LUKNII KARYII KABI RASAM JUKAMATI 1:66 - KARANU KABI SAMTAM

⁶⁶ shii kalumei hangteinii maningsii n-nhii- tule, “Ai nah ai kadapei mitangpo?” Kadapokii mpouda Bangpii mah teimaham tei leile katu ai kasang takle.

LUKNII KARYII KABI RASAM JUKAMATI 1:66 Referans Kwoze

TIILAMLWI KAPYIIMEI THA JUKAMATI 11:21

Sateichii Bangpii bah tei ahnyiigo kaswi- pyiisii, malum kalumei hangteinii Bangpiida ngaryii gong wotakle,

LUKNII KARYII KABI RASAM JUKAMATI 2:51

Sateichii mpounii ahnyiigo kaswisii Nazaret ki gongle, sateichii ahnyiikang nkangsii lungle; sateichii mpou pwinii tam katu matum ma- dum ai mpoupei lung kikii tiigatpii lukai bamle.

LUKNII KARYII KABI RASAM JUKAMATI 2:19

Merinii aihang ai maning gongle sateichii teihang tei mpoupeinii lungto hungsii maningle,

LUKNII KARYII KABI RASAM JUKAMATI 9:44

Inii gonyiigo tamle kajyii ai mangai sulo, “Dapochiinii Meinah Sapfii Mpou gotei mei bah kikii pyii ailezii takle.”

LUKNII KARYII KABI RASAM JUKAMATI 2:40

Nah tei ditusii sangting tutakle, Mpou tei Swirek kabipii tokryiile sateichii Saraa mah satoi tei mpou phyiiryii leile.

LUKNII KARYII KABI RASAM JUKAMATI 1:80

Nah tei pumpot sateichii rangii dipat takle sateichii mpounii Isrel- mei machii doikii mangou kasuta tei mapwizyii kito lungle.

KOLOSIMEI 1:5

Kasang samtam katunii, kabi rasam teinii gonyiida gong kareiki, teiteinii pyiisii kalei maning kamalum mah kaang tei shiitakle, teipiinii gonyiimah kamalum ninado lungkasyii teinii gonyii jangpii sating gamkii kaidek kabam gonyiinii maning malumsii kalei taiswi takle.