KOLOSIMEI 3:3 - KARANU KABI SAMTAM

³ Kadapokii gonyiinii taitakle, sateichii Kristago kaswisii gonyiimah karing tei Saraa dakii kabaibamle.

KOLOSIMEI 3:3 Referans Kwoze

GALATIMEI 2:20

Teipiinii ringkalei ai I-makle, nlenii gulungto ringkalei ai Kristale. Inii aitoi ringsii kalei tiilung ai, n-gu lungsyiipyiisii gujangpii mpoumah karing kapyii, Saraa nah sapfii mpougo kamalum kito Inii ring leile.

ROMMEI 6:2

Teisang teimakle! Kem lamto taikalei nyiinii teikito kisii thaangsii kada takumpiinii lungwo tangpo?

KOLOSIMEI 2:20

Gonyiinii Kristago kaswisii taitakle sateichii sazyii pouryiigo apum katii rangii hang kito laat mpatpyii aitakle; tei tiileponii, Gonyiinii sazyii pouryii kangto kalei takumpii dajangpiinii lungleipo?

JONNII KARYII KABI RASAM JUKAMATI 5:24

“Inii gonyii dakii kasangpii tam leile, gusam shiisii ninado n-gu lang kamagong ahgo malumsii kalei ahteinii kalui kaga karing tei doutakle; sateichii samtak katii kitei ahnii hailakle, nlenii ahnii katai kito karingki kaamajupat wotakle.

ROMMEI 8:2

Kadaponii Krista Jisu dato kalei karing mah rangii mah ajaitingshang teipiinii n-gu kem sateichii katai mah ajaitingshang kiteito laat mpatpyii takle.

ROMMEI 5:10

Nyiinii Saraago ngou karoumei tiisii leile, nlenii mpounah sapfii mpounii taikapyii paito mpounii nyiigo mpou kangmei tiipyiile. Aitoinii nyii ai mpou kangmei tiikalutai swisii, Kristanii taikapyii teipii kadaziika kisii nyiigo keipyii tangpo!

2 KORENMEI 5:14

Kadapokii Kristamah lungkasyii teipii nyiigo apum tiiwo takle; da- ponii nyiinii aitiisii malum wotakle katunii, meihang jangpii hangninanii taipyii takle, teipiinii hang ai taitakle.

JONNII KARYII KABI RASAM JUKAMATI 5:21

Kadapokii Pfiinii kataimeigo tiimaring pyiisii ring- matu katu takumpii nah sapfii mpou teiniido mpounii ringmatu kanyii ahnyii gotei ringmatule.

JONNII KARYII KABI RASAM JUKAMATI 3:16

Kadapokii Saraanii sazyii pou- ryiigo hangkasii lungkasyii jangpii, mpounah sapfii mpou hangniniisang hangninii roinii kalei go tei pyiitakle, teipiinii nah sapfii mpou gotei malum kalumei hang teinii gasupii, kalui kaga karing tei doutang karamle.

JONNII KARYII KABI RASAM JUKAMATI 14:19

Tinglang shang- niikii sousekchii sazyii pouryiinii n-gu ngouloilak takle, nlenii gonyii- nii n-gu ngoutangle, sateichii Inii ringkalei jangpii gonyiido ringtangle.

1 PITAR 3:4

Nlenii gonyiimah ngou kabi tei gonyii lungto kalei mikpii ngou kasu kasangmei, kamanoi ninado kamajung mah gasang gakalak ngoukabi jairali tei haitang karamle, hangkapii maikateeng tiisii Saraanii kapoi tei ai kakum ngoukabi aile.

METIU 11:25

Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle.

KOLOSIMEI 3:4

Gonyiimah kasang karing tei Kristale, sateichii mpounii kagongki gonyiiniido mpougo ka- swisii gongsii mpoumah pumtei kava tei njaitangle.

HEBRUMEI 7:25

Teijangpii mpoumah paikito Saraada manang kagong mei hang go tinglang kaleita mpounii kei- kapyiido ngamle, kadapokii mpounii ahnyii jangpii riita khangpyii tang karam jangpii taksupii ringsii leile.

KOLOSIMEI 2:3

Mpounii Saraamah kabai kabam kani kahiimah swirek kabi ninado swirek katimah kabi kani kahii hang go laat mpatsii kalei chabyii teile.

JONNII KARYII KABI RASAM JUKAMATI 5:40

Teitii- kido gonyiinii karing doutang karam jangpii guda gongnyii makle.

JONNII KARYII KABI RASAM JUKAMATI 4:14

Nlenii Inii pyiitang karam dwitei sak kalumei hangteinii saryii- sang saryiiloi lakle; Inii pyiitang karam dwitei mpou lung kito kalui tiisupiinii ringtang karam jangpii pok kapat dwipok hangninii tiitangle.”

MATIMANGOU KAPYII 2:17

“Rangiinii Charsh hang dakii tam kalei tei khoi pung kalei mei- hangnii shiimatulo. Ngam kalu ah dakii Inii kamakum manna tai pyiit- angle sateichii kuitu kaha hangninii ninado kuitu phyiiryiikii ryiikabam kasatai zei hangninii tei Inii ahdakii pyiitangle, teitei doukalu ah teisu- piinii mei kaniido zei tei timakle.’

1 JON 3:2

Lungkasyiimei, aitoinii nyiinii Saraamah nahmei takle, nlenii nyii ai kadapei takum tangpo katu aitoi mangou makle, nlenii Kristanii ka- gong kak, nyiido mpou takum tangle katu nyiinii tile, dapodinchii mpounii kasangpii ringkalei sek takumpii nyiinii mpougo ngoutangle.

PILIPIMEI 4:7

Sateichii meinahnii tipei kalak Saraa mah kamajung teinii Krista Jisu njasii hangninii tiikalu kito gonyii swi gonyii lung hangtei koipyii tangle.

1 KORENMEI 15:45

Kadapokii kabi rasam kito tamle, “Meinah karei reisang, Adam, gotei meinah karing hangninii tiipyiile;” nlenii kana nasang, Adam teinii karing kapyii rangii teile.

1 KORENMEI 2:14

Rangii haikasumei teinii Saraa rangiimah luha tei doumakle, kadapokii teitei mpou datonii kapang kamangle, sateichii mpounii teitei tipei wolakle. Kadaponii teiteinii rangiilamto kagongle.

ROMMEI 5:21

Kadaponii kem teinii katai kito magong kalei takumpii, jumage kapyii teido kalui kaga tiilung kito kasang kamajyii jangpii nyii Bangpii Jisu Krista paito magongsii lungtang karam jangpiile.

KOLOSIMEI 1:5

Kasang samtam katunii, kabi rasam teinii gonyiida gong kareiki, teiteinii pyiisii kalei maning kamalum mah kaang tei shiitakle, teipiinii gonyiimah kamalum ninado lungkasyii teinii gonyii jangpii sating gamkii kaidek kabam gonyiinii maning malumsii kalei taiswi takle.

2 KORENMEI 5:7

Kadapokii nyiinii mik kangoupii tat makle, nlenii nyiinii kamalum paikito tatle.

ROMMEI 6:11

Teijangpiinii gonyiido gonyii roinapiinii kem lamto taitakle, nlenii Saraa lamto Krista Jisu dato ring leilesii maning tang karamle.

IPISAMEI 3:9

Sateichii mahlyii hang go tii mpat kapyii Saraa dato tat tukalei tinglang kareiki Saraamah tiitang lesii raang kabam kamakum kabai kabam tei kadapeipo katu meihang go ngoumatu tang karam jangpii,

1 PITAR 4:2

teipiinii gonyiinii gonyiimah mashak kalei tiilung tei sazyii pouryiimah kamarei ka-ntha taiswisii lungkai supii, Saraanii kamaning kamazhii tai- swisii lung tang karamle.