LUKNII KARYII KABI RASAM JUKAMATI 14:24 - KARANU KABI SAMTAM

²⁴ Kadapokii Inii gonyii dakii tam leile, hai kalumei hangninii kaniido gumah takbai ai masei lakle.’”

LUKNII KARYII KABI RASAM JUKAMATI 14:24 Referans Kwoze

METIU 21:43

“Teijangpii Inii gonyii dakii tam leile, Saraa mah sating sazyii tei gonyii dato poitoi aitangle, sateichii teimah riiti tiigatpii mati tang karam Lui hangninii dakii pyii tangle.”

TIILAMLWI KAPYIIMEI THA JUKAMATI 13:46

Teito Pol nei Barnabasnii lungdisii tamle, gonyii dakii Saraa mah kabi rasam ai tamrei tang karamle. Nlenii teitei gonyiinii gonyii dato kataitoisii kalui kaga karing doutang karam ai doumajyii maklesii gonyii roinapiinii maning kalu jangteipii, julo, nyiinii lui kakimeida tat tutakle.

JONNII KARYII KABI RASAM JUKAMATI 3:36

Nah sapfii mpou gotei malum kalumei teinii kalui tiikasu karing tei doutakle, nlenii nah sapfii mpou sam swikasumei hangteinii karingtei doulakle, nlenii Saraa mah rakarhii tei mpou gamto leile.

METIU 22:8

Teito mpounii mpouki kalei- mei dakii tamle, ‘gumah myiikapang mah takbai tei tiikadabam takle, nlenii gonghailosii Inii lat kalumei hangtei gong haikajyii sutakle.

JONNII KARYII KABI RASAM JUKAMATI 8:24

Teijangpii gonyiinii gonyii mah kem kiteito taitanglesii Inii gonyii dakii tam takle; dapokii I-le katu gonyiinii malum kasuta, gonyii mah kem kito gonyii taitangle.”

JONNII KARYII KABI RASAM JUKAMATI 3:19

Sateichii samtak katii tei aile, katunii Kava tei sazyii pouryii gongtakle, nlenii meinahnii kava goteisung kamyii gotei kisii maraile, dapokii ahnyiimah tha hangtei shyiile.

JONNII KARYII KABI RASAM JUKAMATI 8:21

Nlailoisii mpounii ahnyii dakii tamle, “Inii tat tutangle ninado gonyiinii n-gu fiitangle, nlenii gonyii- nii gonyii mah kem kiteito taitangle, Inii kagongnitei gonyiinii gongpei wolakle.”

LUKNII KARYII KABI RASAM JUKAMATI 14:23

Sateichii Apumpii teinii ki kaleipii dateikii tamle, ‘namdi mah pwidi kadi kadi kito, sateichii pwidi kacheng kacheng kitei maasiinii guki ai tokryii kabui tiisii ahnyiigo gong matulo.

LUKNII KARYII KABI RASAM JUKAMATI 14:25

Aitoinii mei hangkanii mpougo kaswisii tat leile, sateichii mpounii nryiigongsii ahnyii dakii tamle,