KOLOSIMEI 3:8 - KARANU KABI SAMTAM

⁸ Nlenii aitoinii rakarhii, raikapat, kamaimhii kalet kalou katii sateichii gonyiimwi kito tamjyii kasu katam kamalhii hang ai matou ailo.

KOLOSIMEI 3:8 Referans Kwoze

IPISAMEI 4:29

Gonyiinii gonyiimah mwi kito sam kashyii hangninii kado pat matu sulo, nlenii tiikamakhii ninado tinglang teinii kadapei mareipo katu tiiha tang karam kabi sam tei roinii tamlo, kadapokii nangnii katam teipii n-go shiisii kaleimeigo kabi tei tiimatu tang karam jangpii.

IPISAMEI 4:22

Teipiinii gonyiinii lungsii lei kalei tei tiilungtei gonyiigo lung matusii kalei kama kikii tiikakai mpoumah kamarei ka-ntha hangteipii tiimaga kalei, gonyiimah mei kaham tei rat toi ailo.

IPISAMEI 5:4

Gonyii kak kito tamjyii kasu katham karaam sam, kapang kamang sam, mak-kii dok tiikasu sam tei gasii, teitungpii gonyiinii Saraago hakalang tei pyii matulo.

KOLOSIMEI 3:5

Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

IPISAMEI 4:26

Rarhiilo, nlenii kem tei tiisulo, gomah rakarhii tei leimik liit kasunakii ga ailo.

HEBRUMEI 12:1

Teijangpii nyiigo sakchyiimah mongjyii kadi hangninii teinii nyiigo bang magui kabam taiswisii, nyiinii kamaswi ninado nyiigo jum kalei kem hangtei nyiinii matou aide.

KOLOSIMEI 3:9

Hangninanii hangninii dakii chui- sulo, kadapokii gonyiinii mei kaham gotei, ahmah jairali hangtei njasii poitoi aitakle.

1 PITAR 2:1

Teijangpii kachui, kabijai katii, meigo kamaimhii, kalet kalou katii lat, sateichii kashyii kahong kiteito gonyii roinapii gonyii mpaa wosii,

2 KORENMEI 12:20

Kadapokii Inii kagong tinglang kak, Inii kamarei takumpii gonyiigo Inii doukasu, sateichii gonyiinii kamarei takumpii gonyiinii n-gu doukasu malahle; n-girazyii kapat, kangourou katu, kararhii katu, mpou mpou jangpiinii kamaning, kalet kalou katii, samchet sampei katu, detkadi ninado matou kasu tei Inii ngoutang maniisii hingle.

1 KORENMEI 3:3

Kadaponii gonyii aitoi katangdo pumzai kito leile, kadapokii gonyii kak kito kamaimhii sateichii n-girazyii kalei tei teipii, gonyii pum zaimei makpo, sateichii meidamei takumpii gonyiinii tatlei tak makpo?

METIU 5:22

Nlenii Inii gonyii dakii tamleile, mei kata kangkanii mpou sanapiigo rarhii leponii, samtak tiitangle, sateichii kata kangkanii sanapiigo kalet kalou katiisam tam leponii, samtak katiibamki pangkhii tangle, sateichii kata kangkanii ‘ka- pang kamangpii nang sii’ tamleponii, sadoi kashyii mibamki liit tangle.

GALATIMEI 5:15

Nlenii gonyii hangninanii hangniniigo saram kounah takumpii kamakisii chiitoi kati tiisii leileponii, machyiigat wolo, suleponii gonyii hangninanii hang- niniigo tiimagakat aitangle.

ROMMEI 13:13

Nyiinii kavaki tat kalei takumpii tat majyiile; ajai kasu sateichii jou sak kapiinhii, kashyii kahong tha katii, sateichii ngou kashyii tha katii, n-gee razyii kapat sateichii kamai- mhii tei tiisude,

JUD DATO KAGONG CHITI JUKAMATI 1:8

Tei takumpiiniido ahnyii roinapii ahnyii pumpotgo tiimahong matu katu mah madhang kapyii hangtei ahnyiinii doule; Saraamah teimaham gotei ahnyiinii lukai makle, sateichii sagoi gamto kalei sating gamlui hangmah pumtei kava gotei ah- nyiinii tam mashyiile.

2 PITAR 2:18

Kadapokii swikaga kapang det kadi sam tamsii, kama kito lungsii kaleimei hang dato nlek wosii lungpat haosii kaleimeigo pumzaimah kamarei ka-ntha hang- teipiinii hemle.

JEMS 2:7

Gonyii dakii pyiikabam zei kabi gotei ahnyiinii tam mashyii makpo?

1 TIMOTHI 1:20

Ahnyii kak kito Heninios ninado Alekjendarle; tam kamashyii sam tam matulak tang karam jangpii ahnyiinii rali matulak tang karam jangpii, Inii ahnyiigo seitan dakii pyiitoi aitakle.

1 TIMOTHI 1:13

Ndou kareiki Inii mpougo tam kamashyii, tiikamage katu sateichii kalet kalou tiisii leikado, Saraamah lungsyii kati tei Inii doutakle, kadapokii kamalum tei Inii doumakle. Teijangpii Inii dapei tiileipo katu tei Inii timakle.

GALATIMEI 5:26

Nyiinii matapii mpou mpou det disii, hangninanii hangniniigo kara- rhii katu, katairou katu tei tiisuleje.

GALATIMEI 5:20

tingtugo kariita, riikuhii kajum, kangourou katu, n-gi razyii kapat, kamaimhii kati, kararhii katu, mpoujangpii kamaning, njairiit riit katu, kagu kaphang katii,

MARK 7:22

mei-nou meinah-go kachyii, lukanyii, kashyii tha hang, meigo satui sadzyii katii, matei kasu, meigo ngoukarou, mikjot kashyii, tam kamashyii, detkatii, swi kaga,

MATIMANGOU KAPYII 16:9

meihang gotei ngoukahing maga teipii maga takle, sateichii sararahum hang phyiiryiito teimaham kalei Saraa zei gotei sheeng takle sateichii ahnyiinii ahgo pumtei kava pyiitang karam jangpii tam matoimakle.

JUD DATO KAGONG CHITI JUKAMATI 1:13

Ahnyiimah ka-nrou tha hang gotei dwi kito maribok boksii kalei dwi mahom takumpii mangou kalei, dwi- jaimah ngoukahing dwi n-noukalei takumle, jungpi jungpatsii kalei sageiti takumle, ahnyii jangpiinii tuk kaki kamyii kalui kaga bamtei Bangpiinii tiidabam takle.

2 PITAR 2:7

Sateichii kaikashyii- mei mah jaikashyii teipii hangkasii tiikamage kapyii kasang kamajyiipii Lotgo keipyii leponii,

IPISAMEI 4:25

Teijangpiinii kasang kasu tei rat toi aisii, gonyiihangnii mpou mpoumah kitiinah napameigo ka- sang tei tamlo. Kadapokii nyiihang ai Kristamah pum kito kaswisii kaleimei hangle.