Biblia Todo Logo
Bib sou entènèt

- Piblisite -




KOLOSIMEI 3:5 - KARANU KABI SAMTAM

5 Teijangpii gonyii lungto sazyii pouryiimah kamaning kamarei tha tiisii kalei, katunii, sapwimei sapfiimei kashyii kahong tha katii, matei kasu, matei kasu marai majang katii, kashyii go kamarai sateichii lukanyii (ai tingtugo kamaning mahjai hangniniile) gotei tiitat ailo.

Gade chapit la Kopi




KOLOSIMEI 3:5
34 Referans Kwoze  

kadapokii gonyiinii apum azai tai swisii lungleponii, gonyii taitangle; nlenii rangii paito gonyiinii apum azai mah tha hangtei tai malei aileponii gonyiinii ringtangle.


Sateichii Krista Jisudato kaleimei hangnii pum tei mpoumah marei majang ninado kamarei ka-ntha hang njasii krosh gamkii gi aitakle.


sateichii gonyii gonyiimah pum pot, njaihang tei kashyii kahong mah beitui takumpii kem kikii pyii aisulo; nlenii gonyiimah pumsek tei katai kito pang nlaigong kapyiimei takumpii, sateichii gonyiimah pumpot mah njai hangtei kasang kamajyii mah beitui takumpiinii pyiilo.


Lungkasyiimei, gonyiinii sapum- nah tiisii ninado shangniikii jangpii lungkalei sazyii pouryii meinah tiisii! Tinglang kaleita gonyii mah rakot go saryii tiisii kalei, pumzaimah kamaning kamarei hangtei tiisulosii Inii gonyiigo khang leile.


Sapwimei sapfiimei kashyii kahong tha katii kito pakpat wolo. Meinahnii katii kem hangtei pumpou tole; nlenii sapwimei sapfiimei kashyii kahong tha katii ah teinii ahroinapii ah pumpotgo mazhii kasu tiisii kem tiile.


Ahnyiinii ka-nrou kasangam hangtei ga aitakle; ahnyiinii kasaat tei gasii matei kasu tha hangtei tiitang karam jangpii kashyii kahong kiteikii ahnyii roinapii pyii aitakle.


Inii nlaikai gong katu tinglang kak, gu Saraanii gonyii doito n-gu tii-nrou- pyii loisii, asung kareiki kem tiisii ahnyiinii tiikabam, matei kasu, kashyii kahong tha katii sateichii sapwimei sapfiimei kashyii kahong tha katii kito lungkali kasu ahnyiihang jangpii Inii lung magesii hat tang karam tei Inii hingle.


Nlenii raikaga, kamalum kaga, ngoukasaba ngam katiimei, meigo kagimei, sapwimei sapfiimei kashyii kahong tha katiimei, ashoi kapoimei, tingtu param hang go kamatamei, ninado kachuimei hang jangpiinii, hangna kashang tiisii katai, mi ninado sulphur piinii shong kalei jailung tei tangle.”


nlenii gupumpot mah njaihang kito kalei gulungswinii maziipyii kalei ajaitingshang gotei, sateichii gupumpot mah njaihang kito kalei kem mah ajaitingshang mah maring- pouchyiimei tiimatu tang karam jangpii ajaitingshang kakinii saryii tiisii kalei tei Inii ngoule.


Kadapokii lungchui kashyii, meigo kagi, meinou meinah- go kashyii katii, kashyii kahong tha katii, kachui, kasang kasu sakchyii katii, meisam tam kamashyii ai lung kito patle.


Nlenii chyiihang, ashoi kapoi- meihang, sapwimei sapfiimei kashyii kahong tha katiimeihang sateichii meigo kagi meihang, sateichii tingtu paramgo kamatamei hang ninado kashyiigo kamarei, kashyii tha katiimei hangtei sabato leile.


Gonyii kak kito satii saryii ninado n-gi razyii hang ai kada kito patpo? Gonyii pumpotmah njai hang kito saryii tiisii kalei gonyiimah kamarei ka-ntha hang kito makpo?


Mei kangkanii tam tangle, “Chiitak ainii moi jangpiile, sateichii moi ainii chiitak jangpiile.” Nle kasangle, nlenii hangna gotei Saraanii tiimaga tangle. Apum ainii sapwimei sapfiimei kashyii kahong tha tiitang karam jangpiinii makle, nlenii Bang- piigo nga ngatang karam jangpiile; sateichii Bangpiinii pumpot jangpii pyiichiile.


Kem katiipum tei tiimaga tang karam jangpii, sateichii kem kito kabangnah tiisii mbamlak tang karam jangpii nyii mah kaham mei tei mpougo kaswisii Krosh gamkii gi aitakle katu tei nyiinii tile.


Kalakna katii ai meihangnii dzyiirou tang karamle, sateichii kalakna katii zyii tei hong matu sulo. Kadapokii sapwimei sapfiimei kashyii kahong tha katii ninado masung maha katumei hang go Saraanii samtak tiitangle.


Sateichii mei kaniido sapwi- mei sapfiimei kashyii kahong tha katii, mak-kii mpou nah katingpiinii doukamajyii tei malot hangniniipii joitoi kalei, Isau takumpii matei kasu mei tei gamatu tang karam jangpii tiigatpii juwolo.


Saraanii gonyiigo mateisii sateichii sapwimei sapfiimei kashyii kahong tha katii kito sajek gasii lung matunyiile; katunii, (matei kasu kiteito gonyiinii mazhii sulo.)


Gonyii kak kito sapwimei sa- pfiimei kashyii kahong tha katii lei lesii tiigatpii nha tei tam takle, sateichii ai kakum sapwimei sapfii- mei kashyii kahong tha katii ai lui kakimei kak kitodo gale, kadapokii kangkii sapfiimei hangninanii mpou pfii nougo kaswisii zyii sii leitak lesii n-gu tam takle,


Nyiinii pum zai lamto lung kalei tinglang kak, ajaitingshang teinii tiimarak kapyii nyii pum nyii zainii kamarei ka-nta hangtei nyiipum pot mah njaihang kito, katai mah ati-mati matutang karam jangpii atha tiisii bamle.


Ahnyii teinii kashyii kahong, ajaitingshang kashyii, lukanyii, kamaimhii, kama- lung piinii katokryii, meigo kagi, n-girazyiipii, kachuipii, kakaloupii, kasampeipii.


Akaang aijangpii Saraanii ah- nyiigo hangkeng kaga maning marei kikii mpatpyii takle. Ahnyii noumei teinii ameinah jai tingshang katii gotei ajaitingshang kasu kikii kadat kaitakle.


gonyii meihangnii mpou mpou nougo kamatei ninado dzyii ka-nrou kito lungti tang karamle.


Sateichii gonyii mei kangkanii teitakumpii leile. Nlenii nyii Bangpii Jisu Krista zei kito sateichii nyii Saraamah rangii kito gonyiigo shyiido shyii matei pyiitakle, tiido tiimateipyii takle sateichii tiido tiimajyii tiimatuipyii takle.


Meinahnii katii tiigyii kamalem teipii supii kem kama pumtei kito laat mpat kapyii haisii katei, kristanii katii tiigyii kamalem teipii Kristago njasii hangninii tiikalu kito gonyii go tiigyii malem aitakle.


Kadapokii sanahgo kamarei ainii kashyii hangmah abang teile, mei kangkanii ai ai hangkapii doukanyii kito ahnyii tei kamalum kito dhiisii tat tutakle sateichii ahnyii lungtei swi kamage katu teipiinii ngiipii kahui kumpii hui aitakle.


Gonyiimah tiilung tei sanah marei matusulo, gonyiinii gonyiimah kabam teipii lung kashaat tei dou- matulo; kadapokii Saraanii tamle, “Inii n-go mpatsang mpat lakle sateichii Inii n-go toisang toipyii lakle.”


Swiv nou:

Piblisite


Piblisite