LUKNII KARYII KABI RASAM JUKAMATI 15:29 - KARANU KABI SAMTAM

²⁹ Nlenii mpounii mpou pfiigo khekalatle, ‘Julo, tingkum aitiiziikii Inii gu nga ngasii bamle, sateichii nangnii kakhatsam tei Inii madou kado swikasu tiilei makle; teitii kido Inii gu kanghemeigo kaswisii nta nlang njoitang karam jangpiinii Amyiinah hangninii kado nangnii n-gu pyiisang pyii leimakle.

LUKNII KARYII KABI RASAM JUKAMATI 15:29 Referans Kwoze

MATIMANGOU KAPYII 3:17

Gonyiinii ka-nkhii kasana kamage kamarhii, mah kaga, mik kachet ninado peimani kai kasutei tisupii I mah nitakle, kani kahii hangkapii doutakle sateichii mah- kado tang kalak tiimaklesii gonyiinii tamle.

MATIMANGOU KAPYII 2:17

“Rangiinii Charsh hang dakii tam kalei tei khoi pung kalei mei- hangnii shiimatulo. Ngam kalu ah dakii Inii kamakum manna tai pyiit- angle sateichii kuitu kaha hangninii ninado kuitu phyiiryiikii ryiikabam kasatai zei hangninii tei Inii ahdakii pyiitangle, teitei doukalu ah teisu- piinii mei kaniido zei tei timakle.’

ROMMEI 10:3

Kadapokii Saraa dato kagong kasang kamajyii gotei tisupii mpou mpoumah pwidi fiikalei taiswisii ahnyiinii Saraamah kasang kamajyii kangtei nkang makle.

ROMMEI 7:9

Tinglang hang- niniiki Inii Ajaitingshang haisupiinii lungle, nlenii kakhatsam tei gong sek-kii kem tei ringkhii takle sateichii I tai takle;

LUKNII KARYII KABI RASAM JUKAMATI 19:21

Kadapokii Inii n-go hingle, kadapochiinii nangnii rai kashyiimeile, nangnii gomah kasu tei poile sateichii nangnii ralikai kasu teido rachetle.’

LUKNII KARYII KABI RASAM JUKAMATI 18:9

Sateichii nyiinii kasang kamajyii katiimeile ninado mei kaki mei hang teinii samah kado maklesii mpou roinapiinii mpougo kamalum mei kangkii dakii mpounii ndasam aido tamle:

LUKNII KARYII KABI RASAM JUKAMATI 17:10

Tei takumpiinii gonyii dakii kakhat kabam hangtei tiisang takle sekchii, ‘nyiinii samah kado kasu kikaleimeile; nyiimah tii kamajyii tha tei nyiinii tiitakle sii gonyiinii tamlo.’ ”

LUKNII KARYII KABI RASAM JUKAMATI 15:7

Inii gonyii dakii tam leile, tei takumpii, lung kalisudo kamazhii, kasang kamajyiimei reksokchyiisii sokchyii-nkhii sungnii kem kama katiimei hangninanii lung kali kalu jangpiinii sating gamto nta tangle.

METIU 20:12

‘Ai kana nasang mei hang ainii pungkii roinii atha tiile, sateichii nangnii ahnyiigo tingneikii mah kamage ninado tingthangnii karu leh wokalu nyiigo masamsii poi wotakle.’

ROMMEI 3:27

Teitii leponii nyiinii detdi kabui kaang kadapei leipo? Samah kado gale, sateichii ai ai kadapei kaang jangpiiniipo? Nyiinii ajaitingshangnii katam kaswi jangpiipo? Makle, nlenii nyiinii kamalum jangpiiniile.

ROMMEI 3:20

Kadaponii ajatingshang mah atha teipiinii mpou mikjot kito meigo kado tiima- jyiipyii lakle, kadaponii ajaiting- shang paito kem katu tei tigongle.

LUKNII KARYII KABI RASAM JUKAMATI 15:28

“Nlenii mpounii rarhii takle sateichii ki kalung liit sutakle, teito mpou pfiinii patsii mpougo liitlosii hemtakle.

LUKNII KARYII KABI RASAM JUKAMATI 15:30

Nlenii gonahsapfii mpou aipounii sapwimei karalumeigo kaswisanii gomah mahbam hangtei tiimagasii nlai kagong kak, nangnii mpou jangpii twomnah luikabi tei gipyiile!’