LUKNII KARYII KABI RASAM JUKAMATI 14:15 - KARANU KABI SAMTAM

¹⁵ Sateichii mpougo kaswisii mah kachii bam kito kaswisii bam kaleimei hangninanii tam kalei ai shii wosii, mpounii Jisudakii tamle, “Saraa mah Sating Sazyii kito takbai kitei gong chii haitang karam mei tei sadoibile!”

LUKNII KARYII KABI RASAM JUKAMATI 14:15 Referans Kwoze

MATIMANGOU KAPYII 19:9

Sateichii sating gamlui teinii gudakii tamle, “Ai ai ryii wolo: Jaonah mah myiikapang takbai tei gonghai losii lat kalumei hangtei sadoibile.” Sateichii Ahnii gudakii tamle, “Aihang ai Saraamah kasang samkang hang teile.”

LUKNII KARYII KABI RASAM JUKAMATI 22:30

gonyiinii gumah Sating Sazyii kito gumah tak kachii bam gamto kaswisii chii sak kabui jangpii, Inii gonyii dakii Sagong Sazyii julosii pyii leile.

LUKNII KARYII KABI RASAM JUKAMATI 13:29

Sateichii meihang tei leimik kapat lamto, leimik kaliit lamto, longryii lamto ninado lamka lamto gongsii Saraa mah sating sazyii bam kitei bam tangle.

METIU 25:10

Sateichii ahnyiinii maa lyii katu tinglang kak nou tiitang karam sapfii mpou tei gong takle. Sateichii tiida kalu mangii teinii mpougo kaswisii myii kapang takbai kitei liit wotakle, sateichii kitei takam takle.

LUKNII KARYII KABI RASAM JUKAMATI 12:37

Apumpiinii nlai kagong tinglang kak kikaleimei mik raksii ninado tiidasii kalei dou kalumei tei doibile. Inii gonyii dakii kasangpii tam leile, mpounii peijou loktoi takpokii, chiitang karam jangpii ahnyiigo mbam siinii mpounii patsii ahnyiigo nga ngapyii tangle.

METIU 8:11

Inii gonyii dakii tamleile, leimik kapat lamto sateichii leimik kaliit lamto mei hangkii gongsii Abraham, Isak ninado Jakob go kaswisii takbai kitei bam tangle sating gam sazyii kito;

LUKNII KARYII KABI RASAM JUKAMATI 22:16

Kadapochiinii Inii gonyii dakii tam leile, Saraamah sating sazyiiki teito ai-ai madougong kasuta, Inii ai-ai chiiloi lak takle.”