Biblia Todo Logo
Bib sou entènèt

- Piblisite -




LUKNII KARYII KABI RASAM JUKAMATI 11:9 - KARANU KABI SAMTAM

9 “Teijangpiinii Inii gonyiigo tam leile, khanglo, gonyii dakii pyiitangle; fiilo, gonyiinii doutangle; kakhiilo, gonyii dakii laatpyii tangle.

Gade chapit la Kopi




LUKNII KARYII KABI RASAM JUKAMATI 11:9
40 Referans Kwoze  

Teijangpii Inii gonyii dakii tam leile, nangnii riitasii mah kata kara kakhang tinglang kak, teitei nangnii doutakle katupii nang- nii malumlo.


Sateichii gonyiinii kamalum tei leileponii, gonyiinii riita kakhang hangtei gonyiinii doutangle.”


Gonyiinii n-gu kalai makle, nlenii gonyiinii mangsii ti mati matutang karam jangpii ninado gonyii mah ti tei leimatu tang karam jangpii sateichii gonyiinii gu zei kito Pfii dato kakhang hangtei mpounii gonyiigo teitei pyii matutang karam jangpii, Inii gonyiigo kalai takle ninado bam kaipyii takle.


Gonyiinii gudato taksupii leileponii, sateichii gumah samkang hangtei gonyii dato taksupii leileponii; gonyiinii kamarei hangtei khanglo, sateichii teitei gonyii dakii pyiitangle.


Sateichii nah sapfii mpou paikito Pfii mah pumtei kava tei ngoumatu tang karam jangpii, gonyiinii gu zei kito kakhang hangtei Inii tiipyii tangle.


Sateichii nyiinii kakhang hangtei mpou dato doule, kadapokii nyiinii mpoumah kakhat- sam hangtei swisii mpounii kamarei tei nyiinii tiile.


Nlenii mei kata hangninanii swirek kabi tei tang suleponii, meihang go pyiisei kapyii ninado jumage kati Saraa dato ahnii khang matulo, sateichii mpounii ah dakii pyii tangle.


Sateichii ka- malum haisupiinanii mpougo dzyii- kabi tei tiipeiwo lakle; kadapokii Saraada manang kagongmei hang- teinii mpou ringleile ninado mpougo kafiimei hang dakii mpounii alangh pyii leile katu ai malum tang karamle.


Sateichii kamalum meimah ka- riita teipiinii rakanipii gotei keipyii tangle sateichii Bangpiinii ahgo kok matupyii tangle; sateichii ahnii kama tiibam leponii, ahgo kaleipyii tangle.


Teitii leponii nyiinii tiikaha mareisii kalei kak, lungsyii kati doutang karam ninado jumage kapyii tei nyiinii ngoutang karam jangpii, lung kalum tei kaswisii jumage kapyii mah sagongbam kitei nyiinii tat manang liitde.


Jisunii mpoupeigo khekalatle, “Saraanii pyiikalei ninado n-gu saktang karam dwi seilosii godakii katam tei tapo katu nangnii tileponii, nangnii mpou dato khang tang karamle.”


Nlenii Inii gonyii dakii tam leile, katunii sagong Solomon katangpiinado mpoumah kani kahii hangtei piinii ngoukabi hiipa aihang kak kito hangninii takumpii ngoukabi peimani tei kai womakle.


Kadapokii Saraanii tamle: “Kamazhii tinglang kito Inii n-go shiipyiile sateichii n-go keipyii tang karam mah leimik tei gujangpii kagong kak Inii n-go tiihale.” Julo, aitoi kamazhii tinglangle; julo, keipyii tang karam mah leimik tei aitoile.


Sateichii Inii gonyii dakii tam kalei ai Inii meihang dakii tam leile: Tiikadalo!”


Mei kangkanii tha kabi tei tiisii tiisii pumtei kava go sadzyii ngariit katiigo, sateichii gakalak karing go fiisii bamle. Ahnyii dateikii Saraanii kalui kaga karing tei pyii tangle.


Hangna kak ki aito tapiinii mpou pfiimah kamaning kamazhii tei tiipo?” Ahnyiinii tamle, “Katingpii teiniile.” Jisunii ahnyii dakii tamle, “Inii gonyii dakii kasangpii tam leile, Aha kahamei ninado sahapwimei teinii gonyii doi reisii Saraa mah sating sazyiiki tat leile.


“Nlenii Thyatira kito mashaksii kalei, ralikapyii aigo poikasu seitanmah kamakum sam tikasumei gonyii dakii Inii tam leile, Inii gonyii phyiiryiikii kamaswi kaki hangninii kado kaipyii lakle.


Kadapochiinii kakhangmei hang- teinii doutangle; kafiimei hangteinii ngoutangle, sateichii kikam kakhiisii kaleimei hang dakii laatpyii tangle.


Swiv nou:

Piblisite


Piblisite