LUKNII KARYII KABI RASAM JUKAMATI 16:24 - KARANU KABI SAMTAM

²⁴ Sateichii mpounii latle, ‘He Pfii Abraham, n-gu lungsyii pyiilo, sateichii Lazarus go lang m-mang mpou bah jungna jungrang teipii dwikikii tousii gu malyiigo tiimakung sei matulo; kadapochiinii Inii mishong aiki aito hangkapii kamagesii bam takle.’

LUKNII KARYII KABI RASAM JUKAMATI 16:24 Referans Kwoze

MATIMANGOU KAPYII 22:1

Teito teimah namdimah pwidi kadi sum teito Saraamah ni- nado Jaonah mah sagongbam kiteito, dwi kamating kamaleek takumpiinii vakatu, karingmah dwimah karyii longkalei tei ahnii gudakii mangou takle.

JONNII KARYII KABI RASAM JUKAMATI 4:10

Jisunii mpoupeigo khekalatle, “Saraanii pyiikalei ninado n-gu saktang karam dwi seilosii godakii katam tei tapo katu nangnii tileponii, nangnii mpou dato khang tang karamle.”

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

METIU 25:41

“Teito mpounii mpou-bah abilam pangto kalei hang dateikii tam tangle, ‘He Saraa sheeng doukalumei, gonyii gudato tat mpasii seitan ninado mpou mah sating gamlui hang jangpii tiida kabam kalui kaga mibam kitei tat tulo;

MATIMANGOU KAPYII 20:15

Sateichii karingmah larekbung lungkii mei kata hangniniimah zei ryiikabam tei dousuleponii, ah gotei mimah jailungkii toikai aitakle.

JEMS 3:6

Malyii ainii pum- pot hang go tiimahongsii, nyiimah karing tiilung pwidi hang go, mibam kito kagong mah mi teipiinii mi kaisii kalei, nyii pumpot hang kak kito kasang kamajyii kaga sazyii pouryii teile, sateichii malyii ainii mile.

LUKNII KARYII KABI RASAM JUKAMATI 16:30

Teito mpounii tamle, ‘tei- makle, Pfii Abraham, nlenii kataimei kakto mei kata kangkanii ring nlaipatsii ahnyiida gong lepochiinii, ahnyiinii lung kali tangle.’

LUKNII KARYII KABI RASAM JUKAMATI 3:8

Lung kali kalu mah ati tei matilo, sateichii nyii pfii Abraham leile katupii gonyii lung kito maning tusulo, dapochiinii Inii gonyii dakii tam leile, Saraanii Kuitu aihang kito Abraham dakii mpou nahmei tii mpatto buile.

JEMS 2:13

kadapokii lungsyii kapyii mangou kasu ah dakii samtak katii teinii lungsyii kapyii tei haimakle; nlenii lungsyii kapyii teinii samtak goteinii ngamle.

MATIMANGOU KAPYII 19:20

Saram- kownah ninado ah doito siiti hang tiimangou sanii saramkownah mah siiti doukalumeigo ninado teimah tingtu paramgo mata katumeihang go kasang kasu teipii chuisii hem kalu, ahgo kaswi kalei kasang kasu lungkakalingmei gotei jum wotakle. Ai hangna aigo sulphur piinii song- kalei mimah jailungkii maringpii toikai aitakle.

2 THESOLONIKAMEI 1:8

tei tinglang kak Saraago mazhii kasumei ninado nyii Bangpii Jisumah kabi rasamgo swikasu meigo Saraanii powrui tangle.

ROMMEI 4:12

Mpounii tiigyii malem kaleimei mah Apfii teile, katunii tiigyii kamalem pyiiryiito kisii, nyii pfii Abrahamnii tiigyii malem kasu douto kamalum tiilung lung kalei takumpii lungkaleimei mahdole.

JONNII KARYII KABI RASAM JUKAMATI 7:37

Takbai kalui piinei leimik katunii, leimik kadipiinei, Jisunii gongtu sat takle sateichii rok sagoisii tamle, “Mei kata hangninanii saryiileponii, ahnii guda gongsii sak matulo.

METIU 5:22

Nlenii Inii gonyii dakii tamleile, mei kata kangkanii mpou sanapiigo rarhii leponii, samtak tiitangle, sateichii kata kangkanii sanapiigo kalet kalou katiisam tam leponii, samtak katiibamki pangkhii tangle, sateichii kata kangkanii ‘ka- pang kamangpii nang sii’ tamleponii, sadoi kashyii mibamki liit tangle.

METIU 3:9

sateichii ‘nyii pfii Abraham leilesii tamlesii gonyii lung kito maning sulo;’ kadapokii Inii gonyiigo tam leile, Saraanii Kuitu hang kito Abraham dakii mpou nahmei tii mpat-to buile.

LUKNII KARYII KABI RASAM JUKAMATI 19:9

Teito Jisunii mpou dakii tamle, “Ki aiki ai tingnei leimik kaleikapyii kasaga tei gong takle, kadapochiinii mpoudo Abraham nah sapfiimei hangniniile.