LUKNII KARYII KABI RASAM JUKAMATI 1:2 - KARANU KABI SAMTAM

² Karei kito mik sekpiinii kangoumei sateichii teisam tamsii kalei meinii nyii dakii tam kapyii tei ahnyiinii ryiisii leile.

LUKNII KARYII KABI RASAM JUKAMATI 1:2 Referans Kwoze

JONNII KARYII KABI RASAM JUKAMATI 15:27

sateichii gonyii hangdo sakchyiile, dapodinchii saroisekto gonyiinii n-gu kaswisii leile.

TIILAMLWI KAPYIIMEI THA JUKAMATI 26:16

Nlenii gungtusii gopi gam sat tolo; kadaponii aijangpii Inii godakii mangou leile, katunii nangnii n-gu ngoukalu sateichii Inii godakii mangou tang karam tei kaang kito nga kangado sakchyii kapyiido n-go tiimatu tangle.

2 PITAR 1:16

Kadapokii nyiinii nyii Bangpii Jisu Kristamah teimaham ninado gongkalei tei gonyii dakii kamati tinglang kak meinahnii likalu rasam hang taitei nyiinii swimakle, nlenii nyiinii mpoumah teimaham kadi tei mik sekpiinii kangoumei hang takle.

HEBRUMEI 2:3

Teitii leponii tei kakum kadi keikapyii karing gotei nyiinii alung liit suleponii, kada takumpii nyiinii nlek wotangpo? Bangpii sekpiinii karei reisang kito keikapyii karing ai saa mpat takle, sateichii mpounii katam swikasumei hang teinii maning kariirhii gasii ai ai kasangle katupii nyii dakii ma- ngoutakle,

MARK 1:1

Ai ai Saraa nah sapfii mpou Jisu Krista mah kabi rasam abangle.

TIILAMLWI KAPYIIMEI THA JUKAMATI 1:3

Leimik rekdai lungki teito tiilamlwi kapyiimei dakii mangou kapyii sateichii Saraa mah sating sazyii mah kaang kito ralipyiisii, Mpounii kamage kalak leh kaleitai maning kariirhii katu gasii tiikamangou kadaziikapiinii mpou pumsek ai ringtakle katu tei ahnyii dakii mangoupyii takle.

1 PITAR 5:1

Teijangpii ting njoisii kaleimei hangninii tiisii, Kristanii kamage kalak kapungmah sakchyii ninado mati mangou tang karam pumtei kavamah njai dou njoitang karam Inii gonyii kak kito kalei kating- meigo khang leile,

TIILAMLWI KAPYIIMEI THA JUKAMATI 4:20

Kadapokii nyiinii ngou kalu ninado shiikalu tei tam- supei wolakle.”

LUKNII KARYII KABI RASAM JUKAMATI 24:48

Gonyiinii aihang mah sakchyii teile.

1 KORENMEI 4:1

Aitiisii meinii nyiigo Krista ki kaleimei takumpii sateichii Saraa mah kasang kamakumsam mah mahbam kajumei takumpii maning matulo.

TIILAMLWI KAPYIIMEI THA JUKAMATI 1:8

Nlenii rangii kamatei teinii gonyii phyiiryii humpyii sekchii, gonyiinii teimaham tei doutangle, Sateichii gonyiinii Jerosalemto Ju- diya ninado Samariya sazyii hang kikii, sateichii sazyii pouryii nlai katang tei gumah sakchyii tiitangle.”

MARK 4:14

Lwi karalipii teinii abangpii samtei rali leile,

ROMMEI 15:16

Rangii kamateinii tiimatei kalei luikakimeigo pyiikatoi tei lukai kabui tiisii, Inii kanat kajum Atingmei takumpii Saraa mah kabi rasam mah nga ngaleile.

MARK 16:20

Teito ahnyiinii mangsii bamhang kikii kabi rasamtei tampyii takle; Bangpiinii ahnyiigo kaswisii tha tii njoipyii takle, ninado kaswi kalei tiikamangou siiti hang teipiinii samtei tiisangting pyii takle. Amen.

JONNII KARYII KABI RASAM JUKAMATI 16:4

Nlenii ahnyiinii aihang ai tiikatu tinglang tei gongsekchii, Inii gonyii dakii reipii tam takle katu gonyiinii maning gong matu tang karam jangpii, ai ai Inii gonyii dakii tam takle. “Aihang ai Inii gonyiigo saroisekto tam makle, kadapokii Inii gonyiigo kaswisii leile.

TIILAMLWI KAPYIIMEI THA JUKAMATI 8:4

Sateichii tat marou maruktu kaleimei hang teinii kabi rasam tei tamsii tamsii bamlyiihang ki tat tutakle.

TIILAMLWI KAPYIIMEI THA JUKAMATI 14:25

Sateichii ahnyiinii Perga kikii kabi rasam tei tampyii sanii, Attaliya ki tat hum takle.

TIILAMLWI KAPYIIMEI THA JUKAMATI 16:6

Sateichii Asiya kito kabi rasam tam ka-mpat tei, rangii kamateinii mazhii kasu jangpiinii ahnyiinii Phairgiya ninado Galati sazyiiki tat majupat-to takle.

TIILAMLWI KAPYIIMEI THA JUKAMATI 17:11

Toinii ahnyii teinii Thesolonika kito kalei Jehudimei sung kisii hangkengle. Kadaponii kabi rasam tei ahnyiinii hangkapii shiinyiisii, samhang ai kasang manii mahkupo sii sating kata kabi rasam tei tiigatpii fiile.