LUKNII KARYII KABI RASAM JUKAMATI 14:23 - KARANU KABI SAMTAM

²³ Sateichii Apumpii teinii ki kaleipii dateikii tamle, ‘namdi mah pwidi kadi kadi kito, sateichii pwidi kacheng kacheng kitei maasiinii guki ai tokryii kabui tiisii ahnyiigo gong matulo.

LUKNII KARYII KABI RASAM JUKAMATI 14:23 Referans Kwoze

KOLOSIMEI 1:28

Teipii nyiinii meihang dakii Krista tam ralipyiile, Kristago hangninii tiisii nja kalu kito, mei hang go nyiinii tiimatui mashang kalu mei nsang nsang tiisii Saraa doi poigong tang karam jangpii, swirek kabi hangteipii ahnyiigo tiiloi sulosii nyiinii kakhatle sateichii ralipyiile.

2 KORENMEI 5:11

Bangpiigo kahing katu tei kadapeigopo katu tei nyiinii tisii, malum kabui tiisii nyiinii meigo tampyiile. Nyiimah kaang kito matum madum tei Saraanii tile; sateichii gonyii lung kito gonyiinii n-gudo tile katu tei Inii maning malumle.

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,

2 KORENMEI 5:20

Teijangpii Krista tung tiisii nyiinii malhii leile, Saraa Ah sekpiinii mpoumah khang kalei tei nyii paikito khang kalei takumpii, Krista tung tiisii, nyiinii gonyiigo khang leile; ngou karou saryii kito mpoumah kanghe katii kikii gonyiigo Saraanii tiikalipyii matulo!

KOLOSIMEI 1:23

Nlenii gonyiinii kabi rasam shiikalu ting- lang kak doukalu gonyiimah maning kamalum kiteito nlai matusupii kasangting soikalak bangmaa kiteito malum kabui tei tiijousii leitang karamle. Pol, Inii nga ngakalei ai aimah kabi rasam katunii, sazyii pouryiito kaleihang go tam ralipyii kabam kitole.

ROMMEI 10:18

Nlenii Inii n-nhiile, ahnyiinii shiitak makpo? Nle, kasangpii shiitakle; kadapokii “Ahnyiimah roktei sazyii hangki gong tang wotakle, sateichii ahnyiimah samtam tei sazyii pouryii nlai katang tei gongtangwo takle.”

TIILAMLWI KAPYIIMEI THA JUKAMATI 28:28

“Teijang teipiinii Saraa mah kaleikapyii kasaga karing ai lui kakimei dakii lang m-mangpyiile katu gonyiinii timatulo; ahnyiinii shiitangle.”

TIILAMLWI KAPYIIMEI THA JUKAMATI 18:6

Sateichii ahnyiinii mpougo jyiipasii tam mashyii tusek-kii, mpounii mpou peimani gam buinei tei katungtoi aisii ahnyii dakii tamle, “Gonyii zai tei gonyii phyii gam khii matulo! Inii kama gale, aitoisekpiinii Inii lui kakimeida tat tutang takle.”

2 KORENMEI 6:1

Nyiinii Saraago kaswisii tha tiisii leile, teijangpii Saraa mah jumage kapyii tei matapii kadaktoi sulosii nyiinii gonyiigo khang leile.

TIILAMLWI KAPYIIMEI THA JUKAMATI 9:15

Nlenii Bangpiinii mpou dakii tamle, “Tat tulo, kadaponii lui ka- kimei hang, sagongmei hang ninado Isrelmeinah doito guzei pung tang karam jangpii sapfii mpou ai gujangpii kalai mpat kabam baituile.

METIU 21:43

“Teijangpii Inii gonyii dakii tam leile, Saraa mah sating sazyii tei gonyii dato poitoi aitangle, sateichii teimah riiti tiigatpii mati tang karam Lui hangninii dakii pyii tangle.”

TIILAMLWI KAPYIIMEI THA JUKAMATI 16:15

Mpoupeido mpou- peiki kalungmei hangniido dwi mpum kalutai mpoupeinii nyii dato khangle, “I-ai Bangpiigo kamalum meilesii gonyiinii maning leponii, guki gong bamseilo.” Sateichii mpoupeinii nyiigo tiigatpii haitakle.

LUKNII KARYII KABI RASAM JUKAMATI 24:29

Teipiinii mpou- piinanii mpougo hai katwumsii tamle, “Neigo kaswisii bam tulo, da- pochiinii tingkhiilam takle sateichii leimikdo ritakle.” teipiinii mpounii mpoupiinago kaswisii tei kito bam takle.

METIU 5:41

Sateichii mei kata hangninanii n-go ahmah pot kilomiter hangninii pungtatlo katupii dwisii rat leponii, kilometer hangna pungtatlo.

LUKNII KARYII KABI RASAM JUKAMATI 14:22

Kikaleipii teinii tamle, ‘Bangpii, gomah kakhatsam taiswisii tiitakle, nlenii teitii kido, aitoido-rei bam bamle.’

LUKNII KARYII KABI RASAM JUKAMATI 14:24

Kadapokii Inii gonyii dakii tam leile, hai kalumei hangninii kaniido gumah takbai ai masei lakle.’”