateichii sating gam sageiti hang tei mipiinii rutoi tangle, sateichii sazyii ninado teilungto kalei tha hangtei gatu tangle.

JEMS 5:8

Gonyiido lung lehtilo, gonyii lung tiisangtinglo, ka- dapokii Bangpiimah kagong tinglang tei natakle.

2 THESOLONIKAMEI 2:2

katunii, rangii kado, samtam piinii kado, nyiinii karyiigo njoi chiti piinii kado, Bangpiimah leimik aitoi gongtakle katu teipii gonyiimah kamaning lungswi kito kalangsii tiirampou matu sulo, mak-kii lung tiimatai matu sulo.

1 THESOLONIKAMEI 5:2

Kada- pokii karagameinii tinghum kagong takumpii Bangpii mah leimik teinii gong tangle katu tei gonyiinii tiigatpii tile.

2 THESOLONIKAMEI 2:8

Sateichii teitinglangki kashyii kahong ahmah mei gotei mangou tangle, teito Bangpii Jisunii mpou mwi kito ngai ka-mpat chyiingai teipiinii mpougo girang tangle, sateichii gong kalei mpoumah vakaki teipii mpougo tiimaga tangle.

METIU 26:64

Jisunii mpou dakii tamle, “Nangnii tam takle, nlenii Inii gonyii dakii tam leile, tinglang aitaito meinah sapfii mpou teinii teimaham kadi kathang mah bah ajiilamto kabam ninado sating gam mah kamong gamto kagong tei gonyiinii ngou tangle.”

METIU 25:31

“Meinah sapfii mpou teinii mpoumah pumtei kava kito, sating gamlui hang go kaswisii kagong tinglang kak, mpoumah pumtei kava mah sagong bam kitei mpounii bam tangle.

METIU 5:15

Sateichii meikado thaomi maseisii razyii kangkii kailei makle; nlenii thaomi kadung gamkii kaisii kilungto kalei hang go tii mvapyii leile.

1 KORENMEI 1:8

Sateichii nyii Bangpii Jisu Krista mah leimik piinei gonyiinii kakui kama gatang karam jangpii mpounii gonyiigo kalui katang tei tiisangting pyiitangle.