KOLOSIMEI 4:8 - KARANU KABI SAMTAM

⁸ Nyiinii kadakumsii leipo katu tei tam mangousii gonyiigo lung tii-ntapyii tang karam jangpii, Inii mpougo gonyii dakii lang magong leile.

KOLOSIMEI 4:8 Referans Kwoze

IPISAMEI 6:22

Gonyiinii nyiimah tingha tei timatu tang karam jangpii, sateichii gonyii lungtei tiimakhii pyii matutang karam jangpii mpougo Inii gonyiida katang lang magong leile.

KOLOSIMEI 2:2

Dapokii ahnyiinii lung taisupii lungkadi teipii tokryii kabui tiisii sateichii lungkasyii kiteikii jum nja kabui tiisii, teito kasang kati teinii pung kagong madousupii doutang karam katokryii kani kahii tei doumatu tang karam jangpii, Inii ai tiileile. Aitiisii ahnyiinii Saraamah kamakum, katunii Kristago titangle.

2 THESOLONIKAMEI 2:17

sateichii kabi tha ninado samtam hang kito tiimashangpyii matulo.

1 THESOLONIKAMEI 5:14

Sateichii kangsanamei, nyiinii gonyiigo tam katwi leile, kamahat meigo mahat sulosii tampyii ralipyiilo, rangii kasuimeigo lung tiimadi pyiilo, kasuimeigo tiihalo sateichii ahnyiihang dato lungleh tilo.

1 THESOLONIKAMEI 5:11

Gonyiinii tiikalei takumpii, gonyii hangninanii hangniniigo lung tiimakhii pyiilo sateichii hangninanii hangniniigo tiimakhii halo.

1 THESOLONIKAMEI 4:18

Teijangpii gonyii hangninanii hangniniigo samtam hang aipii lung tii ntapyiilo.

1 THESOLONIKAMEI 3:5

Aijangpii Iniido nlailoisii lehpei kalak tinglang kito, gonyiigo kahem teinii hemwo tang karam sateichii nyiimah teisii tha katii tei kadak aitang karam gotei hingsii, Inii gonyiimah kamalum tei titang karam jangpii mpougo lang magong leile.

1 THESOLONIKAMEI 3:2

sateichii kamage kalak ainii mei kata hangninii godo tii nlai matu kasu tiisii, gonyiimah kamalum mah kaang kito tiisangting pyii matu katu sateichii gonyiigo tiiha matu tang karam jangpii nyii kangsanapii sateichii Kristamah kabi rasam katam kito Saraa tha tiisii kalei Timothigo lang magong leile;

1 THESOLONIKAMEI 2:11

Kadapokii gonyiinii tile, katunii Saraanii gonyiigo mpoumah sating sazyii kikii sateichii mpoumah pumtei kava kikii kapyiimah lung- kamajyii tiilung tei gonyiinii lung kabui jangpii,

PILIPIMEI 2:28

Teijangpii gonyiinii mpougo ngouloi katu kito nta matutang karam jangpii, satei- chii gumah kamage ai chengniikii nkhiihai matu tang karam jangpii, Inii mpougo kisii lungsyiisii lang magong takle.

2 KORENMEI 12:18

Inii Taitasgo tat tulosii khangle, sateichii mpougo kaswisii sanapii gotei Inii lang magongle, Taitasnii gonyii dato kabi tei poiwo takpo? Rangii hang- ninii kito nyiinii tat makpo? Pikang hangninii kito nyiinii tat njoimakpo?

2 KORENMEI 2:7

Teijangpii ahnii lung kamage katu teipiinii beidijusii matum madum rat toi malei kasu tiisii, gonyiinii ahgo kama kalei pyiisii ahgo lung tiimadi tang karamle.

2 KORENMEI 1:4

Nyiimah kaset kalak hang kito mpounii nyiigo tiihale. Teijangpii Saraanii nyiigo kapyii tiikaha aipiinii, kaset kalak kito kalei kakimei hang gotei nyiinii tiiha wobuile.

1 KORENMEI 4:17

Teijangpii Bangpii zei kito gumah lungkasyii ninado katam kaswi gunah sapfii mpou Timothigo gonyii dakii Inii lang magong leile. Bamlyiihang kito, Charsh hang kito, Inii ralikapyii takumpii, Jisu Krista dato kalei gumah jaitingshang hang tei mpounii gonyiigo tam maningloi pyiitangle.