LUKNII KARYII KABI RASAM JUKAMATI 11:41 - KARANU KABI SAMTAM

⁴¹ Nlenii gonyii peek kok lungto kalei mah tei kagameigo pyii ailo, sateichii julo, mahlyiihang tei gonyii jangpii mateile.

LUKNII KARYII KABI RASAM JUKAMATI 11:41 Referans Kwoze

LUKNII KARYII KABI RASAM JUKAMATI 12:33

Gonyii mah kalei hangtei joitoisii sana tei kagameigo pyiitoi ailo, ham kalak sana takou tei gonyii jangpii tiiwolo; katunii kara- gameinii gongpeiwo kalak, karak niido tiimaga peiwo kalak, Sating gamkii gonyii mah kani kahii tei poi ndwi wolo.

JEMS 1:27

Nyii Pfii Saraa doito kamatei ninado kahong kaga kanat teinii: pwi pfii kagamei sateichii kamipwimeigo ahnyiimah kamage kalak kito jukaha sateichii mpougo sazyii pouryiimah kashyii kahong kito rum matu kasu aile.

TAITAS 1:15

Kamateimei datonii mahlyiihang ai mateile; nlenii tiimahong kalei ninado malum kasu ahnyii datonii samah kado kamatei tei gale; dapokii ahnyii swi ninado kabi kashyii tikabui ahnyii mah lungswi teido tiimahong aitakle.

HEBRUMEI 13:16

Kabi tiitang karam ninado hangninanii hangniniigo tiiha tang karam tei mangai sulo, dapodinchii ai kakum kakarat hang aipii Saraago dzyii karanga tei tiile.

TIILAMLWI KAPYIIMEI THA JUKAMATI 10:15

Sateichii rok hangninii nlai- loisii hangna kashang tiisii mpouda gong takle, “Saraanii tiimatei kalei gotei kasaba ninado kahong sii nangnii latlak tang karamle.”

LUKNII KARYII KABI RASAM JUKAMATI 16:9

Inii gonyii dakii tam leile: gonyiinii sazyii pouryii mah seh sana gotei kang tiilo, gonyiinii taisekchii ahnyiinii gonyiigo kalui gasii lung- tang karam bamniki pang gongsei matu tang karam jangpii.

HEBRUMEI 6:10

Kadapokii Saraanii majyii kasu gale, gonyiinii kamateimeigo tiikaha ninado aitoido tiihasii kalei gonyiinii tiikabam tha ninado mpou jangpii mangou kabam lungkasyii tei mpounii mangai lakle.

2 KORENMEI 8:12

Nangnii ntasii pyii leponii, nangnii kagatai tei swisupiinii, nangnii pyii kabam kangam taiswisii nangnii kapyii tei Saraanii lukaipyii tangle.

LUKNII KARYII KABI RASAM JUKAMATI 19:8

Teito Zakaiyas nii gungtu sat tosii Bangpii dakii tamle, “Julo Bang- pii, gumah kaleihang kito aphang ai Inii kagameigo pyiile, sateichii Inii mei kata hangninii mah satui sadzyii tiisii poiwo lepochiinii, njai madai ai Inii kalei pyiile.”

LUKNII KARYII KABI RASAM JUKAMATI 18:22

Sateichii Jisunii teitei shii wosii, Jisunii mpou dakii tamle, “Nangnii kaangkii tiitang makle rei. Gomah kalei hangtei joitoilo sateichii mah kagameigo pyii ailo, teito nangnii sating gamto mah kani kahii tei bam tangle; sateichii patlo, gutai swilo.”

METIU 5:42

Godato kakhangmei gotei pyiilo, sateichii godato siipok kanyiimei hang gotei mazhii kasu tiisulo.

IPISAMEI 4:28

Ragasii kalei ahteinii ragaloi matu sulo, nlenii tei tungpii ah mah bahpiinii tha kabi tei tiisii, mah kagameigo sei kabui tiisii mpoumah mah bam tang karam jangpii tha tiimatulo.

TIILAMLWI KAPYIIMEI THA JUKAMATI 11:29

Sateichii Judiya kito kalei kangsanameigo meihangpii mpou mpounii kangam taiswisii tiiha kamaga matutang karam jangpii boumei teinii raangsii maning wotakle.

METIU 26:11

Kadapokii mah kagamei goteinii gonyiinii tinglang kaleita kaswisii leile, nlenii n-gunii gonyiinii tinglang kaleita kaswisii leilakle.

TIILAMLWI KAPYIIMEI THA JUKAMATI 24:17

Sateichii tingkum kathangkiitai Inii gului dakii tiikaha sateichii Sa- raago kakat pot poigong tang karam jangpii gongle.

MARK 7:19

Dapokii ahnii chiikalu tei malungki liit makle, nlenii mphyii- bungki liitle teitiisii doidoi pum kito siiba pat tule katu gonyiinii timakpo?” (Ai tamkalei aipii, chiitak hang ai matei losii Jisunii tampyii takle.)