LUKNII KARYII KABI RASAM JUKAMATI 16:8 - KARANU KABI SAMTAM

⁸ Teijangpiinii kasang kasu mahbam kajupii mah apumpii teinii mpougo tam matoile tei kakum kasang kasu tha katii jangpiinii; kadapochiinii sazyii pouryii meinah ainii ahnyiimah mah kajumhang kito kisii kasang mak buile kava kito kaleimei tei sung.

LUKNII KARYII KABI RASAM JUKAMATI 16:8 Referans Kwoze

1 THESOLONIKAMEI 5:5

Kadapokii gonyii hangnii kava ninado tingnamah nah sapfiimei hangle, nyiinii tinghum mak-kii kamyii mah nah sapfiimei makle.

IPISAMEI 5:8

Kadapokii tinglang kareiki gonyiinii kamyii kito leile; nlenii aitoinii Bangpii zei kito gonyiinii kava kito leitakle, teijangpiinii kavamah nahmei takumpii tatlo.

LUKNII KARYII KABI RASAM JUKAMATI 16:10

“Tha kacheng kito malum kabuimei tei, tha kadi kitodo malum wobuile, sateichii tha kacheng kito lung matei kasumei teinii tha kadi kitodo lung matei makle.

JONNII KARYII KABI RASAM JUKAMATI 12:36

Kava tei gonyii da kalei kak-kii, kava mah nahmei tiitang karam jangpiinii, kava gotei malumlo.” Jisunii sam ai tam kaleitai, mpounii tat tutakle ninado ahnyii dato mbeiwo takle.

1 JON 3:10

Saraamah nahmei tei tatapo, sateichii seitanmah nahmei tei tatapo katu aipii ngou wobuile: Kasang tiikasumei ninado mpou sanapiigo lungsyii kasu mei tei Saraa dato makle.

LUKNII KARYII KABI RASAM JUKAMATI 16:4

N-gu mahbam kajubam aikito poitoi sekchii, ahnyiinii n-gu ahnyii kikii maliit tang karam jangpii Inii kadapei tiitangpo katu Inii maning bam takle.’

LUKNII KARYII KABI RASAM JUKAMATI 20:34

Jisunii ahnyiigo khekalatle, “Sazyii pouryii meinii kalakna tiile,

1 PITAR 2:9

Nlenii gonyiigo kamyii kito mpounii sung kaga kava kikii lat mpat kapyii mpoumah kamadat tha hangtei saa mpat matutang karam jangpii, kalai kalumei lui, sagong- mah atingmei, kamatei lui Saraamah mei tei gonyiile.

PILIPIMEI 3:19

Ahnyii teinii mibam kito kalui tiitangle, dapokii ahnyiimah sara teinii ahnyii mah pumzainii kamarei ka-ntha hang teile; ahnyiinii nroutang karam nito detdile, ninado ahnyiinii sazyii pou- ryiito kaluimah pot hang gotei roinii maningle.

1 KORENMEI 3:18

Mei kaniido ah roinapiinii ahgo schoi choi matu sulo; gonyii kak kito aiha ki aito mei kata hangninanii ah ai sakailesii maning leponii, ahnii sakai tang karam jangpii ahnii maning matulo.

LUKNII KARYII KABI RASAM JUKAMATI 18:6

Sateichii Abangpiinii tamle, “Kachui samtak katiipii teinii kadapei tam leipo shiilo.

METIU 17:26

Mpounii ‘spumnah mei dato’ lesii katam kak, Jisunii mpou dakii tamle, teitiileponii, “sazyii-nahnii pyii kajyii makle.

METIU 12:32

Sateichii meinah sapfii mpougo mazhii kasu sam katam meihang gotei kaleipyii tangle, nlenii rangii kamatei go mazhii kasu sam katam meihang gonii sazyii pouryii kitodo gongtang karam kiteitodo kaleipyii lakle.

LUKNII KARYII KABI RASAM JUKAMATI 16:7

Sateikii mpounii mei kaki hang- ninii dakii tamle, ‘nangnii kadazii pung leipo?’ mpounii tamle, ‘Gihu takou haikii,’ mahbam kajupii teinii mpou dakii tamle, ‘gomah ajhii masak kabam tei poisii reksiisat ryii wolo.’

LUKNII KARYII KABI RASAM JUKAMATI 20:35

Nlenii katai kito ringkhiiloi tang karam jangpii kalai kalu sapwimei sapfiimei ninado gongtang karam aha kana kito lungtang karam mei teinii kalakna tiilakle.