KOLOSIMEI 4:10 - KARANU KABI SAMTAM

¹⁰ Kabang kito n-gu kaswisii kabampii Aristarkasnii gonyii go salam pyii leile, sateichii Barnabas sanapii Markniido salam pyii leile. Marknii gonyiida gongleponii mpougo lukaipyii losii tam kapyii tei gonyiinii doutangle.

KOLOSIMEI 4:10 Referans Kwoze

PHILIMON 1:24

Sateichii n-gu njoisii tiikaleimei, Mark Aristarkas, Demas ninado Luk ahnyiiniido Salam pyiileile.

2 TIMOTHI 4:11

Luk roinii n-gu kaswisii leitakle. Mark go fiisii n-go kaswisii mpougo pang gonglo; daponii tha katii kito mpou ai n-gu tiiha wobuile.

TIILAMLWI KAPYIIMEI THA JUKAMATI 19:29

Sateichii namdi kitei karampou- piinii tokryii takle; sateichii Polgo kaswisii pwidi mbuitat kalei Mesido- niya mei Gaiyas ninado Aristarkasgo ahnyiinii jum wosii swi hangninii tiisii ka-nta ka-nlangki tei pak kashoi kabeiliit takle.

TIILAMLWI KAPYIIMEI THA JUKAMATI 27:2

Sateichii Asia bang kito kalei bam bamki hoile kajyii Adramittiya mah malyii hangninii ki tong wosii, nyiinii dwijai phyiiryiito tat tutakle; sateichii Thesolonika kito lung kalei Mesidoniya mei Aris- tarkasnii nyiigo kaswile.

TIILAMLWI KAPYIIMEI THA JUKAMATI 20:4

Sateichii Biroya kito Paihus nah sapfii mpou Soptar, Thesolonikamei kak kito Aristarkas ninado Sekundas, Derbe kito Gaiyas ninado Timothi sateichii Asiya kito Taichikas ninado Trophimas, ahnyii ainii mpougo kaswisii tatle.

TIILAMLWI KAPYIIMEI THA JUKAMATI 12:12

Sateichii mpounii swi maning wosii, zei Mark siido lat kalei Jon pwi Meri kitei gongtakle; teiki teito meimoinii ndwisii riitasii bamle;

1 PITAR 5:13

Bebilon kito kaleipei, Saraanii kalai njoi kalupeinii sateichii gunah sapfii mpou Marknii gonyiigo salam tei pyii leile.

ROMMEI 16:7

Gutat gureng kito kapatmei sateichii kabang kito n-gu kaswisii bam kaleimei Andronikas nei Junias go salam pyii leile. Ahnyii teinii tiilamlwi kapyiimei hang kak kito Jutisii sateichii gudoito reisii Krista dato kaleimeile.

ROMMEI 16:2

sateichii mpoupeinii gonyii dato mpoupei jangpii bitang karam tha tiikaha kata kara khang- leponii, gonyiinii mpoupeigo tiihalo, kadapochiinii mpoupei ai meihangkii jangpii sateichii gujangpiinado tiihasii kalei mei hangniniile.

TIILAMLWI KAPYIIMEI THA JUKAMATI 13:13

Sateichii Pol ninado mpoutai kaswimei hangnii Paphos sazyii kito malyii tong gongsii, Pamphaliya kito kalei Parga namdi kitei gongtakle, sateichii Jon-nii ahnyii dato tat n-nousanii Jerosalem ki nlaigong takle.

TIILAMLWI KAPYIIMEI THA JUKAMATI 4:36

Sateichii Kaipras kito lung kalei, Levitmah sadung, Tiilamlwi kapyiimeinii Barnabas sii zei lat kaleipii, (zei ai kadat mpatkii tii ka-nchokpii ziile.)

TIILAMLWI KAPYIIMEI THA JUKAMATI 13:5

Sateichii mpoupiinanii Salamis kitei gong wosek-kii, Saraamah kabi rasam tei Jehudimei ndwibam hangki liitsii tam mpatpyii takle sateichii Jon-nii ahnyiigo tiihale.

TIILAMLWI KAPYIIMEI THA JUKAMATI 12:25

Sateichii Barnabas nei Solnii mpoupiina mah atha tei tiisang aisii, zei Mark sii lat kalei Jon go kaswisii mpoupiinanii Jerosalem kito nlai gongtakle.

PHILIMON 1:23

Krista Jisu jangpii n-gu kaswi- sii bangkabam Ipaprosnii gonyiigo salam pyiileile;