LUKNII KARYII KABI RASAM JUKAMATI 10:19 - KARANU KABI SAMTAM

¹⁹ Julo gonyiinii sanhii sateichii aga-nrek sateichii gonyiigo ngou karoumei mah tei maham matum madum phyiiryiikii Inii gonyiigo teimaham pyiibam takle, sateichii gonyiigo mah hangninii kaniido samah kado denglakle.

LUKNII KARYII KABI RASAM JUKAMATI 10:19 Referans Kwoze

MARK 16:18

ahnyiinii gu zei kito sanhii poimakhii tangle sateichii ahnyiinii taitang karam dwi kara kata sak wokido, tei teipiinii ahnyiigo samah kado denglakle; ahnyiinii rakanimei phyii ryiikii ahnyii bah poikai tangle, teito ahnyiinii katchii kanhii hangtei tii-mbipyii tangle.”

ROMMEI 16:20

Teitii- leponii kamajung mah Saraa teinii seitan gotei kalangsii gonyii pi kang- kii koumang biitnai matu tangle. Nyii Bangpii Jisu Krista mah jumage kapyii tei gonyiigo kaswipyii matulo.

TIILAMLWI KAPYIIMEI THA JUKAMATI 28:5

Teitii kado mpou- nii sanhii gotei milungkii katung maliit kaisii samah kado mpougo deng sutakle.

MATIMANGOU KAPYII 11:5

Sateichii mei kata hangninanii ahnyiigo tiimashyii lesii tiileponii, ahnyiimah mwi kito mi patsii ahnyiigo ngoukaroumeigo tiimaga leile. Aitiisii mei kata hangninanii ahnyiigo tiimashyiile katumeigo tei tiitat tangle.

LUKNII KARYII KABI RASAM JUKAMATI 11:12

Makkii mpounii rui madui kangdinchii, mpougo aga-nrek pyii tangpo?