KOLOSIMEI 4:3 - KARANU KABI SAMTAM

³ sa- teichii Kristamah kamakum samtei nyiinii tampyii ralipyii tang karam jangpii Saraanii tinglang kabi tei nyiigo pyii kabui tiisii nyii jangpii- niido riitapyiilo. Kadapokii teijangpii aitoi Inii kabang kito bamle.

KOLOSIMEI 4:3 Referans Kwoze

TIILAMLWI KAPYIIMEI THA JUKAMATI 14:27

Sateichii ahnyiinii gongtang wosek-kii, Charsh hang go lat ndwi wosii, Saraanii ahnyiigo kaswisii tiikapyii tha hang mah ninado lui kakimei hang dakii mpounii kama- lum mah takam laatpyii takle katu tei ahnyiinii ahnyii dakii tampyii takle.

KOLOSIMEI 1:26

katunii, tinglang sateichii meilui meiha kadaziikii jangpii kabai kabam kamakum, nlenii aitoinii mpoumah kamateimei hangdakii mati mangou pyii kalei teile.

2 KORENMEI 2:12

Krista mah kabi rasamtei tang ralipyii tam karam jangpii Inii Trosh ki kagong kak, teikito tha tiitang karam jangpii Bangpiinii pwidi laatpyii kabamtei Inii doutakle.

2 TIMOTHI 2:9

Inii kabi rasam katam karali jangpii mei tiikanhii tiikaleimeigo takumpii reng kapei katang kamage kalak tei Inii leh takle; nlenii Saraamah samtam teinii peinei aimakle.

PILIPIMEI 1:7

Gonyiihang jangpii Inii aitiisii maning majyiile, kadapokii gonyiinii gulung kito leile, sateichii n-gu sagyiirengpii kapei tinglang kak, sateichii kabi rasam katam kito, saryii tiisii kadang kito, sateichii tiisangting katu, gonyii hangnii n-gu kaswisii jumage kati mah njai dou njoi katu meihangle.

IPISAMEI 4:1

Teijangpii gonyiigo lat kalu kiteito tiigatpii matwisii lung pyiilosii, Bangpii jangpii kabangki kaleimei hangninii tiisii kalei Inii gonyii dato khangleile.

1 KORENMEI 16:9

Kadaponii ngou karoumei hangkii leisii leikado, sangtingsii tha tiimatu tang karam takam kadi tei n-gu laatpyiibam takle.

1 KORENMEI 4:1

Aitiisii meinii nyiigo Krista ki kaleimei takumpii sateichii Saraa mah kasang kamakumsam mah mahbam kajumei takumpii maning matulo.

1 THESOLONIKAMEI 5:25

Kangsanamei, nyii jangpiiniido riitapyiilo.

METIU 13:11

Sateichii mpounii ahnyiigo khekalatle, “Sating gam sazyii mah kamakum samtei timatu tang karam jangpii gonyii dakii pyiibam takle, nlenii ahnyii dakiinii pyiimakle.

PHILIMON 1:22

Sa- teichii gujangpiinii ki shang hang- ninii tiikadalo, kadapokii gonyiihang mah kariita tei Saraanii khepyii tangle ninado n-gu ai gonyii dakii pyiiloi tangle katu ai Inii maning malumle.

PILIPIMEI 1:19

Nle, Inii nta tangle, kadapokii gonyiimah kariita ninado Jisu Kristamah rangiimah tiikaha paikito ai ai n-gu laat mpat kapyii tei ndat tangle katu tei Inii tile.

2 TIMOTHI 1:16

Abangpiinii Onisi- poraski kalung mpung go lungsyii pyii matulo; dapokii mpounii n-gu kamage kalak kito tii ntajat jat pyiisii n-gu kapai sagyiireng hang jangpii mpounii nroupyii makle.

IPISAMEI 3:1

Ai kaang jangpiinii, gonyii luikakimei hang jangpii Krista Jisumah kabang kito kaleimei hangninii tiisii kalei, Pol, Inii, Saraa dakii riitale,

ROMMEI 16:25

Aitoinii gumah kabi rasam taiswisii sateichii kamakum sam mati mangoupyiisii Jisu Krista mah kaang kito tam rali kapyii taiswisii, gonyiigo tiisangting pyiiwo kabui mpoudakii Inii gonyiigo pyii leile.

IPISAMEI 3:3

Saraanii mpoumah tiitang karam karaang kamaning kamakum tei mati mangoule satei- chii gudakii mati pyiile. Ai kaang kito Inii dwisii ryiibamle.

IPISAMEI 3:4

Sateichii Inii ryiikabam tei gonyiinii fiileponii, Kristamah kamakummah kaang kito gumah kati tei gonyiinii tiwobuile.

IPISAMEI 3:9

Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

KOLOSIMEI 4:18

Pol, Inii salam ai gubah sekpiinii ryiileile, maning seilo n-gu peinai kabam! Saraamah jumage kapyii tei gonyiigo kaswi pyii matulo.

2 TIMOTHI 4:2

Samtei tam ralipyiilo, tinglang kido, tinglang kasu kido tiisii leihumlo, lungleh kati sateichii ralikapyii hangteipii njasii swiki liit matulo n-gipyiilo, ninado lung tiimadi pyiilo,